Noticias

A Xunta de Goberno aprobou hoxe o proxecto básico e de execución das obras de acondicionamento do futuro Centro Sociocultural e de Maiores do Ensanche, que estará situado na antiga sede da Seguridade Social en San Pedro de Mezonzo. A actuación ten un orzamento dalgo máis dun millón de euros, e estímase un prazo de execución de 10 meses.

A Xunta de Goberno local acordou esta mañá a aprobación provisional da modificación puntual do Catálogo do Plan especial de protección e rehabilitación da cidade histórica (PE-1) co obxectivo de garantir a protección do mural pintado polo artista galego Urbano Lugrís no edificio situado na rúa do Franco, 56. Deste e doutros asuntos aprobados polo executivo local esta mañá deu conta a voceira do Goberno municipal, Míriam Louzao.

A Xunta de Goberno local aprobou hoxe as bases da convocatoria de axudas de apoio a actividades culturais para o sector profesional 2024 que contará cun orzamento de 250.000 euros e incluirá por primeira vez unha modalidade específica para os festivais de música e de artes escénicas.

O Pleno da Corporación, en sesión extraordinaria, deu luz verde esta tarde de forma inicial ao proxecto da Ordenanza que regula a comunicación ao Concello de Santiago de Compostela dos usos de hospedaxe asimilados a vivenda cos votos a favor do grupo de goberno (BNG e CA) e do grupo socialista e o voto en contra do grupo popular.

Centos de mozos e mozas de Galicia e do Norte de Portugal competirán durante unha semana en Vila Nova de Famalicão e en Braga na XV edición dos Xogos do Eixo Atlántico, que arrancan o vindeiro domingo 30 de xuño.

A alcaldesa de Santiago, Goretti Sanmartin, e o concelleiro de Centros Socioculturais, Xan Duro, participaron esta mañá no acto de apertura da Casa das Máquinas, na rúa de Galeras, que se converte dende hoxe nun novo espazo dentro da rede de equipamentos socioculturais cos que xa conta Santiago. Asistiron tamén membros da corporación e representantes de diferentes asociacións e colectivos tanto do barrio como do conxunto de Compostela.

O Centro Xove da Almáciga pon en marcha unha programación especial para este verán, con actividades que se desenvolverán ao longo dos meses de xullo e agosto. As actividades foron presentadas hoxe en rolda de prensa pola concelleira de Dereitos e Servizos Sociais, Promoción Económica e Xuventude. María Rozas explicou que "aínda que no verán adoitamos poñer o foco na conciliación e nas crianzas máis pequenas, entendemos que é moi importante que os mozos e mozas teñan unha oferta lúdica...

A praza do Obradoiro acolleu este mediodía un minuto de silencio pola muller asasinada en Madrid o pasado 18 de xuño, vítima de violencia de xénero.

O Concello de Santiago autorizou un total de 4 cacharelas, 17 cacharelas con sardiñadas e 16 sardiñadas en espazos públicos ao longo desta fin de semana. Tamén se concederon os permisos para a realización de 630 cacharelas en zonas privadas.

O Boletín Oficial da Provincia publica hoxe, xoves 20 de xuño, a convocatoria para a solicitude de axudas para as asociacións culturais, así como as bases dos premios de creación literaria Exeria e Selic. As solicitudes poden presentarse a partir de mañá, venres 21 xuño.