FESTAS E MOBILIDADE
Peonalización de varias rúas do Ensanche para facilitar a participación en "Prima20", a festa do comercio local
Xa está todo listo para o inicio de Prima20, a festa do comercio local, que se desenvolverá dende o xoves 25 ao domingo 28 de xuño. E para facilitar que toda veciñanza poida participar da saída á rúa do comercio e das actividades previstas, a peonalización de varías rúas do Ensanche da fin de semana estenderase tamén ás tardes do xoves e do venres, a partir das 18:00 horas.
MOCIDADE
A concelleira de Mocidade visita as obras do Centro Xove da Almáciga
A concelleira de Mocidade, Noa Díaz, visitou este martes as obras que se están levando a cabo no Centro Xove da Almáciga e nos locais anexos. Estes traballos contan cun investimento de 34.000 euros e prevese que estean rematados a finais deste verán, coincidindo coa presentación da nova programación, na que se reforzarán as actividades online.
ALCALDÍA
O alcalde participou na xuntanza do Padroado da Cidade da Cultura
O alcalde de Santiago, Xosé Sánchez Bugallo, participou este martes na xuntanza telemática do Padroado da Cidade da Cultura, presidida polo conselleiro de Cultura e Turismo, Román Rodríguez.
PERSOAL
A mesa xeral de negociación abordou o acordo de funcionarización e as liñas de actuación en materia de recursos humanos
A concelleira de Economía, Facenda, Persoal e Modernización da Administración Local, Marta Abal, presidiu hoxe a primeira mesa xeral de negociación unha vez superado o Estado de Alarma. Entre os asuntos tratados, figuraron a oferta de emprego público do ano 2020, o borrador sobre o acordo de funcionarización do persoal laboral fixo e as liñas de actuación en materia de recursos humanos que ten previsto desenvolver o equipo de goberno no período comprendido entre os exercicios 2020 e 2022.
PROMOCIÓN ECONÓMICA E COMERCIO
Publicadas as listaxes de beneficiarios/as das axudas a autónomos e micropemes e ao comercio do Plan de Reactivación Económica
Dando cumprimento ás bases das respectivas convocatorias, veñen de publicarse as relacións de beneficiarios/as e excluídos/as de tres das convocatorias incluídas no Plan de Reactivación Económica do Concello para facer fronte á situación creada pola COVID-19.
XUNTA DE GOBERNO
O transporte público recuperará a normalidade o 1 de xullo coa entrada en vigor do horario de verán
Tal como xa anunciara a pasada semana, o alcalde de Santiago, Xosé Sánchez Bugallo, confirmou que o transporte público recuperará o seu funcionamento ordinario o próximo 1 de xullo. Esta foi unha das medidas aprobadas na Xunta de Goberno deste luns, na que tamén se validou o servizo de limpeza e desinfección dos parques infantís.
CENTROS SOCIOCULTURAIS
Propostas seguras e para todas as idades nunha nova edición de "Vive o verán"
Chega o verán e con el un dos programas máis consolidados na programación municipal como é Vive o verán. Son máis de 4.500 prazas para 325 actividades que se desenvolverán nos centros socioculturais da cidade ao longo do mes de xullo, que se únen ás xa presentadas para os centros do rural.
XUNTA DE GOBERNO
O Concello destina 620.000 euros á convocatoria de bolsas de comedor, compra de material escolar e actividades extraescolares
A Xunta de Goberno Local aprobou a convocatoria de bolsas de comedor, adquisición de material escolar e actividades extraescolares para o alumnado dos centros docentes públicos e concertados sostidos con fondos públicos de educación infantil (2º ciclo) e de educación primaria obrigatoria para o curso 2020/2021. A convocatoria publicarase en breve no Boletín Oficial da Provincia (BOP).
XUNTA DE GOBERNO
A Xunta de Goberno aproba unha modificación de crédito para a mellora de varias instalación deportivas
A Xunta de Goberno deu o visto bo este luns a unha modificación de crédito, por un importe total de 182.019 euros, procedentes de baixas por anulación, para o financiamento de varias obras de mellora en instalación deportivas do municipio. Este cambio orzamentario será sometido á aprobación do Pleno este vindeiro xoves.
ALCALDÍA
Constituído o Consello Económico e Social co obxectivo de afrontar o escenario xurdido da crise da COVID-19
Hoxe quedou constituído o Consello Económico e Social do Concello de Santiago, presidido polo alcalde, Xosé Sánchez Bugallo, cunha prioridade: "afrontar o escenario económico e social que se deriva da crise da COVID-19". O rexedor espera que este órgano funcione, a partir de agora, de xeito estable, xa que, recorda, reuniuse entre os anos 1999 e 2010, e a partir de aí non se volveu convocar.