DEPORTES
Preto de 80 deportistas competirán no Campionato Galego Universitario de Natación 2024
A concelleira de Deportes, Pilar Lueiro, destacou o papel de Compostela como "cidade de acollida" para este evento e engadiu que dende o primeiro momento tiveron claro que "Universidade e Concello teñen que ir collidos da man".
CAPITAL CULTURAL
O Festival Rosalía enche a Praza de Mazarelos para celebrar o 187º aniversario do nacemento da escritora
Grande éxito de afluencia nas actividades do festival, organizado pola Deputación da Coruña, coa colaboración do Concello de Santiago de Compostela. Poesía, escena, música, artesanía e narración oral inspiradas na figura de Rosalía para celebrar a potencia creadora na nosa lingua.
CAPITAL CULTURAL
Compostela celebra o día de Rosalía no 187 aniversario do seu nacemento
O 23 de febreiro de 1837 nacía Rosalía de Castro en Santiago de Compostela e para conmemorar o 187 aniversario dese nacemento celebrouse un ano máis o día da autora galega máis internacional. No marco desta efeméride, a alcaldesa de Santiago, Goretti Sanmartínn, e a concelleira de Capital Cultural, Míriam Louzao, asistiron á ofrenda floral organizada pola Fundación Rosalía de Castro na praza de Vigo, lugar onde naceu a poeta. O programa de actividades continuará esta tarde e mañá co Festival...
MOBILIDADE E CONVIVENCIA
O 15 de marzo ábrese o prazo para renovar as tarxetas de acceso á cidade histórica
Dende o 15 de marzo e ata o 30 de abril, a Concellaría de Mobilidade e Convivencia abrirá un prazo excepcional para solicitar a renovación de tarxetas ou distintivos de paso e parada para o acceso á cidade histórica que estean caducadas. O prazo de vixencia destes distintivos é de dous anos, polo que todos aqueles concedidos no ano 2022 e anteriores xa caducaron ou caducarán ao longo deste 2024.
TURISMO
Santiago(é)tapas chega a súa segunda fin de semana con numerosos premios para o público
Santiago(é)Tapas, o concurso de tapas da cidade organizado por Turismo de Santiago, chega a súa segunda fin de semana cuns importantes datos de participación de público. Ata o momento consumíronse máis de 6.000 tapas nos locais participantes no concurso, que comezou o pasado 15 de febreiro e se prolongará ata o vindeiro tres de marzo.
TURISMO
Turismo de Santiago e a Xunta de Confrarías presentan o programa de Semana Santa
A concelleira de Turismo, Míriam Louzao, a xerente de Turismo de Santiago, Flavia Ramil, o arcebispo da Diócese de Santiago de Compostela, Francisco José Prieto, e a presidenta da Xunta da Confrarías, María Elena Bernárdez, presentaron no Pazo de Raxoi o folleto que recolle o programa de actividades que neste ano se desenvolverán xa dende finais de febreiro e ata primeiros de abril arredor da Semana Santa. O programa en papel está xa dispoñible na oficina de información de Turismo de Santiago, na rúa do Vilar,...
CAPITAL CULTURAL
‘Noso’ e ‘Crisálida’ levan ao Teatro Principal as mobilizacións contra os parques eólicos e a defensa do pequeno comercio
A última montaxe de Os Náufragos Teatro traslada o público a unha pequena aldea galega na que a veciñanza afronta a expropiación do ultramarinos-bar ‘Noso’ por mor da construción dun parque eólico. Ao abeiro do ciclo ‘En familia’, a peza ‘Crisálida’ de Caramuxo Teatro pon en valor os negocios tradicionais nun mundo cada vez máis globalizado.
CAPITAL CULTURAL
María José Llergo presenta ‘Ultrabelleza’ no Auditorio de Galicia
Con este concerto, a artista cordobesa leva ao escenario un traballo que aproxima o flamenco ao urbano e que lle valeu o Premio Ruído ao mellor álbum da escena musical española en 2023. As entradas para este evento, que terá lugar o sábado ás 20.30 horas na Sala Ángel Brage do Auditorio, poden ser adquiridas no despacho de billetes do recinto o propio día do concerto, e os días antes na web de Compostela Cultura e no despacho de billetes da Zona C.
CAPITAL CULTURAL
Compostela será o epicentro do Día de Rosalía, con actos institucionais e 30 locais hostaleiros a ofrecer o Caldo de Gloria
Os actos oficiais terán lugar na mañá do venres 23 de febreiro en Santiago: na praza de Vigo e no Hostal dos Reis Católicos, con música do alumnado da Escola Municipal de Santiago, dos Carapaus e de Faia. A Fundación Rosalía de Castro e o Concello de Santiago fan un chamamento á veciñanza compostelá e a toda a sociedade galega a celebrar o Día de Rosalía lendo a súa obra, comendo un Caldo de Gloria e participando na Alborada para Rosalía. 30 locais hostaleiros da cidade ofrecerán Caldo de...
XUNTA DE GOBERNO
Do 20 ao 26 de febreiro estará aberto o prazo de inscrición no programa de conciliación de Semana Santa nos CEIP
Mañá martes, 20 de febreiro, ábrese o prazo de inscrición e matrícula no "Programa municipal de conciliación de Semana Santa 2024" do Concello de Santiago, que terá lugar os días 25, 26 e 27 de marzo e o 1 de abril nas instalacións dos CEIP Quiroga Palacios e Monte dos Postes. O Concello ofertará un total de 150 prazas para participar nos obradoiros e actividades, outras 150 para o servizo de xantar e 60 para os máis madrugadores. A memoria do programa aprobouse hoxe en Xunta de Goberno.