Noticias

No que vai de ano, o aeroporto Rosalía de Castro de Santiago ocupa a primeira posición a nivel español en crecemento no tráfico de mercadorías e a segunda posición no que se refire ao incremento de viaxeiros. O alcalde de Santiago fixo balance esta mañá dos últimos datos "excepcionais e históricos" do aeródromo compostelán dos que destacou a chegada de 2.790.000 pasaxeiros e de máis de 4.000 toneladas de mercadorías. Sánchez Bugallo conta con superar este ano os 3 millóns...

O auditorio do Edificio Fontán da Cidade da Cultura acollerá o próximo xoves 24 novembro de 2022 ás 18:30 h o Foro Talentia Summit ‘22. Yolanda Vázquez será a condutora dun acto que contará con varios conferenciantes de prestixio. Ademais, o talento artístico terá a súa representación en Fredi Leis, músico e compositor compostelán animará unha xornada que estará cargada de innovación e coñecemento.

Compostela acollerá a proba final do Campionato Nacional de Enduro. Do venres 18 ao domingo 20 de novembro, os circuítos dispostos no entorno do Estadio Verónica Boquete acollerán á elite a nivel nacional deste deporte de resistencia e habilidade.

O próximo domingo, ás doce do mediodía, terá lugar no Auditorio de Galicia, o espectáculo "Son de contos", organizado polo Concello de Santiago a través da concellaría de Acción Cultural, coa colaboración da Asociación Amigos da Ópera. A Banda Municipal de Música de Santiago de Compostela pon a melodía a tres obras da literatura infantil, narradas pola escritora Ledicia Costas, con coros do Terra A Nosa e voz da soprano Clara Planas.

A concelleira de Acción Cultural, Mercedes Rosón, acompañada polo filósofo e historiador Pablo Neira e os xestores do patrimonio Alba Rivas e Jorge Viz, presentou hoxe as versión impresas dos roteiros "Compostela Feminista" e "Compostela Mural", dúas novas propostas para achegarse ao patrimonio artístico da nosa cidade.

A Escola Municipal de Música de Santiago de Compostela e a Escola de Altos Estudos Musicais colaboran co Banco de Alimentos-Rías Altas na campaña de recollida de alimentos previa ao Nadal.

A Feira Creativa de Agasallos celebrarase en San Martiño Pinario e no 2º andar do Centro Obra Social Abanca na praza de Cervantes e levará aparalleda obradoiros e gardería ludoteca para a cativada. A programación completarase coa oferta musical e gastronómica na praza 8 de marzo e na pista cuberta do Centro Don Bosco. A que será a 11ª edición do festival do talento galego, foi presentada esta mañá polo concelleiro de Festas, Gonzalo Muíños, a directora do evento, Mónica Mejías, e a xerente da...

Turismo de Santiago aposta polo mercado norteamericano como un mercado estratéxico para evolucionar o modelo turístico da cidade. Con este fin está participando esta semana nunhas xornadas específicas de promoción organizadas por Turespaña, que se celebran en tres das grandes cidades estadounidenses emisoras de turismo a España: Chicago, Nova Iorque e Dallas.

O CSC de Santa Marta acolleu ao longo desta tarde unha serie de actividades cos que a Biblioteca Pública Municipal pretende homenaxear ao escritor portugués con motivo do centenario do seu nacemento, o 16 de novembro de 1922. A xornada contou coa presenza do alcalde de Santiago, Xosé Sánchez Bugallo, quen sinalou que "procuramos honrar a memoria" do Premio Nobel, "dándolle continuidade ao seu legado". Recordou que hoxe, "todas as bibliotecas de todos os Centros Socioculturais, compartan o nome de José Saramago" e engadiu,...

O Concello de Santiago e a Unión de Consumidores de Galicia organizaron dous concertos para o alumnado de primaria dos centros de ensinanza do municipio no marco do proxecto #EuCompost_ela. O obxectivo desta iniciativa é achegar aos máis pequenos o mundo da economía circular dun xeito lúdico e entretido.