Noticias

O evento foi presentado esta mañá no Pazo de Raxoi polo concelleiro de Turismo, Sindo Guinarte, acompañado por Pío Iglesias Carrera, presidente da Asociación Española de Interim Management. Durante o Congreso, en cuxa apertura participará o alcalde de Santiago, farase un recoñecemento aos fundadores da Asociación Interim Management España (AIME) polo seu décimo aniversario, unha traxectoria que comezou, precisamente, en Galicia, sede do Congreso.

A concelleira de Deportes, Esther Pedrosa, acompañada por David Neira, delegado comarcal da Federación Galega de Judo e Xaquín Baldomir do judo club base, presentaron esta mañá en rolda de prensa o XV Trofeo "Cidade de Santiago", que reunirá esta fin de semana en Compostela a 108 judokas de Asturias, Castilla y León, Cantabria y Galicia, pertencente á categoría júnior. O domingo tamén terá lugar a iniciativa XOGAJUDO, para achegar esta disciplina a arredor de 300 cativos e cativas.

O Teatro Principal de Compostela acolle entre o 18 e o 21 de marzo a sexta edición do Respira!, o máis importante acontecemento poético de Galicia. A concelleira de Acción Cultural, Mercedes Rosón, acompañada por Valentín García, secretario xeral de Política Lingüística da Xunta e o director do festival, Antón Lopo, presentou esta mañá a programación desta cita xa consolidada do panorama cultural compostelán que abrangue catro días de recitais, música e faladoiro. Toda...

A concelleira de Deportes, Esther Pedrosa, presentou hoxe os detalles do XX Dúatlon Cidade de Santiago e do XXIII Duatlón Escolar Cidade de Santiago. Na rolda estivo acompañada por Javier Campos Peña, presidente da Federación Galega de Triatlón, e Paloma Herbello Hermelo, presidenta do Club Triatlón Santiago.

O Pleno da Corporación, en sesión extraordinaria, deu luz verde á aprobación dun expediente de recoñecemento extraxudicial de crédito por importe de 1.867.512,40 euros para o pagamento de facturas correspondentes ao tramo final do proxecto Smartiago. Contou cos votos favorables do goberno municipal e coa abstención do resto dos grupos.

A iniciativa, enmarcada na feira Revera Vinum, ten como obxetivo reforzar a relación entre as adegas, locais de hostalaría e consumidores. Celebraráse do 17 ao 31 de marzo e inclúe sorteo de agasallos, como estancias en aloxamentos de turismo rural, experiencias en adegas, e lotes de viños

"Un equipo renovado que nos permitirá vivir nun Santiago Sostible, limpo e respectuoso co medio ambiente", asegura Mila Castro, concelleira de Medio Ambiente

O Departamento de Educación do Concello de Santiago acaba de publicar a listaxe de reservas e traslados do alumnado actual, así como o número de prazas vacantes dispoñibles para as escolas infantís municipais de Conxo, As Fontiñas e Salgueiriños-Meixonfrío. As familias interesadas poderán achegar desde mañá, 16 de marzo e ata o 17 de abril, as solicitudes de prazas para novos/as alumnos/as.

Un centenar de persoas percorreron hoxe o último tramo do Camiño de Santiago, catro quilómetros entre o monte do Gozo e a praza do Obradoiro, onde os recibiu o alcalde, Xosé Sánchez Bugallo. Todas elas, familiares ou persoas que sufren algunha enfermidade rara ou ultra-rara, camiñaron por un obxectivo común, visibilizar estas patoloxías e impulsar a investigación na procura de tratamentos eficaces.

O vindeiro 21 de marzo terá lugar o segundo encontro emprendedor "Pensando e planificando Compostela mediante a participación cidadá", que centrará o debate sobre o modelo de cidade do futuro. O obxectivo é analizar algunhas das cuestións identificadas no proceso de elaboración da Axenda Urbana 2030 sobre a definición actual do modelo de cidade, como a distribución da poboación no territorio, os equipamentos e servizos disponibles, e os espazos de oportunidade para a transformación urbana na cidade.