CENTROS CÍVICOS
Aberta a inscrición na actividade de agosto "Ven á carballeira de San Lourenzo"
O programa Vive o verán complétase por primeira vez cunha proposta para o mes de agosto: "Ven á carballeira de San Lourenzo!". Está aberta a inscrición nesta actividade, que conta con varias quendas.
IGUALDADE
Minuto de silencio polas últimas vítimas mortais da violencia machista
A praza do Obradoiro acolleu este mediodía un minuto de silencio para condenar os últimos asasinatos machistas, o acontecido este luns en Iznajar (Córdoba) e o confirmado tamén onte, pero acontecido en 2004, en Degaña (Asturias).
CENTROS CÍVICOS
Os centros cívicos organizan cinco paseos de barrio
A Concellaría de Centros Cívicos organiza cinco paseos de barrio no marco do programa Vive o verán 2019. Estes roteiros son de balde e abertos á participación de calquera persoa adulta ou de menores acompañados/as.
POLÍTICAS SOCIAIS
O Concello asina nove convenios por un importe total de 274.000 euros
A concelleira de Políticas Sociais, Diversidade, Saúde e Centros Cívicos, Concha Fernández, asinou hoxe un novo lote de convenios con entidades sociais por un importe que ascende a 274.000 euros e entre os que se inclúen a Fundación Secretariado Xitano, Acadar, Cociña Económica, Cáritas, Cruz Vermella, Sarela, Fundación Ronsel, Don Bosco e Compostela Solidaria.
ACCIÓN CULTURAL
As Xornadas de Música Contemporánea do 2019 xirarán en torno á Diáspora
A concelleira de Acción Cultural, Branca Novoneyra, presentou esta mañá as Xornadas de Música Contemporánea 2019, que xirarán en torno á Diáspora. Novoneyra presentou o programa, que se celebra do 7 ao 27 de xuño en espazos diversos da cidade, acompañada de Belén Hernández, xerente do Consorcio de Santiago; María do Mar Lorenzo, vicerreitora de Comunicación, Cultura e Servizos da USC e Santiago Olmo, director do CGAC, xa que todas esas institucións son organizadoras do ciclo, xunto...
TURISMO
Vueling opera dende este martes o seu segundo avión baseado no aeroporto Rosalía de Castro
A compañía Vueling vén de incorporar este mesmo martes o seu segundo avión baseado no Aeroporto Rosalía de Castro. A nova aeronave, que xa opera e dorme na súa base de Lavacolla, está asociada a unha ampliación de aproximadamente 40 persoas no aeroporto compostelán. Unha vintena destas corresponde a pilotos e tripulantes de cabina de pasaxeiros (TCP), mentres o resto recae de maneira indirecta en labores de handling e mantemento.
CENTROS CÍVICOS
Publicadas as listaxes definitivas de admitidos/as nos campamentos de verán dos centros cívicos
A Concellaría de Centros Cívicos vén de publicar a listaxe definitiva para a actividade Mañás de verán nos centros cívicos urbanos, e para os campamentos nos centros cívicos do rural, incluídas no programa Vive o verán.
DESENVOLVEMENTO ECONÓMICO
Todo listo para a I edición da Feira de Emprendedoras de Compostela
Este venres 7 de xuño, o Edificio CIEDUS (Finca Vista Alegre) acollerá a I Feira de Emprendedoras de Compostela, organizada conxuntamente pola Concellaría de Desenvolvemento Económico e o programa Woman Emprende da USC. A feira nace co obxectivo de achegar á cidadanía as diferentes iniciativas empresariais lideradas por mulleres e que están creando tecido empresarial responsable e transformador na nosa contorna. Nesta primeira edición, a temática e o sector escollido é o artesanal.
ALCALDÍA
Novo debate en torno á exposición "A cidade, o Camiño e nós"
Con motivo da exposición A cidade, o Camiño e nós, organizada polo Concello de Santiago e a Rede Galabra (Universidade de Santiago) e aberta no paseo da Ferradura da Alameda, vaise celebrar unha mesa redonda esta martes 4 de xuño, ás 19:30 horas, no IES Rosalía de Castro. Os/as participantes debaterán sobre os diversos perfís da cidade, a influencia dos mesmos nas persoas e na actividade de Compostela e a súa relación con visitantes e turistas.
FESTAS
Este martes, día do neno nas atraccións da Alameda, que continuarán instaladas ata o vindeiro domingo
As festas da Ascensión concluíron o seu programa, pero as atraccións instaladas na Alameda con motivo desta celebración seguirán aínda ata o vindeiro domingo, 9 de xuño.