EDUCACIÓN E CIDADANÍA
"CuntiStar", "Proxecto internivel e interetapa de Mitoloxía dende a biblioteca" e "Auga doce" gañan o X premio Educacompostela
O Xurado dos Premios Educacompostela xa decidiu quen son os gañadores da décima edición deste certame, convocado polo Concello de Santiago en colaboración co Movemento de Renovación Pedagóxica Nova Escola Galega, para recoñecer, promover, premiar e difundir publicamente aqueles materiais educativos que polo seu valor e interese poidan contribuír ao desenvolvemento educativo de Galicia, favorecendo a innovación, a calidade na educación e a renovación pedagóxica.
ACCION CULTURAL
David Quiñones, Juan Carlos Díaz e Manuel Otero gañan a XXIII edición do Premio Antonio Fraguas
O Salón Nobre do Pazo de Raxoi acolleu esta tarde o acto de entrega do Premio Antonio Fraguas de Investigación sobre o Traxe Tradicional Galego, que celebrou xa a súa XXIII edición. O acto estivo presidido polo alcalde, Martiño Noriega, e a lectura da acta correu a cargo de Xesús Ferro, académico e profesor que formou parte do xurado.
ALCALDÍA
O Goberno local mantén este venres un encontro "Ao vivo" cos veciños e veciñas do Ensanche
Este venres 15 de decembro, ás 19:30 horas, o Centro Sociocultural e Xuvenil Municipal do Ensanche acolle un novo encontro "Ao vivo". Desta vez son veciños e veciñas do Ensanche os convidados a expresarlle ao Goberno local as súas demandas e suxestións. Nesta área viven máis de 15.000 habitantes.
CENTROS CÍVICOS
"Aconteceu un Nadal": relatos e música na rede de centros socioculturais
O Centro Sociocultural de Santa Marta acolle este venres 15 de decembro, ás 20.00 horas, a primeira entrega de Aconteceu un Nadal: contos e música para un Nadal diferente. A actividade chegará a outros catro centros socioculturais ao longo destas datas, da man de Pepe Sendón, Suso Alonso (piano) e Marcos Teira (guitarra).
ALCALDÍA
O alcalde compromete o apoio do Concello para a Gala do Libro Galego 2018
O alcalde mantivo hoxe unha xuntanza con representantes da Federación de Librarías de Galicia, da Asociación de Escritoras e Escritores en Lingua Galega e da Asociación Galega de Editoras. Foi para abordar a celebración da Gala do Libro Galego 2018, para a que Martiño Noriega brindou novamente a colaboración do Concello.
MERCADOS
Os obradoiros "Cociñando coas avoas" ensinan á mocidade a preparar receitas tradicionais
A Aula de Formación da Praza de Abastos acolle hoxe mércores e mañá xoves os obradoiros "Cociñando coas avoas", nos que tres cociñeiras profesionais xa retiradas aprenderán aos máis novos e novas a preparar receitas tradicionais dun xeito doado. As dúas sesións, enmarcadas na programación municipal de Nadal, realizaranse de 18:00 a 21:00 horas.
CONSORCIO
O Consorcio de Santiago adxudica as obras de conservación da igrexa de San Pedro de Busto
No marco das actuacións que o Consorcio de Santiago leva a cabo no patrimonio do termo municipal, e moi estreitamente relacionado coa cidade histórica e os Camiños de Santiago, vaise intervir na igrexa de San Pedro de Busto, do século XII, situada na parroquia de Busto. O organismo interadministrativo acaba de adxudicar a obra á empresa Murúa S.C., por un orzamento global de 26.857,56 euros.
ALCALDÍA
Asinado o convenio de colaboración entre o Auditorio de Galicia e a Deputación da Coruña
O alcalde de Santiago e a vicepresidenta da Deputación da Coruña asinaron este martes o convenio de colaboración polo que a institución provincial lle fai unha achega de 235.000 euros ao Auditorio de Galicia para actividades que se levaron a cabo ao longo deste 2017.
ALCALDÍA
Os alcaldes de Santiago e Ames buscan vías de colaboración para mellorar o tránsito na SC-20
Os alcaldes de Santiago e Ames mantiveron hoxe unha xuntanza no Pazo de Raxoi, co obxectivo de analizar os problemas de tráfico na SC-20 e buscar vías de colaboración para solucionalos. Martiño Noriega e José Miñones acordaron solicitar unha reunión conxunta con Demarcación de Estradas para estudar as posibles medidas a adoptar para paliar os atascos de cada mañá.
ACCIÓN CULTURAL
O Principal acolle este sábado a estrea da ópera "Il segreto di Susanna"
A Asociación de Amigos da Ópera de Santiago de Compostela (ADOC) estrea este sábado 16 de decembro, ás 20:00 horas, no Teatro Principal, a súa segunda produción operística, Il segreto di Susanna (O Segredo de Susana). Esta ópera escenificada reunirá sobre as táboas a un total de dez artistas, incluíndo a Cándido Pazó, á soprano moldava Clara Jelihovschi Panas, ao barítono Javier Franco e aos músicos do Taller Atlántico Contemporáneo (TAC). Así o...