ALCALDÍA
Novo "Encontro ao vivo" coa veciñanza da zona rural sur
Este sábado 19 de maio, os "Encontros ao vivo" chegan ás parroquias do rural sur e os veciños e veciñas desa área poderán trasladar as súas queixas e inquedanzas ao alcalde de Santiago, Martiño Noriega, como ao resto do Goberno local. A cita é a partir das 11:30 horas no Centro Sociocultural de Villestro.
XUNTA DE GOBERNO
Adxudicados dous novos paquetes de obras de mellora da pavimentación nos viarios do rural
A Xunta de Goberno adxudicou hoxe dous novos contratos de obras de mellora de pavimentación de viarios en varias parroquias do rural, que suporán un investimento total de case 200.000 euros. O alcalde, Martiño Noriega, explicou que se trata de actuacións "financiadas con cargo ás achegas da Deputación da Coruña, dentro do compromiso do Goberno de destinar á zona rural a totalidade desas partidas provinciais".
ACCIÓN CULTURAL
Luis Emilio Batallán e Os Amigos dos Músicos ofrecerán un concerto conxunto no Teatro Principal
Nova entrega do ciclo Compostela Conversa, que busca fomentar a promoción do novo talento e a reflexión sobre a escena actual, dando voz aos artistas máis alá da actuación musical. Desta vez serán Luis Emilio Batallán e Os Amigos dos Músicos os que ofrecerán un concerto conxunto no Teatro Principal afondando na influencia do Maio dende 1975 ata hoxe. Será o domingo 21 ás 20:00 horas.
ACCIÓN CULTURAL
Raúl Bermúdez presenta "IlustraDots volume 2"
IlustraDots participa na mostra Internacional de Ilustración Contemporánea (MiiC), que permanece aberta no Auditorio de Galicia ata o 25 de xuño. O colectivo presenta un mural que mostra o traballo de gran parte dos 100 artistas galegos que forman parte do proxecto.
DESENVOLVEMENTO ECONÓMICO E POLÍTICAS SOCIAIS
O edificio municipal Cersia abre os seus espazos ao tecido económico e empresarial de Santiago
A Xunta de Goberno Local do Concello de Santiago aprobou, a proposta das concelleiras de Desenvolvemento Económico, Marta Lois, e de Políticas Sociais, Concha Fernández, as normas de uso dos Espazos do Cersia Empresa de xeito gratuíto, así como a instancia modelo de solicitude dos mesmos.
ALCALDÍA
As festas da Ascensión protagonizan o cupón da ONCE do 25 de maio
O salón amarelo do Pazo de Raxoi acolleu esta mañá a presentación do cupón que a ONCE venderá o vindeiro xoves 25 de maio en todo o territorio do Estado. Na presentación estiveron o alcalde, Martiño Noriega; o delegado territorial da entidade, Manuel Martínez Pan, e o director da Axencia ONCE de Santiago, José Antonio Riveiro Canosa.
ALCALDÍA E EDUCACIÓN
O alcalde anuncia a posibilidade de trasladar a EMM ás instalacións da Escola de Altos Estudos Musicais, en Vista Alegre
O alcalde de Santiago, Martiño Noriega, vén de anunciar na rolda de prensa da Xunta de Goberno que o Executivo local atopou unha solución para o traslado da Escola Municipal de Música, dando cumprimento así a un acordo plenario que instaba a atopar unha solución aos problemas de espazo existentes no CEIP Apóstolo Santiago.
ALCALDÍA
Os "Labirintos líricos" das Cidades Patrimonio chegan á praza da Quintana
Este venres quedou instalada, na praza da Quintana, a composición artística Labirintos líricos, promovida polo Grupo de Cidades Patrimonio da Humanidade e desenvolvida polo colectivo Boa Mistura. A peza foi presentada nun acto no que participaron o alcalde, Martiño Noriega, e o arquitecto responsable da instalación Pablo García, e ao que non puido asistir María do Cebreiro, autora do verso integrado na composición.
LINGUA E ACCIÓN CULTURAL
Pablo Díaz e a banda Tic Tac Toc, en concerto no Auditorio de Galicia
Chega ao Auditorio de Galicia Pablo Díaz e a banda Tic Tac Toc, dentro do programa FalaRedes da Xunta de Galicia. Será este sábado 20 de maio, ás 18:30 horas, con entrada de balde previa retirada de localidades no Teatro Principal e o día do espectáculo, a partir das 17:30 horas, no propio Auditorio.
XUNTA DE GOBERNO
O Goberno local destina 360.000 euros a bolsas de comedor, material escolar e actividades extraescolares
A Xunta de Goberno aprobou hoxe as bases reguladoras e a convocatoria para a concesión de bolsas de comedor, adquisición de material escolar e actividades extraescolares. O alcalde, Martiño Noriega, salientou que o Concello destinará a estas axudas un total de 360.000 euros, a mesma contía que no curso pasado, "cando se duplicou a partida prevista inicialmente para atender a todas as demandas". Ademais, sinalou que "de ser necesario, aínda se podería aumentar esa partida orzamentaria, co obxectivo de que ningunha persoa que o...