Noticias

O espectáculo de Focus e Teatre Romea, programado inicialmente para o venres 1, trasládase ao domingo día 3 de marzo a causa das compañías promotoras. Compostela Cultura contactará coas persoas posuidoras de entradas para ese espectáculo co fin de achegarlles máis información sobre cambios e devolucións, que poderán realizarse do 10 ao 30 de xaneiro.

Nun encontro coa prensa local, a alcaldesa, Goretti Sanmartín, e a primeira tenenta de alcaldesa, María Rozas, acompañadas polo resto dos membros do executivo, presentaron as grandes liñas que guiarán o Goberno municipal no 2024. Ambas representantes, que definiron este mandato como o do "diálogo e da participación", puxeron o foco na mellora da calidade de vida da veciñanza e no impulso socioeconómico á cidade a través da posta en marcha de accións como o proxecto de recuperación urbana desde...

Os establecementos rexistrados ao concurso antes do mércores 10 de xaneiro poderán participar nos cursos de iniciación barista con Café Dromedario e de cultura da Cervexa e viños con Estrella Galicia e Ponte da Boga

O cemiterio de Boisaca acolleu hoxe a ofrenda floral ao escritor e dramaturgo Ramón María del Valle Inclán por parte do Concello de Santiago, da Xunta de Galicia, do Museo Valle-Inclán e dos concellos da Pobra do Caramiñal e de Vilanova de Arousa. A alcaldesa de Santiago referiuse ao escritor como unha "figura central desde o punto a de vista literario, cultural, pero tamén desde o punto de vista persoal" e salientou a súa vinculación con Compostela e a súa contribución a "formar a estética literaria...

'A Estrela do Nadal' foi o lema dunha nova edición da Cabalgata de Reis, que encheu as rúas de Compostela de fantasía, personaxes variados e moitas sorpresas. Preto de 500 persoas participaron nun desfile dinámico e participativo que partiu da praza de Nosa Señora da Mercé e na que se repartiron 1400 quilos de caramelos. Os Reis Magos foron recibidos na praza do Obradoiro pola alcaldesa e a Corporación municipal, e escoitaron os desexos dos nenos e nenas que se achegaron ata o Pazo de Raxoi.

Poderán formar parte del persoas de idades comprendidas entre os 18 e os 30 anos que non integraran xa algún dos xurados novos de Compostela Cultura. O prazo para a presentación de solicitudes está aberto até o 15 de xaneiro.

A inscrición finalizará o 10 de xaneiro e os establecementos rexistrados poderán gañar unha estancia nun dos máis de 60 aloxamentos de Alda Hotels no norte e centro de España.

A Banda de Música Municipal de Santiago arranca o segundo ciclo de concertos da temporada que se desenvolverán ata o próximo mes de maio no Teatro Principal e no Auditorio de Galicia, así como as tradicionais propostas ao aire libre dentro das Festas da Ascensión.. En total será unha serie quince concertos para un público variado que comenzará este sábado ás 12:00 no Teatro Principal coa proposta "dende a maxia de Oriente", con motivo do Día de Reis.

Os novos pregos do Servizo de Axuda no Fogar permitirán "mellorar a atención ás persoas usuarias, protexer os dereitos das traballadoras, e reforzar a supervisión e control do servizo por parte do Concello". Explicouno a concelleira de Dereitos e Servizos Sociais, Promoción Económica e Xuventude, María Rozas, que deu conta da aprobación, en Xunta de Goberno, do inicio do procedemento de adxudicación do SAF. Na rolda, a tenenta de alcaldesa estivo acompañada por Teresa Furelos, xefa de Servizo da área de...

A SELIC afianza este ano a sección Criminal, inaugurada o pasado 2023, poñendo en marcha o que será o primeiro Club de Lectura Criminal. Trátase dun proxecto que nace con vontade de continuar en vindeiras edicións do Festival da Lectura, pioneiro na unión de lectores e lectoras de Galicia e Portugal con este formato de exploración literaria conxunta.