MEDIO RURAL
A Xunta de Goberno Local ten previsto aprobar este luns a apertura do procedemento de adxudicación de dous proxectos de pavimentación en Laraño e A Peregrina
Cunha inversión total superior aos 260 mil euros entre ambos proxectos, o obxectivo é acondicionar o lugar de Coira (Laraño) e o lugar de Aradas (A Peregrina) a través da repavimentación dos núcleos.
Unha Praza de Abastos "máis viva": o obxectivo do proxecto de reparación e mantemento do mercado que xa se presentou á cooperativa e a Asuca
O alcalde destaca o avance en materia de servizos e conectividade no Casco Histórico durante os últimos anos: "ampliouse a rede de fibra óptica, creouse a oficina de urbanismo na Casa Elisa e Jimena, abriuse o Centro Sociocultural Maruxa e Coralia e avanzouse na peatonalización da zona con Mazarelos como gran cambio" destacou Sánchez Bugallo.
MEDIO RURAL
Asinado por todos os grupos da corporación o Pacto polo Rural
O alcalde anunciou que o próximo luns a Xunta de Goberno local daralle luz verde á creación do Consello de Medio Rural con vistas a poder aprobalo no pleno deste mes de marzo. Sánchez Bugallo que comprometeu ademais a chegada da fibra óptica "aos máis de 200 núcleos do rural antes do 31 de decembro deste ano".
ACCIÓN CULTURAL
O Xardín das Pedras que Falan homenaxea tres novas poetas: Olga Novo, Laura Pugno e Moon Chung Hee
O Xardín das Pedras que Falan, sito no xardín de Fonseca, conta dende hoxe cos versos de tres novas poetas: Olga Novo, Laura Pugno e Moon Chung Hee. As pedras cos seus textos foron descubertas este mediodía, nun acto presidido polo alcalde. Xosé Sánchez Bugallo felicitounas e sinalou que desde hoxe, "estas tres mulleres excepcionais pasan a formar parte permanente, para sempre, da vida de Santiago, unha cidade de pedra, de terra e de árbores".
ALCALDÍA
O alcalde salienta a importancia do PMUS na definición da mobilidade do Santiago do futuro
O rexedor compostelán, Xosé Sánchez Bugallo, deu conta en rolda de prensa do inicio dos encontros participativos do Plan de Mobilidade Urbana Sostible (PMUS), que arrancaron onte no centro sociocultural de Santa Marta, con "éxito de participación".
TURISMO
Turismo de Santiago participa nas Xornadas sobre Turismo de Reunións do Spain Convention Bureau
As perspectivas do sector de Congresos en Santiago para o 2023 son optimistas, cun gran número de congresos e encontros internacionais previstos.
ALCALDÍA
O alcalde lamenta o pasamento do humanista Manuel Sánchez Salorio
"Un coruñés amigo de Santiago", así define o alcalde a Manuel Sánchez Salorio logo do seu pasamento. Sánchez Bugallo quixo destacar o gran traballo do catedrático, doutor honoris causa pola USC, no eido científico pero tamén a súa implicación con Galicia "e moi especialmente con Santiago, como Medalla de Ouro que foi".
ACCIÓN CULTURAL
Compostela acolle unha nova edición do festival Alguén que respira! dedicado á ecopoesía
O Teatro Principal de Compostela acolle entre o 18 e o 21 de marzo a sexta edición do Respira!, o máis importante acontecemento poético de Galicia. A concelleira de Acción Cultural, Mercedes Rosón, acompañada por Valentín García, secretario xeral de Política Lingüística da Xunta e o director do festival, Antón Lopo, presentou esta mañá a programación desta cita xa consolidada do panorama cultural compostelán que abrangue catro días de recitais, música e faladoiro. Toda...
DEPORTES
Máis de 100 judokas daranse cita esta fin de semana no XV Trofeo de Judo Cidade de Santiago
A concelleira de Deportes, Esther Pedrosa, acompañada por David Neira, delegado comarcal da Federación Galega de Judo e Xaquín Baldomir do judo club base, presentaron esta mañá en rolda de prensa o XV Trofeo "Cidade de Santiago", que reunirá esta fin de semana en Compostela a 108 judokas de Asturias, Castilla y León, Cantabria y Galicia, pertencente á categoría júnior. O domingo tamén terá lugar a iniciativa XOGAJUDO, para achegar esta disciplina a arredor de 300 cativos e cativas.
RELACIÓNS INSTITUCIONAIS
Preséntase no Concello de Santiago o IV Congreso Nacional Interim Management que terá lugar este venres no Pazo de Congresos de Galicia
O evento foi presentado esta mañá no Pazo de Raxoi polo concelleiro de Turismo, Sindo Guinarte, acompañado por Pío Iglesias Carrera, presidente da Asociación Española de Interim Management. Durante o Congreso, en cuxa apertura participará o alcalde de Santiago, farase un recoñecemento aos fundadores da Asociación Interim Management España (AIME) polo seu décimo aniversario, unha traxectoria que comezou, precisamente, en Galicia, sede do Congreso.
