Noticias

A Concellaría de Dereitos e Servizos Sociais, Promoción Económica e Xuventude vén de publicar o novo regulamento de funcionamento interno do Consello Municipal de Mocidade, que actualiza a normativa vixente do ano 2001. A concelleira María Rozas explicou que o obxectivo é "adaptar este órgano non só ás novidades lexislativas senón tamén á realidade social actual, máis heteroxénea e na que existen novas canles de participación que non tiñamos hai 20 anos". Nese sentido,...

Os mozos e mozas de entre 14 e 17 anos volverán ter a oportunidade de participar nun campamento de verán de surf no concello de Oleiros, grazas ao programa organizado pola Concellaría de Dereitos e Servizos Sociais, Promoción Económica e Xuventude. A actividade desenvolverase do 1 ao 8 de xullo, e o prazo para presentar as solicitudes estará aberto do 20 de maio ao 3 de xuño, tal e como onte aprobou a Xunta de Goberno.

A alcaldesa de Santiago, Goretti Sanmartín, acompañada do concelleiro de Urbanismo, Iago Lestegás, e da concelleira de Relacións Veciñais e Rural, Pilar Lueiro, chegaron a un acordo coa veciñanza para introducir melloras no Plan especial director de ordenación e rehabilitación do Camiño francés PE-3, na zona da Lavacolla, durante unha xuntanza convocada no Pazo de Raxoi.

A alcaldesa de Santiago, Goretti Sanmartín, mantivo esta mañá un encontro cos representantes da plataforma Queremos Galego para tratar os temas que serán obxecto de reivindicación na manifestación do vindeiro 17 de maio, Día das Letras Galegas que partirá da Alameda de Santiago e rematará na praza da Quintana. O Pazo de Raxoi tamén acollerá una acto o 16 de maio no que se fará lectura da Declaración Institucional apoiada por todos os grupos municipais para reivindicar e impulsar o uso do galego tanto na...

A Xunta de Goberno Local na súa sesión do 6 de maio aprobou os prazos de solicitude e o procedemento de admisión do "Programa municipal de conciliación de verán 2024", destinado á poboación escolarizada en educación Infantil e Primaria do municipio de Santiago, que se vai desenvolver nos CEIP Ramón Cabanillas e Monte dos Postes entre o 24 de xuño e o 10 de setembro, ambos incluídos.

A Xunta de Goberno Local aprobou os prazos de solicitude e o procedemento de admisión do "Programa municipal de conciliación de verán 2024", destinado á poboación escolarizada en educación Infantil e Primaria do municipio de Santiago, que se vai desenvolver nos CEIP Ramón Cabanillas e Monte dos Postes entre o 24 de xuño e o 10 de setembro, ambos incluídos. A concelleira de Educación, Míriam Louzao, deu conta dos detalles en rolda de prensa.

O concelleiro de Economía, Facenda e Contratación, Manuel César, deu conta en rolda de prensa do Plan de Contratación municipal para 2024, aprobado na sesión ordinaria da Xunta de Goberno, "un instrumento de planificación esencial para a boa xestión da administración municipal".

O executivo local aprobou hoxe o proxecto básico e de execución para a mellora da accesibilidade no Concello de Santiago por un importe de preto de 240.000 euros. Tamén aprobou a encomenda da execución do segundo tramo da Vía Verde á Deputación da Coruña e deu luz verde ao convenio para o finaciamento da capitalidade por 2,4 millóns de euros.

A alcaldesa Goretti Sanmartín, acompañada da tenente de alcaldesa María Rozas e do concelleiro de Urbanismo Iago Lestegás, mantiveron unha xuntanza co Foro Cívico para analizar temas cruciais para a cidade. En declaracións aos medios ao remate do encontro, que cualificou de "satisfactorio" afirmou concordar "coa liña e coa defensa que fai o Foro Cívico deles para o desenvolvemento da cidade".

O Teatro Principal acolle o sábado 18 de maio ás 20.30 horas un recital multidisciplinar sobre a poética da escritora á que este ano se dedica o Día das Letras Galegas. A asistencia é gratuíta previa retirada de convites na web de Compostela Cultura, no despacho de billetes da Zona C e no do Teatro Principal (neste o último caso, só o día do evento). Na conmemoración do Día das Letras, a programación escénica de Compostela Cultura inclúe tamén dúas funcións de ‘Made...