COMERCIO
Máis de 12.000 persoas beneficiaránse dos Bonos Corazón, esgotados en 30 horas
Os Bonos Corazón quedaron esgotados onte, pouco máis de 30 horas despois de que se habilitara a súa descarga na web bonoscorazoncompostela.gal. Un total de 12.051 persoas descargaron 21.650 bonos, que se poderán utilizar ata o 22 de decembro. A convocatoria permitirá mobilizar máis dun millón de euros no comercio e na hostalería locais.
CAPITAL CULTURAL
O cineasta João Canijo recolleu o premio Cineuropa
O Teatro Principal acolleu este domingo a entrega do premio Cineuropa a João Canijo, nun acto no que participaron o deputado provincial da Deputación da Coruña Xosé Luis Penas Corral e o director do festival, José Luis Losa e que contou coa presenza da alcaldesa de santiago Goretti Sanmartín, da concelleira de Capital Cultural, Míriam Louzao e de integrantes da Corporación municipal.
