ACCIÓN CULTURAL
Volve o Festival Rosalía ás rúas compostelás para festexar o galego como "o noso superpoder"
O Festival, que terá lugar o venres 24 e o sábado 25, ofrecerá actividades para todos os públicos, con concertos, paseos literarios, un faladoiro, exposicións de traballos escolares e a feira de produtos rosalianos. O Concello de Santiago colabora nesta iniciativa organizada pola Deputación da Coruña e que se desenvolverá en varios espazos da cidade vella como a praza de Cervantes, o Teatro Principal, o CSC Maruxa e Coralia e o Colexio Maior de Santo Agostiño.
CONSORCIO
Últimos días para solicitar as axudas á rehabilitación de vivendas do programa 'Ter é Manter'
O Consorcio de Santiago lanzou o pasado mes de xaneiro un novo programa de axudas á rehabilitación dos elementos especiais de madeira e reixas e ao mantemento da envolvente exterior das vivendas da Cidade Histórica compostelá cun importe de 900.000 euros. As axudas destinadas a este fin poderán solicitarse ata o 20 de febreiro ás 14:00 h.
DEPORTES
Santiago acolle esta fin de semana a primeira proba do Campionato de España e de Galicia de Enduro
Compostela acollerá a proba inicial do Campionato Nacional de Enduro. Do venres 17 ao domingo 19 de febreiro, os circuítos dispostos na contorna do Estadio Verónica Boquete acollerán á elite a nivel nacional deste deporte de resistencia e habilidade.
ACCIÓN CULTURAL
Redrum Teatro convida ao público a reflexionar sobre os abusos infantís no espectáculo ‘Hamelin’ de Juan Mayorga
Redrum estrea o seu último traballo o vindeiro 23 de febreiro no Teatro Principal de Compostela, onde repetirá un día despois antes de realizar paradas en Cangas, Pontevedra, A Illa de Arousa, Lugo, Teo e Verín. A obra, dirixida e adaptada por Alex Sampayo, está protagonizada por un elenco de sete intérpretes formado por Guillermo Carbajo, Mónica García, Roberto Leal, Machi Salgado, Belén Constenla, Fran Lareu e Rubén Porto.
MEDIO AMBIENTE
Luz verde no pleno deste mes da Deputación ao primeiro tramo compostelán da Vía Verde, que sairá a licitación por 800.000 euros
O Pazo de Raxoi acolleu esta mañá o acto de presentación das accións incluidas no Plan de Sostibilidade Turística en Destino (PSTD) da Vía Verde Compostela-Tambre- Lengüelle e financiadas con 1,4 millóns de euros polo Goberno de España a cargo do alcalde de Santiago, Xosé Sánchez Bugallo; do presidente da Deputación da Coruña, Valentín González Formoso; do vicepresidente provincial, Xosé Regueira; do delegado do Goberno en Galicia, José Miñones, e do presidente da...
IGUALDADE
Marisol Soengas ofrecerá unha conferencia sobre a actualidade do cancro o vindeiro venres 17 no Teatro Principal de Santiago ás 20 horas
A microbióloga Marisol Soengas ofrecerá o vindeiro venres, 17 de febreiro, no Teatro Principal de Santiago unha charla coloquio no marco do ciclo de conferencias "Mulleres na cima". Esta actividade, organizada pola Fundación Araguaney-Puente de Culturas coa colaboración do Concello de Santiago, a Xunta de Galicia e a Universidade de Santiago de Compostela (USC), foi presentada hoxe en rolda de prensa no hotel Eurostars Araguaney polo presidente da Fundación Araguaney-Puente de Culturas, Ghaleb Jaber Martínez, e a concelleira de Acción...
XUNTA DE GOBERNO
O Concello solicita investimentos de máis de 1,5 millóns de euros con cargo ao POS para Sabugueira, Marrozos, Villestro, Marantes, Aríns, Bar de Arriba, Bar de Abaixo e Asidros
A Xunta de Goberno Local acordou participar no Plan provincial de cooperación ás Obras e Servizos de competencia municipal (Plan único de concellos) "POS+ 2023" da Deputación Provincial da Coruña, e pedir a aplicación da asignación que se solicitou por importe de 706.104,52 euros, cos que se financiarían catro actuacións no rural. A estas obras sumaríanse outras tres do Plan Complementario, cun orzamento previsto de 805.400,69 euros. En total, os investimentos previstos no rural con cargo ao POS para este ano 2023...
XUNTA DE GOBERNO
Aprobados os procedementos de apertura de prazo de solicitudes e admisión da Escola Municipal de Música para o curso 2023/2024
A Xunta de Goberno Local aprobou hoxe os procedementos e apertura dos prazos de reserva de praza, solicitudes de admisión e matrícula na Escola Municipal de Música para o curso escolar 2023-2024, nas que se distingue entre renovación de praza e alumnado de novo ingreso. Para o novo alumnado, o prazo de preinscrición establécese entre o 5 e o 25 de maio.
PERSOAL
O Concello de Santiago abre a partir de mañá o prazo de inscrición para a cobertura de 59 prazas
O Boletín Oficial do Estado (BOE) acaba de publicar a convocatoria dun total de 59 prazas de persoal funcionario de carreira e de persoal laboral fixo no Concello de Santiago, para a súa cobertura a través do sistema de oposición e quenda libre. A estas prazas súmanse tamén as 92 prazas xa convocadas o pasado mes de decembro do proceso extraordinario de estabilización e as 71 prazas de promoción interna de persoal funcionario de carreira que xa presta os seus servizos no Concello.
IGUALDADE
Ábrese o prazo de solicitude de subvencións destinadas ao fomento de actividades a prol da igualdade e á prevención das violencias machistas
Desde mañá, 13 de febreiro, e ata o 28 de febreiro, estará aberto o prazo para a presentación de solicitudes á convocatoria de subvencións para o fomento de programas e actividades en prol da igualdade efectiva entre mulleres e homes e das persoas do colectivo lésbico, gay, transexual, bisexual, queer e intersexual (LGTBQI), e prevención e loita contra as violencias machistas, durante o ano 2023.
