FESTAS
Nova edición en Praterías do Concurso de Traxes de Época e Coches Antigos
A praza de Praterías foi escenario do Concurso de Traxes de Época e Coches Antigos, organizado polo Club Galego de Automóbiles Antigos e enmarcado no programa das Festas do Apóstolo. A concelleira María Jesús Sáinz formou parte do xurado deste certame, que congregou numeroso público.
OFRENDA
Felipe VI agradece a "extraordinaria mostra de solidariedade, de civismo e de nobreza" dada por Galicia no accidente de Angrois
O Rei Felipe VI realizou a tradicional Ofrenda Nacional ao Apóstolo Santiago, na que tivo unha sentida lembranza ás vítimas do accidente de Angrois e na que agradeceu ao pobo galego as mostras de "solidariedade, de civismo e de nobreza". Na súa invocación tamén houbo palabras para os afectados pola crise económica e de defensa dunha España "unida e diversa"
ALCALDÍA
Lembrando a Rosalía de Castro
O alcalde de Santiago, Agustín Hernández, e outros integrantes da Corporación asistiron na igrexa de San Domingos de Bonaval á misa en lembranza a Rosalía de Castro. Posteriormente, no Panteón Galegos Ilustres, participaron na ofrenda floral á poeta.
ALCALDÍA
O primeiro volume dunha serie limitada sobre Compostela e unha pulseira peregrina, agasallos do alcalde aos monarcas
Os Reis foron recibidos no Pazo de Raxoi despois da cerimonia da Ofrenda ao Apóstolo. Tras asinar as Súas Maxestades no Libro de Honra, o alcalde compostelán, Agustín Hernández, agasallou a Felipe VI co primeiro volume dunha serie limitada sobre momentos de Compostela. A Raíña recibiu unha pulseira peregrina, unha xoia que se pode personalizar, xa que cada fito representa un lugar, un elemento e unha virtude do Camiño de Santiago.
FESTAS
O Rei Felipe VI realizará a Ofrenda ao Apóstolo no día grande de Santiago
Na xornada do venres 25 celebramos o Día do Apóstolo e o Día de Galicia, no que se celebrará a cita máis importante da xornada coa Ofrenda Nacional ao Apóstolo na Catedral de Santiago, coa presenza das SS.MM os Reis de España, e a posterior recepción de autoridades no Pazo de Raxoi. Como outro dos momentos destacados da xornada teremos o concerto de Los Planetas na Praza da Quintana.
ALCALDÍA
Reciben a Medalla de Ouro de Galicia as vítimas de Angrois e veciños, profesionais e voluntarios que participaron no operativo
O alcalde de Santiago, Agustín Hernández, asistiu na Cidade da Cultura ao acto de entrega das Medallas de Galicia. A distinción de ouro foi recollida por unha representación das vítimas do accidente ferroviario de Angrois, dos veciños do barrio compostelán e de todos os profesionais e voluntarios que participaron no dispositivo.
CONSORCIO
O Consorcio de Santiago inclúe catro novas actuacións en monumentos para este ano cun orzamento de 84.652 euros
O Consorcio de Santiago celebrou esta mañá Comisión Executiva e Consello de Administración, ambas xuntanzas presididas polo alcalde da cidade e presidente do Consorcio, Agustín Hernández. Entre os temas abordados nas ordes do día, aprobáronse as contas xerais do organismo relativas a 2013, tratouse a cesión do Museo das Peregrinacións e de Santiago a Patrimonio do Estado e a incorporación de novas actuacións ao programa de monumentos para este ano, xunto coa convocatoria extraordinaria dunha praza de fagot...
URBANISMO
Clausurado o curso internacional de arquitectura Compostela’s Summer Program
A Fundación Compostela Arquitectura celebrou por quinto ano consecutivo o seu curso internacional de arquitectura: Compostela’s Summer Program, que se celebrou do 2 ao 23 de xullo en Santiago. A concelleira de Desenvolvemento Urbano Sostible, Teresa Gutiérrez, participou na última xornada.
FESTAS
Los Planetas ofrecen o seu primeiro concerto deste verán nas Festas do Apóstolo
Los Planetas protagonizan as Festas do Apóstolo 2014 co seu primeiro concerto deste verán, no regreso a Galicia tras catro anos de ausencia dende o seu último concerto en Castrelos (Vigo) en agosto de 2010. O grupo granadino que revolucionou a música independente a comezos dos anos 90 fará un repaso de toda a súa carreira nun concerto que promete ser único e excepcional. Contará ademais cun marco incomparable, a praza da Quintana, onde se proxectarán en pantalla xigante visuais preparados pola banda para a ocasión.
FESTAS
Noite de luz, historia xacobea e recordos
Os tradicionais Fogos do Apóstolo volveron congregar na praza do Obradoiro e noutras partes da cidade a miles de persoas. O evento desta edición, que recuperou a queima da fachada neogótica, estivo marcado pola lembranza ás vítimas do accidente ferroviario de Angrois. Composteláns e visitantes puideron gozar durante 25 minutos dun espectáculo no que o son e os fogos artificiais se mesturaron en harmonía.