ACCIÓN CULTURAL
Un concerto da Banda Municipal, Uxía e Canto D’Aqui pechará a 4º Semana Cultural de Convergências Portugal-Galiza
A concelleira de Acción Cultural, Branca Novoneyra, e o director da Banda Municipal de Música de Santiago, Casiano Mouriño, participaron na rolda de prensa de presentación da 4ª edición da Semana Cultural de Convergências Portugal-Galiza, que homenaxeará a Rosalía de Castro nas cidades de Braga (Portugal), Padrón e Santiago de Compostela a través da música, dos libros, da poesía, de tertulias e do teatro.
IGUALDADE
Minuto de silencio pola última vítima mortal da violencia machista
A praza do Obradoiro acolleu un minuto de silencio para condenar o último asasinato machista, que deixou este luns unha vítima en La Viñuela (Málaga).
MEDIO AMBIENTE
A rúa Outeiro de Sar contará cun novo parque infantil e o parque Pablo Iglesias cunha remodelada área de xogos
O Goberno local vén de adxudicar a instalación de dous parques infantís, un deles de nova creación en Outeiro de Sar, e outro que será renovado no parque Pablo Iglesias. As dúas áreas de xogo estarán finalizadas nun prazo de tres meses, despois dun investimento total de case 225.000 euros.
DEPORTE E PATRIMONIO
A SantYaGo10K formará parte da I edición do Circuíto de Carreiras "Cidades Patrimonio da Humanidade"
Esta mañá presentouse en Sevovia o I Circuíto de Carreiras "Cidades Patrimonio da Humanidade", actividade que organiza o Grupo de Cidades Patrimonio da Humanidade de España en colaboración con EDP e Paradores, con motivo da celebración en 2018 do 25 aniversario da creación da rede que reúne as 15 cidades españolas inscritas na Lista do Patrimonio Mundial da Unesco. Santiago, que xa dispón do seu Circuíto de Carreiras Saudables CorreSan, suma unha das súas probas, a nocturna...
FESTAS
A queima do Meco pon fin ao Entroido compostelán
O personaxe central do Entroido santiagués volveu asumir o protagonismo na última xornada do programa das festas. A veciñanza compostelá reuniuse na praza do Toural para presenciar o descenso do Meco dende os balcóns do Pazo de Bendaña, convertidos por uns días en outeiro privilexiado desta figura creada por José Manuel Méndez.
POLÍTICAS SOCIAIS
O Centro de Atención Integral ás Persoas sen Fogar contará con área residencial e centro de día
O Goberno local financiará con cargo á EDUSI a creación dun Centro Municipal de Atención Integral ás Persoas sen Fogar, que estará localizado no edificio que ocupa actualmente o Centro de Interpretación Ambiental de Belvís. O proxecto está orzado nun millón de euros e o obxectivo é que o centro estea rematado ao longo de 2020. O novo servizo contará tanto cunha área residencial como cunha zona para a atención diúrna.
CONSORCIO
Últimos días para solicitar as axudas á rehabilitación dos elementos especiais de madeira e reixas nos inmobles da cidade histórica
O Consorcio de Santiago vai destinar 150.000 euros en axudas para a rehabilitación de carpinterías de madeira e reixas dos inmobles situados no ámbito do Plan Especial de Protección e Rehabilitación da Cidade Histórica. Con esta iniciativa búscase mellorar a eficiencia enerxética das vivendas, co consecuente aforro económico para os cidadáns, xunto co seu illamento acústico. O prazo para pedir estas axudas remata o luns 19 de febreiro.
FESTAS
A comparsa "Estrelas da noite" e a carroza "Ciklon", gañadoras do concurso do martes de Entroido
Malia a choiva, Compostela botouse á rúa para acompañar o desfile do martes de Entroido 2018. Centos de persoas esparexidas polos diferentes barrios da cidade, presenciaron a ruada que partiu da avenida de Ferrol ás 17:30 horas para pór rumbo ás rúas Romero Donallo, Santiago de Chile, Frei Rosendo Salvado, praza Roxa, República do Salvador, Hórreo, e Senra, para rematar na avenida de Xoán Carlos I. O punto de maior concentración foi a praza de Galicia, onde agardaba o xurado.
CONVIVENCIA
Últimos días para o pagamento da taxa anual das tarxetas de residente por razón de municipio
A Concellaría de Medio Ambiente e Convivencia lembra que o vindeiro xoves, 15 de febreiro, remata o prazo para abonar a taxa anual correspondente ao ano 2018 das tarxetas de estacionamento de residente por razón de municipio. A taxa é de 50 €.
TURISMO
O Plan Estratéxico contempla máis de 60 accións para desenvolver un modelo turístico sostible
A concelleira de Turismo, Marta Lois, e a xerente de Turismo de Santiago, Flavia Ramil, presentaron no Pazo de Raxoi as principais liñas de actuación do novo Plan Estratéxico do Turismo, que define os grandes obxectivos, retos e propostas de actuacións a impulsar nos vindeiros anos para transformar o actual modelo turístico da cidade.