CAPITAL CULTURAL
Últimos días para visitar a mostra #Punctum. Beliscos de BD na arte contemporánea galega
A exposición con traballos de artistas da BD e o fanzine galego como Maru Astray, Julia Lago, Bea Lema, Uxía Larrosa, Xulia Pisón e Pepa Prieto Puy conclúe este domingo, día 16 de xuño. Situada na Sala Isaac Díaz Pardo do Auditorio de Galicia, pode ser visitada de balde todos os días da semana, de 10 a 14 horas e de 16 a 20 horas.
XUNTA DE GOBERNO
O Concello de Santiago continúa coa tramitación da nova ordenanza complementaria de usos en vivenda habitual
O executivo municipal dá un novo paso para a aprobación da nova ordenanza que promoverá e favorecerá o acceso á vivenda. A Xunta de Goberno local deu hoxe luz verde á ordenanza complementaria sobre usos de hospedaxe asimilados ao de vivenda, que se elevará ao pleno municipal nas vindeiras semanas tras o período de estudo.
SUSTENTABILIDADE AMBIENTAL
Constitúese a Comisión especial para mellorar a xestión do ciclo integral da auga no Concello de Santiago
O Pazo de Raxoi acolleu esta maña a sesión constitutiva da Comisión especial encargada de analizar a forma máis eficiente e sostible para a xestión do ciclo integral da auga no Concello de Santiago. Na xuntanza de hoxe, que contou coa participación da alcaldesa, representantes dos grupos políticos municipais e persoal técnico do Concello, tamén se abordou o réxime de sesións, a análise da situación de partida e a toma de decisións.
DEPORTES
A Xunta de Goberno local aproba as bases da convocatoria de cesión de usos das instalacións deportivas
A Xunta de Goberno Local aprobou hoxe as bases reguladoras da convocatoria de cesión de usos das instalacións deportivas municipais para actividades deportivas e físicas durante a tempada 2024-2025.
CONSORCIO
O Consorcio de Santiago celebra a Semana da Administración Aberta cunha visita guiada á súa sede e algunhas das súas últimas intervencións
O Pazo de Raxoi, a Igrexa de San Fructuoso, o Museo do Pobo Galego e as piscinas do Sar serán os destinos do percorrido que terá lugar o mércores 12 de xuño.
ALCALDÍA
Minuto de silencio pola última vítima mortal de violencia machista
A praza do Obradoiro acolleu este mediodía un minuto de silencio pola muller asasinada en Barcelona o pasado 3 de xuño, vítima de violencia de xénero.
CAPITAL CULTURAL
A autora palestina Adania Shibili e a bretoa Nolwenn Korbell, novas incorporacións ao Xardín das pedras que falan
‘O xardín das pedras que falan’ incorpora desde esta tarde dúas novas voces poéticas, a da palestina Adania Shibili e a da bretoa Nolwenn Korbell. As pedras cos seus textos, en árabe e en bretón, foron descubertas nun acto público presidido pola alcaldesa, Goretti Sanmartín, e no que tamén participaron, o poeta e director da Cátedra Valente de Poesía e Estética da USC, Claudio Rodríguez Fer, e a ensaísta e catedrática de Francés, María Lopo.
ALCALDÍA
A alcaldesa de Santiago arrinca un investimento de 850.000 euros da Deputación da Coruña para arranxar as cubertas do Estadio Verónica Boquete
A alcaldesa de Santiago de Compostela, Goretti Sanmartín, reuniuse hoxe co presidente da Deputación da Coruña, Valentín González Formoso, para abordar a colaboración entre ambas as dúas institucións e proxectos de futuro. Na reunión participaron tamén o vicepresidente da Deputación, Xosé Regueira, a concelleira de Capital Cultural, Turismo, Educación e Memoria Histórica, Miriam Louzao, e a concelleira de Deportes e Relacións Veciñais, Pilar Lueiro.
PROMOCIÓN ECONÓMICA
O Centro Xove da Almáciga acolle o Demoday de iniciativas de emprendemento cooperativo no ámbito do márketing dixital
O Centro Xove de Creación Cultural da Almáciga acolle o próximo xoves o acto de presentación de proxectos participantes na formación "Márketing Dixital e Cooperativismo". O programa formativo, impulsado pola Fundación Paideia coa colaboración da Concellaría de Promoción Económica, desenvolveuse entre febreiro e xuño coa participación de mozos e mozas menores de 30 anos en situación de desemprego.
MOBILIDADE
O Concello agarda que o Goberno de Teo valore o informe sobre os custos da extensión do servizo de autobús ata Cacheiras
O informe elaborado pola empresa municipal Tussa sobre a posible extensión da actual liña 6 do transporte urbano de Santiago a Cacheiras, ata a altura da rotonda que comunica a AC-841 coa AG-58, cifra en 1,8 millóns de euros os investimentos necesarios para prestar ese servizo, unha cifra á que habería que engadir outros custos anuais como os da contratación de novo persoal. O estudo responde á solicitude feita pola alcaldesa de Teo para que o Concello de Santiago avaliara a prolongación da liña, e deberá ser agora o...