ALCALDÍA
O Goberno convocará esta semana a mesa de contratación do servizo da ORA e do guindastre
O alcalde informou hoxe da convocatoria, nesta mesma semana, da mesa de contratación que debe resolver a adxudicación do servizo da ORA e do guindastre, anulado por sentenza xudicial en novembro de 2015. Martiño Noriega explicou que ese é o paso necesario despois de que onte mesmo se recibira no Concello outra sentenza que admite o recurso presentado por Doal, a empresa que quedara como segunda clasificada por detrás de Setex no proceso culminado a finais de 2011.
DEPORTE
O Concello acometerá obras de reforma no pavillón do CEIP Apóstolo Santiago por importe de 300.000 euros
A concelleira de Deporte, Noa Morales, presentou esta mañá as obras que se acometerán no pavillón polideportivo do CEIP Apóstolo Santiago, que suporán un investimento duns 300.000 euros.
COMERCIO
A Quintana acolle un obradoiro de forxa que reunirá os mellores ferreiros do Estado
A concelleira de Igualdade, Desenvolvemento Económico e Turismo, Marta Lois, acompañada do ferreiro Chago Martínez, presentou esta mañá o obradoiro de forxa que se celebrará en Santiago do 16 ao 18 de xuño e que reunirá en Compostela os 20 mellores ferreiros e ferreiras do Estado.
CONVIVENCIA
Uns 500 nenos e nenas participarán o 5 de xuño na I Gala pola Seguridade Viaria
O concelleiro de Medio Ambiente e Convivencia, Xan Duro, e a oficial Diana Parente, responsable do Departamento de Educación Viaria da Policía Local, presentaron a I Gala pola Seguridade Viaria, que se celebrará o luns 5 de xuño ás 10:30 horas, no Auditorio de Galicia. Participarán uns 500 rapaces e rapazas de 4º de Primaria e haberá humor, improvisacións escénicas, premios e a entrega de diplomas pola participación nas actividades formativas sobre seguridade viaria impartidas pola Policía Local.
MEDIO AMBIENTE
O CIAC programa un ciclo de documentais sobre loitas ambientais
O 5 de xuño celébrase en todo o mundo o Día do Medio Ambiente, este ano baixo o lema "Conectando á xente coa natureza", e no Centro de Interpretación Ambiental de Compostela (CIAC), celebrarano dun xeito moi especial, cun ciclo de documentais titulado "Loitas ambientais na Galiza", co que os/as participantes se poderán achegar a algunhas loitas que nos conectan coas feridas da nosa natureza máis próxima.
O Goberno de Compostela lamenta a situación de violencia rexistrada esta tarde na cidade
O Goberno compostelán reproba os actos violentos rexistrados esta tarde en Santiago, e que causaron desperfectos en varios puntos da cidade histórica.
IGUALDADE
Minuto de silencio polas últimas vítimas mortais da violencia machista
A praza do Obradoiro acolleu unha concentración para condenar os últimos asasinatos machistas, que deixaron esta fin de semana tres vítimas mortais en Collado Villalba (Madrid), Molina de Segura (Murcia) e Madrid.
POLÍTICAS SOCIAIS
Segunda edición de "Compostela + Solidaria"
O Concello de Santiago e a Coordinadora Galega de ONGD poñen en marcha a segunda edición de Compostela + Solidaria, un programa de sensibilización con máis de 30 actividades para todas as idades que se levará a cabo do 29 de maio ao 16 de xuño. Foi presentado esta mañá pola concelleira de Políticas Sociais, Diversidade e Saúde, Concha Fernández, e por Lorena Seijo, da Coordinadora.
ESPAZOS CIDADÁNS
O Concello invita a veciñanza a descubrir a Compostela medieval
O Concello de Santiago volve poñer en marcha as visitas guiadas ao Castelo da Rocha Forte, pero desta vez ampliando os seus obxectivos, escenarios e discursos. O concelleiro de Espazos Cidadáns, Dereito á Vivenda e Mobilidade, Jorge Duarte, presentou o programa, acompañado pola arqueóloga municipal, Lola Cerqueiro.
FESTAS
Preto de 60.000 persoas participaron nas actividades das festas da Ascensión
O alcalde fixo hoxe balance das Festas da Ascensión, nas que participaron case 60.000 persoas. Martiño Noriega salientou a boa acollida da programación que "unida ao bo tempo que tivemos durante a última semana, fixo que Santiago presentara unha imaxe case máis propia das festas do Apóstolo".