XUNTA DE GOBERNO
O Goberno local acorda encomendarlle ao Consorcio o soterramento do cableado aéreo no cruce das rúas da zona histórica
A Xunta de Goberno acordou hoxe encomendarlle ao Consorcio os traballos de redacción de proxectos e execución dos traballos das canalizacións soterradas, para substituír os pasos aéreos do cableado nos cruces das rúas dentro do ámbito do Plan Especial da Cidade Histórica. A encomenda enmárcase no programa no que está traballando o Concello para substituír o cableado e dotar de fibra óptica á zona monumental.
ALCALDÍA
O Multiúsos de Sar acollerá en decembro un concerto de Helloween, na súa xira "Pumpkins United"
Os alemáns Helloween ofrecerán un concerto no Multiúsos de Sar o 8 de decembro, dentro da súa xira de reunión Pumpkis United. O espectáculo será o segundo que acollan as instalacións deportivas na nova temporada, despois do xa anunciado de Tribalistas.
ALCALDÍA
O alcalde recibe os/as participantes no campamento Félix Rodríguez de la Fuente
O alcalde de Santiago, Martiño Noriega, e o concelleiro de Medio Ambiente e Convivencia, Xan Duro, recibiron esta mañá na praza do Obradoiro os mozos e mozas do campamento Félix Rodríguez de la Fuente, que do 19 ao 27 de xullo, recorreron os 156,7 quilómetros que separan o Alto do Cebreiro de Santiago.
ALCALDÍA
Santiago e Padrón, un Apóstolo máis estreitando lazos de irmandade
As festas do Apóstolo celebraron este venres o tradicional Día de Padrón en Santiago, no que as dúas vilas reforzan os seus fortes lazos de irmandade. Así sucede tamén, á inversa, na Pascua padronesa.
FESTAS
Mala Rodríguez chega a Santiago días despois de presentar o adianto do seu novo traballo
Mala Rodríguez, a principal figura feminina do rap estatal, chegará mañá a Santiago para participar nas festas do Apóstolo. Farao poucos días despois da presentación do single "Gitanas", que formará parte do seu novo disco. No seu concerto na praza da Quintana, La Mala contará como teloneiro dun referente do hip hop galego, o compostelán Erin.
PLENO
A Corporación dá o visto bo a dous suplementos de crédito por importe de preto de tres millóns de euros
O Pleno da Corporación aprobou este xoves, en sesión extraordinaria e urxente, dous suplementos de crédito por importe de 2.102.851 euros e de 893.900 euros, respectivamente. O acordo saíu adiante cos votos favorables de Compostela Aberta e a abstención do resto de grupos.
IGUALDADE
Minuto de silencio pola última vítima mortal da violencia machista
A praza do Obradoiro acolleu un minuto de silencio para condenar o último asasinato machista, que deixou este martes unha vítima en Astorga (León).
ALCALDÍA
A rapazada volverá xogar na rúa este verán grazas a unha nova edición do "Territorio Xogantín"
Que as rúas volvan ser un espazo para o xogo dos nenos e das nenas. É o obxectivo do programa A rúa é nosa! Territorio Xogantín, que o Concello pon en marcha por terceiro verán consecutivo, a través do Departamento de Lingua. O alcalde, Martiño Noriega, presentou hoxe as actividades, que arrancan o próximo luns, 30 de xullo.
POLÍTICAS SOCIAIS
Rosa Cedrón, Luis Fercán ou Carmela Pequena colaborarán no I Concerto "NormalizAutismo"
A concelleira de Políticas Sociais, Diversidade, Saúde e Centros Cívicos, Concha Fernández, presentou hoxe o I Concerto Benéfico NormalizAutismo, que terá lugar o vindeiro 26 de setembro na Sala Capitol. Na rolda estiveron Isabel González, presidenta da OSAL NormalizAutismo Galicia; Rosa Cedrón, madriña do evento; e os artistas Luis Fercán e Jorge Casal.
FESTAS
As Xornadas de Folclore do Apóstolo cumpren 50 anos
O próximo sábado, a praza da Quintana acollerá as Xornadas de Folclore, unha das citas máis tradicionais das festas do Apóstolo. Será unha edición moi especial, porque a mostra cumpre 50 anos. A concelleira de Acción Cultural, Branca Novoneyra, presentou hoxe as Xornadas, nunha rolda de prensa na que estivo acompañada por representantes das agrupacións Cantigas e Agarimos, Brincadeira, Ultreia e Colexiata de Sar. Tamén participou Javier Casado en representación do Centro Comercial As Cancelas, patrocinador do...