Noticias

A praza do Obradoiro acolleu esta mañá un minuto de silencio pola muller asasinada en Mazarrón (Murcia), vítima de violencia machista.

Santiago acollerá do 9 ao 11 de decembro o I Torneo Internacional de Balonmán Deputación da Coruña, no que participarán 20 equipos e máis de 450 deportistas das categorías infantil, cadete e xuvenil (masculina e feminina). No aspecto deportivo o principal obxectivo desta competición é servir como preparación das seleccións galegas de cara ao Campionato de España de Seleccións Territoriais, que se celebrará do 3 ao 8 de xaneiro de 2023 en Benidorm.

Ao final desta información achéganse os informes da Asesoría Xurídica e da Dirección de Área de Urbanismo que completan a información publicada o 2 de decembro na web municipal e que se recolle a continuación:

A Xunta de Goberno local deu luz verde á adxudicación das obras de reforma do Salón de Plenos e de vieiros en Villestro e Laraño por algo máis de 168.000 euros, así como ao proxecto para eliminar as humidades no pavillón polideportivo do CEIP Pío XII. Entre os asuntos tratados tamén destaca a aprobación da primeira fase de subvencións en especie para a mellora da accesibilidade en promocións de vivendas do século pasado localizadas en barrios e áreas de rehabilitación integral, con cargo...

Desde a Agrupación de Voluntarios de Protección Civil de Santiago de Compostela púxose en marcha unha campaña para a recollida de árbores artificiais e adornos de Nadal para as familias refuxiadas ucraínas que hai na nosa cidade. Ata o 16 de decembro pódense entregar elementos decorativos do Nadal para que a maxia destas datas chegue tamén a estas familias. Poden achegarse á base de Protección Civil en Av. Fernando Casas Novoa, 20. Local 1 (Estadio de San Lázaro) chamando ao 689 499 690.

Ás 13:37h expediuse o último bono da campaña dos Bonos Corazón Compostela. Con el son xa un total de 44.154 bonos por valor de 3.125.000 euros dos que, polo de agora, xa foron consumidos máis de un millón e medio. Unha boa nova "para o comercio, a hostalaría e toda a cidade" explicou o alcalde, Xosé Sánchez Bugallo, que insiste en que "se trata de inversións que se reteñen na propia cidade, que incentivan o consumo no comercio de proximidade e supón unha axuda ás familias fronte a suba de...

"Nós contribuímos cos medios que tiñamos ao noso alcance para apoiar a alternativa de A Coruña e congratulámonos de que a Axencia Española de Supervisión da Intelixencia Artificial se instale en Galicia". Con estas palabras, o alcalde celebra a decisión do Consello de Ministros de ubicar este órgano en Galicia no marco do proceso de descentralización administrativa.

O Goberno Municipal de Santiago levará este luns a Xunta de Goberno a proposta de aprobación do procedemento de concesión da primeira fase de subvencións en especie para a mellora da accesibilidade en promocións de vivendas do século pasado, localizadas en barrios e áreas de rehabilitación integral. En total, esta liña de axudas conta cun orzamento de 970.900 euros, con cargo aos fondos EDUSI; dos que 84.000 se destinan a esta primeira fase.

Nunha visita ás instalacións da carroceira Castrosua, o alcalde e o concelleiro de Mobilidade, Gonzalo Muíños puideron comprobar de primeira man os pasos que está a dar a empresa compostelá en materia de modernización "renovándose tecnoloxicamente e preparándose para o escenario que vén" explicou Sánchez Bugallo que se amosou confiado en que "a plena recuperación do mercado permita que, a empresa que agora está atravesando ese período de dificultades, poida saír cunha forza...

‘Rótulos da memoria’ e ‘Cancelas de Compostela’ son os libros que edita o Concello de Santiago e que compilan as imaxes de Xaquín Nóvoa para inmortalizar a paisaxe típica das rúas da cidade histórica de Santiago.