MEDIO AMBIENTE
O Concello abre unha consulta ao mercado e á veciñanza sobre os pregos do novo servizo de recollida do lixo e limpeza viaria
O Concello vén de abrir un proceso de consulta ao mercado sobre os pregos do novo servizo de recollida do lixo e limpeza viaria, co obxectivo de "garantir a transparencia e a concorrencia na licitación do novo contrato". O concelleiro de Medio Ambiente e Convivencia, Xan Duro, deu conta da posta en marcha do procedemento, "co que culminará o traballo que vén realizando o departamento para licitar o servizo atendendo ás novas directivas comunitarias sobre o tratamento dos residuos, á evolución que viviu a cidade nos 14 anos que...
ACCIÓN CULTURAL
Encontro "A cor das palabras" coa cineasta e artista Dora García
A reputada artista vallisoletana Dora García visita Compostela o domingo 12 de maio para ofrecer o encontro "Como foi o desenvolvemento do proxecto Segunda Vez, 2014-2018", dentro do ciclo A cor das palabras, organizado polo Concello de Santiago e Numax. Un día antes, o sábado 11, a directora presentará na sala o seu último filme: Segunda vez. Pode reservarse praza para o encontro escribindo a acordaspalabras@santiagodecompostela.gal.
EDUCACIÓN E CIDADANÍA
Publicada a lista provisional de admitidos/as, excluídos/as e fóra de prazo nas escolas infantís municipais
A Concellaría de Educación e Cidadanía publicou a listaxe provisional de nenos e nenas admitidos/as, excluídos/as e fóra de prazo nas escolas infantís municipais de Conxo, As Fontiñas e Meixonfrío-Salgueiriños. Para este curso houbo 106 solicitudes menos que no anterior, dato que segundo as responsables das escolas é imputable a unha diminución da natalidade.
EDUCACIÓN E CIDADANÍA
Alumnado de Vila Real (Portugal) conclúe a súa estancia en Compostela
Este mércores conclúe o programa de actividades do alumnado do CEIP López Ferreiro co alumnado de Vila Real (Portugal) no marco dos programas de intercambio do Eixo Atlántico.
IGUALDADE
Minuto de silencio pola última vítima mortal da violencia machista
A praza do Obradoiro acolleu este mediodía un minuto de silencio para condenar o último asasinato machista, acontecido este domingo en Parla (Madrid).
ACCIÓN CULTURAL
Oito grandes concertos e moitas propostas para o público infantil na programación das festas da Ascensión 2019
Compostela celebrará as festas da Ascensión do 29 de maio ao 2 de xuño, cun programa "pensado para atender a un público diverso e no que todas as actividades volven ser de balde". A concelleira de Acción Cultural, Branca Novoneyra, presentou hoxe a programación, na que "haberá ata oito grandes concertos nas prazas da Quintana e do Toural, moitas propostas para o público familiar e actividades que forman parte xa da tradición das festas máis compostelás do ano".
ALCALDÍA
Centos de rapaces e rapazas percorreron a zona monumental noutra edición do Correlingua
O alcalde de Santiago, Martiño Noriega, asistiu na praza da Quintana ao peche do Correlingua 2019. Participaron 1.700 alumnos e alumnas de 20 centros escolares, que percorreron as rúas do casco histórico cantando lemas en defensa do galego.
DEPORTE
Compostela acolle do 24 ao 28 de xuño o I Campus de Tecnificación Borja Iglesias
A concelleira de Deporte, Noa Morales, presentou esta mañá o I Campus de Tecnificación Borja Iglesias, que se celebrará na nosa cidade do 24 ao 28 de xuño. Na presentación estivo tamén o propio Borja Iglesias, xogador do RCD Espanyol.
CONSORCIO
O británico Wayne Marshall dirixe por primeira vez a Real Filharmonía de Galicia e interpretará o "Concerto para piano" de Gershwin
A Real Filharmonía de Galicia ofrece esta semana dous concertos. O xoves 9 desprazarase a Vigo, onde tocará no Teatro Afundación ás 20:00 horas, dentro da tempada de música clásica da Sociedade Filharmónica de Vigo e Afundación, no que será o último concerto da tempada da RFG na cidade viguesa. O venres 10 terá lugar o seu concerto semanal de abono, no Auditorio de Galicia ás 20:30 horas. A batuta levaraa o mestre británico Wayne Marshall, que debuta coa RFG.
EDUCACIÓN E CIDADANÍA
Aberta a inscrición nos obradoiros de verán das escolas infantís municipais
As escolas infantís municipais de Conxo, As Fontiñas e Meixonfrío-Salgueiriños abriron este luns 6 de maio a inscrición nunha nova edición dos seus obradoiros de verán, que se desenvolverán durante o período de vacacións escolares. O prazo de inscrición rematará o venres 10 de maio. Estes obradoiros están destinados a nenos e nenas empadroados en Santiago que cursen estudos de 2º ciclo de educación infantil e 1º e 2º de educación primaria, con idades comprendidas entre os 3...