Noticias

O Concello pediralle á Xunta de Galicia que permita a creación de 29 novas licenzas de taxi en Santiago, a metade delas para vehículos adaptados, e que impulse a modificación da actual lexislación para que se poidan crear licenzas temporais. Así se recolle no estudo de mobilidade específico que lle será remitido á Consellería de Vivenda e Planificación das Infraestruturas, e que esta mañá foi aprobado pola Xunta de Goberno.

A Xunta de Goberno Local aprobou esta mañá cinco convenios de colaboración do Concello de Santiago con catro entidades: Cruz Vermella Española, Cáritas Diocesana, Escola de Tempo Libre de Don Bosco e o Colexio de Avogacía de Santiago, por un importe total de 312.000 euros. Nesta mesma sesión tamén se deu luz verde ao expediente para a realización das obras de pavimentación da rúa das Baleixas en Marrozos, un proxecto ao abeiro do POS+ 2023 da Deputación da Coruña. Destes e outros asuntos tratados en...

A Xunta de Goberno Local aprobou as bases da "Convocatoria de subvencións en réxime de concorrencia competitiva, destinadas ao fomento do deporte federado. Ano 2024". A súa finalidade é a promoción das entidades deportivas locais de carácter federado, co obxecto de financiar, en parte, os gastos derivados da súa participación nas competicións deportivas establecidas nos correspondentes calendarios oficiais das federacións autonómicas e nacionais. Estas axudas contan cun orzamento de 330.000 euros, cun...

O Pazo de Raxoi acolleu esta mañá a reunión da Xunta Local de Seguridade para coordinar o dispositivo con motivo da celebración do Son do Camiño, festival que se celebrará do 30 de maio ao 1 de xuño en Santiago e ao que está previsto que acudan máis de 40.000 persoas cada día. As administracións implicadas actuarán de forma conxunta con medidas especias que se aplicarán tanto nos controis de acceso e no interior do recinto, como na propia cidade. Tamén se reforzarán os accesos á...

Do 5 ao 20 de xuño, o ciclo retoma a súa cita anual coa música de vangarda dos séculos XX e XXI e o diálogo entre artistas, formacións e creacións contemporáneas. A cidade volve ser escenario para a residencia da Joven Orquesta Nacional de España, que ofrecerá no Auditorio de Galicia 5 concertos na compaña do Ensemble Modern e o Trío Arbós. A programación complétase coas intervencións da Banda Municipal de Música de Santiago de Compostela, o Ensemble Liberdade e a...

A Festa do Banquete de Conxo congregou un ano máis centos de composteláns e compostelás o venres 24, o sábado 25 e o día grande, o domingo 26, cando se conmemorou o orixinal banquete do 2 de marzo de 1856 cunha xornada festiva e alegre na carballeira de Conxo que durou dende a mañá ata ben pasada a tarde. Teatro, música, artesanía e moito máis encheron os tres días de festa. Aos festexos asistiron a alcaldesa e membros da Corporación municipal.

Mañá, domingo 26, será o día grande das festas cunha romaría popular na carballeira de Conxo, amenizada por distintas actuacións musicais. Toda a cidadanía está convidada a asistir aos desfiles e representacións teatrais do Banquete de Conxo e unirse á romaría popular traendo da casa a súa propia comida e bebida ou acudindo ás carpas das polbeiras que estarán instaladas na carballeira. Todas as persoas que o desexen poden vir vestidas para a ocasión.

A alcaldesa Goretti Sanmartín mantivo un encontro co presidente de Mercasa, José Miñones, e co delegado do Goberno español en Galicia, Pedro Blanco, onde se comprometeron a desenvolver un plan de viabilidade e un plan estratéxico de investimentos de Mercagalicia que permitan converter Santiago de Compostela nun centro loxístico de referencia na distribución de mercadorías no Eixo Atlántico e no noroeste peninsular. No encontro tamén participaron o concelleiro de Economía e Facenda, Manuel César, e o...

As celebracións da V edición da Festa do Banquete traerán mañá roteiros para achegarse ao noso patrimonio verde, a Carreira da Orientación, un concerto dos coros e orfeóns de varios barrios e parroquias e a Festa de Poesía que contará coa participación musical de Filloas, AshDiz e C Mirazo e das poetas Sara Porto Puente, Diana Kurich, Branca Trigo e Marta Dacosta. O día grande das festas será o domingo 26 de maio, cunha romaría popular aberta a todo o mundo na que se farán diversas...

Un cauce que non mudou con respecto ao seu trazado natural, 35 especies de fauna, 21 arbóreas e 48 especies arbustivas e herbáceas. Son datos que "avalan a riqueza natural do ecosistema fluvial do río Sar ao seu paso polo Banquete de Conxo", que aparecen recollidos no estudo hidrolóxico e no inventario de recursos naturais da zona, que hoxe presentou a concelleira de Dereitos e Servizos Sociais, Promoción Económica e Xuventude, María Rozas. Ambos informes son o primeiro paso do proxecto de restauración do chamado "Bosque...