MEDIO RURAL
O Goberno Municipal e as asociacions veciñais acordan que o "Consello de medio rural" se compoña de doce membros
O alcalde de Santiago, Xosé Sánchez Bugallo, reuniuse con representantes das asociacións veciñais do rural. No encontro acordouse que o "Consello de medio rural", que será presidido polo rexedor, estea composto por doce membros.
CENTROS SOCIOCULTURAIS
Inaugurada a exposición "As cores da memoria. O retrato como dignificación", no centro sociocultural Maruxa e Coralia
A concelleira de Acción Cultural e Centros Socioculturais, Mercedes Rosón, inaugurou este mediodía no centro Maruxa e Coralia da cidade histórica, a exposición "As cores da memoria. O retrato como dignificación"; xunto ao seu autor, o pintor Alfonso Martínez López.
POLÍTICAS SOCIAIS
O Concello de Santiago promove un proxecto colaborativo de innovación social para loitar contra a vulnerabilidade na cidade
Xunto ao Concello, Cruz Vermella, Cáritas, USC, Fundación Secretariado Xitano, Viaqua e Cetaqua participan achegando e analizando datos para a realización dun estudo de vulnerabilidades socio-económicas da cidade. A concelleira de Politicas Sociais, Mila Castro, presidiu esta mañá un encontro de todas as entidades que participan neste proxecto que leva por nome Big Social Santiago.
BARRIOS
O Concello de Santiago colabora co colectivo Barrio Xardín na organización do "II Mercado das Flores"
A concelleira de Urbanismo e Acción Cultural, Mercedes Rosón, e o concelleiro de Mobilidade, Barrios e Obras, Gonzalo Muíños, reuníronse hoxe cunha representación do colectivo de veciños e comerciantes Barrio Xardín para ultimar os preparativos do "II Mercado das Flores", que se vai celebrar o próximo 27 de maio.
URBANISMO
Mercedes Rosón: "na regulación das VUT seguimos o rumbo marcado desde o principio"
O Goberno municipal recorda que a regulación do mantemento das actividades e usos preexistentes estaba recollida dende o inicio na modificación do Plan Xeral, concretamente no artigo 120. Polo tanto, segundo subliña a concelleira de Urbanismo, Mercedes Rosón, "non pode ser sorpresa ningunha para quen leu a normativa. É o rumbo que este goberno marcou dende o principio".
CENTROS SOCIOCULTURAIS
O novo centro sociocultural Maruxa e Coralia programa unha exposición de Alfonso Martínez e un obradoiro de escritura creativa con Suso de Toro
O centro sociocultural Maruxa e Coralia da Cidade Histórica, que abriu as súas portas o pasado 9 de novembro, programa para estas datas dúas actividades: un obradoiro de escritura creativa con Suso de Toro, que comeza este venres 10; e unha exposición fotográfica que se inaugurará o sábado 11.
IGUALDADE
A activista Amelia Tiganus relata a súa experiencia na prostitución a alumnado de tres centros de ensino de Santiago de Compostela
A activista feminista Amelia Tiganus relatará este venres a súa experiencia persoal para abandonar a prostitución ao alumnado de Bacharelato de tres centros de ensino de Santiago, o IES Antonio Fraguas, o IES Xelmírez I e IES Rosalía de Castro. A actividade está organizada polos equipos de Igualdade dos centros -en colaboración coa Concellaría de Igualdade do Concello de Santiago- que están a traballar nun programa de actividades conxuntas na que se insire a conferencia de Tiganus, unha das principais voces na defensa da...
ALCALDÍA
Ratificado o convenio que permitirá ao Consorcio executar as obras do Centro Loxístico de Provisión e Distribución de Mercadorías da Cidade Histórica por un importe de 4,5 millóns de euros
O alcalde de Santiago, Xosé Sánchez Bugallo, como presidente do Consorcio; o concelleiro Sindo Guinarte, en representación do Concello; e o presidente de Mercasa, José Ramón Sempere, ratificaron esta mañá o convenio en virtude do cal o Consorcio de Santiago se encargará da redacción do proxecto, execución de obra e dotación do Centro Loxístico de Provisión e Distribución de Mercancías para a Cidade Histórica cun importe de 4.598.000 euros. A esta cantidade súmanse os preto de...
ALCALDÍA
O alcalde agradece á secretaria de Estado de Turismo o apoio á cidade e os investimentos para o mantemento do patrimonio
Xosé Sánchez Bugallo deu á benvida na praza do Obradoiro á secretaria de Estado de Turismo, Rosana Morillo, na súa primeira visita á cidade, acompañada polo delegado do Goberno en Galicia, José Miñones. Os mandatarios visitaron os Hostal dos Reis Católicos e o Pazo de Raxoi, cuxas obras de restauración reciben fondos procedentes da administración central.
XUNTA DE GOBERNO
A Xunta de Goberno acorda solicitar á Deputación da Coruña a achega de casi 125.000 euros asignada a gastos sociais
A Xunta de Goberno Local, reunida en sesión extraordinaria, aprobou a participación do Concello de Santiago no Plan Provincial de Cooperación ás obras e servizos de competencia municipal (Plan Único de concellos) POS+2023 da Deputación da Coruña para o financiamento dos gastos sociais extraordinarios do exercicio 2023. En concreto, acordou solicitar ao organismo provincial a aplicación da achega asignada a gastos sociais por importe de 124.847,93 euros.
