COMERCIO
O Concello dinamiza o comercio da zona norte da cidade con "Revive o barrio"
O Concello de Santiago desenvolverá a finais de novembro e na primeira quincena de decembro a campaña Revive o barrio, dentro do proxecto Urbana Santiago Norte. O obxectivo principal da campaña é dinamizar á poboación dos distintos barrios de Santiago de Compostela para que coñezan a oferta comercial, nalgúns casos singular, dos barrios da zona norte, obxecto do USN. Trátase de animar ao cidadán para que se achegue a estes barrios, fortalecendo o tránsito da poboación local duns barrios a outros a...
CULTURA
Estrea de "Los colonos del caudillo", "Leviathan", "Turist" e "Blind" na xornada do xoves 20 en Cineuropa
Este xoves haberá varias despedidas importantes en Cineuropa, pero tamén interesantes estreas. As últimas comezarán no Salón Teatro, con Los Colonos del Caudillo, que terá sesión dobre cun pase ás 16:15 e outro ás 00:15 horas. Este documental, dirixido por Lucía Palacios e Dietmar Post, narrado por Juan Diego Botto, retrata a convivencia entre os admiradores e detractores de Franco na poboación manchega de Llanos del Caudillo, un dos 300 asentamentos construídos polo Instituto Nacional de...
ALCALDÍA
Agustín Hernández destaca a aposta municipal pola potenciación e dinamización do comercio de proximidade
O alcalde de Santiago, Agustín Hernández, asistiu á presentación da campaña , organizada polo banco SabadellGallego co obxectivo de impulsar o consumo nos comercios da cidade. 450 establecementos están adheridos a esta iniciativa, grazas á cal os usuarios poderán gañar un premio de 3.000 euros.
TURISMO
Santiago promociónase como destino de congresos e eventos na feira profesional máis importante de España
Turismo de Santiago, a través do seu servizo para a promoción da cidade como destino de congresos, xornadas e eventos, o Santiago de Compostela Convention Bureau (SCCB), participa na EIBTM Barcelona, a feira profesional máis importante do sector en España. A EIBTM, que se celebra entre o 18 e o 20 de novembro, contará con 3.000 expositores de 150 países e con máis de 15.000 profesionais.
CULTURA
Varias estreas no festival Cineuropa na xornada do mércores 19
De entre a extensa programación desta undécima xornada, Cineuropa destaca as súas variadas estreas. A primeira delas é Bande de filles, a terceira das películas candidatas aos Premios Lux. Unha historia de Céline Sciamma sobre o sentimento de unión entre un grupo de rapazas fronte a un mundo que lles é hostil e a súa progresiva tendencia cara á violencia. Narrada de forma crúa pero honesta, non carente de certa tenrura, Bande de filles estrearase no Teatro Principal ás 20:00 horas.
DESENVOLVEMENTO URBANO SOSTIBLE
O Concello acomete obras de mellora da accesibilidade en 45 puntos da cidade
A concelleira de Desenvolvemento Urbano Sostible, Teresa Gutiérrez, acompañada do presidente da Confederación Galega de Persoas con Discapacidade (Cogami), Anxo Queiruga, presentou a primeira fase dun novo proxecto de accesibilidade urbana e eliminación de barreiras arquitectónicas en Santiago. Trátase dunha actuación que afectará a 45 puntos da cidade, entre vaos peonís, pasos de peóns e prazas de estacionamento, cun investimento previsto de 105.717 euros e un prazo de execución de dous meses.
CULTURA
O Camiño Cultural Atlántico, do que forma parte Santiago, promocionarase en China
O Camiño Cultural Atlántico, formado por 15 cidades españolas, francesas e portuguesas –entre elas Santiago de Compostela- acaba de asinar un convenio coa provincia china de Henan co fin de promocionar no país asiático este novo produto turístico cultural. A firma tivo lugar en Zhengzhou, dentro do International Mayor’s Forum on Tourism, foro ao que foi convidado a participar o Camiño Cultural Atlántico.
SEGURIDADE E MOBILIDADE
Intensa fin de semana de colaboración en eventos deportivos dos voluntarios de Protección Civil de Santiago
Fin de semana cheo de actividades para os voluntarios de Protección Civil de Santiago, que prestaron a súa colaboración en varios eventos deportivos durante o sábado e o domingo.
CONSORCIO
A Real Filharmonía de Galicia interpreta esta semana tres sinfonías de Haydn para o público de Ferrol e Pontevedra
A Real Filharmonía de Galicia celebra esta semana dous concertos. O primeiro, o mércores 19, no Teatro Jofre de Ferrol. O segundo, o xoves día 20, no Centro Social de Afundación en Pontevedra. Ambas citas terán lugar ás 20:30 horas, baixo a batuta do violinista principal da RFG, James Dahlgren.
CONSORCIO
Dez músicos galegos poderanse formar co prestixioso frautista alemán Jürgen Franz
A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes novos. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. A vindeira semana contarase coa presenza do afamado frautista alemán Jürgen Franz. Ademais dos alumnos da Escola, ofrécense dez prazas para músicos externos ao centro.