ACCIÓN CULTURAL
"De Lugares e Órganos" achega o patrimonio musical da cidade na súa quinta edición
Do 20 de agosto ao 1 de setembro celébrase en Compostela o festival de música De Lugares e Órganos, que este ano chega á súa quinta edición, converténdose nunha cita consolidada na cidade. A concelleira de Acción Cultural, Mercedes Rosón, acompañada da directora do ciclo, Belén Bermejo, presentou hoxe no Pazo de Raxoi esta cita cita musical ineludible, que pon en valor o patrimonio instrumental da cidade.
ALCALDÍA
Santiago únese á homenaxe a Isaac Díaz Pardo da cidade arxentina de Magdalena
O Concello de Santiago únese aos actos de conmemoración do centenario do nacemento de Isaac Díaz Pardo que a cidade arxentina de Magdalena celebrará o vindeiro 22 de agosto. O rexedor compostelán, Xosé Sánchez Bugallo, remitiu ao seu intendente, Gonzalo Peluso, e aos veciños e veciñas desta localidade un vídeo saudando esta iniciativa, que incluirá unha videoconferencia coa participación de representantes de Santiago de Compostela e de Magdalena.
ROLDAS DE PRENSA
O novo Servizo de Axuda no Fogar permitirá incrementar nun 30% as horas de atención
A concelleira de Políticas Sociais, Mila Castro, deu conta das principais novidades do novo contrato do Servizo de Axuda no Fogar (SAF), agora en fase de licitación. O Goberno local duplicou o importe anual destinado a este servizo esencial, o que permitirá incrementar nun 30% o número de horas de atención, e introduciu outras melloras que favorecerán un funcionamento máis áxil do servizo.
MEDIO AMBIENTE E URBANISMO
Xuntanza en Raxoi coa veciñanza de Marrozos
As concelleiras de Medio Ambiente, Mila Castro, e de Urbanismo, Mercedes Rosón, mantiveron este mércores unha reunión cunha representación veciñal de Marrozos, para abordar o proxecto de instalación dunha planta de transferencia de residuos da construción nesta parroquia.
ACCIÓN CULTURAL E FESTAS
Nace "Compostela en marcha", un novo ciclo de actividades lúdico-culturais para dinamizar a cidade
O Pazo de Raxoi acolleu a presentación de Compostela en marcha, un novo ciclo de actividades lúdico-culturais que organizan a Asociación Hostalaría Compostela e a Asociación de Bares, Pubs e Discotecas de Compostela, en colaboración co Concello de Santiago. Asistiron á mesma as concelleiras de Acción Cultural, Mercedes Rosón, e de Festas en funcións, Mila Castro; a presidenta da Asociación Hostalaría Compostela, Sara Santos; e o directivo da Asociación de Bares, Pubs e Discotecas de Compostela,...
MEDIO AMBIENTE
O Concello e Viaqua lanzan unha campaña para recordar a importancia de facer un uso responsable da auga para evitar situacións de seca
O Concello de Santiago e Viaqua, como xestora dos servizos municipais de abastecemento de auga potable e rede de sumidoiros de augas residuais, fan un chamamento aos veciños e veciñas, así como a turistas e habitantes non empadroados/as que veñen gozar das súas vivendas neste período estival, para que tomen conciencia da necesidade de facer un consumo racional, axustado e solidario da auga.
ALCALDÍA
O Concello súmase ás recomendacións da FEMP e do Goberno sobre o uso responsable da máscara en contornas naturais
O Concello de Santiago, como integrante da Federación Española de Municipios e Provincias (FEMP), súmase á campaña desta en colaboración cos ministerios para a Transición Ecolóxica e o Reto Demográfico, e de Consumo, que leva por título "Recordos inesquecibles. A máscara é para ti, non para a natureza". Esta iniciativa promove o uso de máscaras protectoras e quere sensibilizar sobre os efectos do abandono das mesmas en contornas naturais.
XUNTA DE GOBERNO
O Goberno local destina máis de 9 millóns de euros ao novo contrato do Servizo de Axuda no Fogar
A Xunta de Goberno Local, nunha sesión extraordinaria celebrada este venres, iniciou o expediente para contratar o novo Servizo de Axuda no Fogar, cun tipo de licitación de 9.245,235 euros para un período de tres anos. Na sesión tamén se aprobaron convenios de colaboración con entidades sociais por valor de 104.000 euros e resolveuse a convocatoria de subvencións para o fomento da igualdade.
ALCALDÍA E DEPORTES
Recibimento a José Manuel Calderón tras realizar o Camiño de Inverno
O alcalde en funcións, Sindo Guinarte, recibiu o ex xogador de baloncesto José Manuel Calderón, protagonista da VI edición de "O Camiño acaba no Obradoiro". Coa delegación que acompañaba o deportista chegou a concelleira de Deportes, Esther Pedrosa. Tamén participaron na recepción os concelleiros José Antonio Constenla (PP) e Navia Rivas (BNG).
POLÍTICAS LINGÜÍSTICAS
Primeira semana de actividades de rúa no Territorio Xogantín
A concelleira de Políticas Lingüísticas, Noa Díaz, visitou este xoves os nenos e nenas que participan esta semana nunha nova edición do Territorio Xogantín, o programa que propón tomar as rúas, as prazas e os parques para enredar libremente. Dende o pasado luns e ata o 4 de setembro, un grupiño de rapaces e rapazas de 6 a 10 anos xúntanse coas monitoras de Xandobela na praza do 8 de Marzo, de luns a venres entre as 11:30 e as 13:30 h, para facer súa a rúa.