Noticias

Esta mañá presentouse na libraría Couceiro o libro "Mulleres en Compostela. Elas tamén contaron", escrito por Encarna Otero e con ilustracións de Luis Ruiz Padrón. A concelleira de Igualdade, Mercedes Rosón, tamén estivo presente no acto de presentación desta publicación, que foi financiada polo Concello de Santiago.

Nun encontro coa prensa local, o alcalde, Xosé Sánchez Bugallo, fixo balance das actuacións do Concello no último ano "con pasos importantes" na construción da estación do AVE, a EDAR, o enlace Orbital e o Orbitaliño, así como na autovía de Lugo e en materia industrial, coa ampliación do tecido produtivo co Biopolo da Sionlla como gran proxecto que comezará a funcionar en xaneiro do próximo ano. Con vistas á corto e medio prazo, destaca que na cidade hai máis de 300 millóns de...

O curso desevolverase entre o 19 e o 27 de xaneiro no Estadio Verónica Boquete e será monitorado por especialistas da Federación Galega de Loita e memebros das Forzas e Corpos de Seguridade do Estado. Trátase dunha actividade organizada pola Concellaría de Igualdade e o Centro de Información á Muller (CIM) do Concello de Santiago a través dunha subvención da Secretaría Xeral da Igualdade da Xunta de Galicia.

A autora peruana Fabiola del Rocío Anchorena Arias recibiu hoxe, nun acto celebrado no Pazo de Raxoi, o "Premio internacional Compostela para álbums ilustrados 2022", convocado polo Concello de Santiago en colaboración coa editorial Kalandraka e dotado con 9.000 euros. A súa obra "Esperando o amencer", que o xurado seleccionou pola "pertinencia e a actualidade do tema tratado, no que a autora dá voz á Amazonía como protesta ante a explotación e a conseguinte destrución do medio".

O obxectivo é concienciar á cidadanía da importancia dun uso responsable e do impacto dos residuos que tiramos polos sumidoiros. A empresa concesionaria da auga promove esta campaña xunto ao Concello de Santiago, a Asociación Hostelería Compostela, Compostela Monumental e o Proxecto EM-REDE.

A concelleira de Acción Cultural, Mercedes Rosón, visitou a sala Ángel Brage para comprobar o funcionamento deste novo sistema dixital de maquinaria escénica, financiada a través dunha axuda xestionada pola Xunta de Galicia ao abeiro do Mecanismo Europeo de Recuperación e Resiliencia dos Fondos NextGeneration EU. A instalación costou 87.737,10 euros, dos cales se recibiron a través desta axuda un total de 40.144,09 euros.

Este venres 16 de decembro, ás 19:00 horas, a Sala Brage do Auditorio de Galicia acollerá o Festival de Nadal 2022 da Escola Municipal de Música. No concerto, as agrupacións e colectivos da EMM darán a coñecer o traballo desenvolvido ao longo destes meses.

Representantes da Cámara Municipal de Viana do Castelo reuníronse esta mañá coa concelleira de Medio Ambiente, Mila Castro, e persoal técnico do departamento que dirixe para interesarse polo sistema de recollida de materia orgánica que está a implantarse na cidade. A súa homónima da cidade portuguesa, Carlota Borges, recalcou que a capital de Galicia é "sempre unha boa referencia sobre o que respecta á xestión e recollida dos residuos".

O Salón Nobre do Pazo de Raxoi acolleu esta mañá o acto de homenaxe e entrega de placas aos traballadores e traballadoras municipais que se xubilaron neste 2022

O concelleiro de Políticas Lingüísticas, Rubén Prol, presentou esta mañá a Festa do Apego, que se celebrará o venres 30 de decembro, no Auditorio de Galicia. A festa do Apego é unha excelente alternativa nestas datas de Nadal para que as familias teñan diversas opcións e poidan compartir un tempo e un espazo con outros pais e nais interesados na crianza en galego.