CENTROS SOCIOCULTURAIS E PARTICIPACIÓN CIDADÁ
Últimos días de recollida de pantalóns de home nos centros socioculturais
O sábado 2 de novembro finaliza nos centros socioculturais a recollida de pantalóns para homes (tallas 40 a 44), destinados ao Albergue Xoán XXIII.
CENTROS SOCIOCULTURAIS
Continúa Compostela Cine Classics 2013 con outra proxección e cun novo concerto
Esta semana, como consecuencia da festividade de Todos os Santos, adiántase a proxección do programa Compostela Cine Classics a este xoves 31 de outubro, ás 20:30 horas, na Sala Agustín Magán do Centro Sociocultural de Santa Marta. Desta vez poderase ver o filme O ladrón de bicicletas (1948), de Vittorio de Sica.
BENESTAR SOCIAL
Área Central acolle a segunda edición do Campionato Galego de Breakdance
A concelleira de Benestar Social, María Castelao, presentou as Santiago Street Battles. Este é o nome que recibe o II Campionato Galego de Breakdande na modalidade 1 vs 1, que terá lugar o sábado 2 de novembro, de 16:00 a 21:00 horas, en Área Central. O evento, organizado polo Concello e Vella Escola, reunirá a competidores de diferentes puntos de Galicia e, nesta segunda edición aspira xa a converterse nun referente a nivel nacional.
CEMITERIOS
Reforzo dos servizos en Boisaca con motivo de Todos os Santos e Defuntos
A concelleira responsable de Sanidade e Cemiterios, María Pardo, visitou o cemiterio de Boisaca para inspeccionar o seu estado antes da celebración das festividades de Todos os Santos e Defuntos, xornadas de grande afluencia de persoas. Nestas dúas datas reforzarase o servizo de transporte urbano na liña 1, que vai ata o camposanto, así como os servizos de abastecemento e saneamento, alumeado público, conservación de zonas verdes, recollida do lixo e mantemento de infraestruturas e do propio cemiterio.
ALCALDÍA
San Martiño Pinario estrea iluminación
O alcalde compostelán, Ángel Currás, asistiu ao acto de inauguración da nova iluminación da igrexa, do museo e do claustro da igrexa de San Martiño Pinario.
TURISMO
Os Camiños de Santiago e de Kumano protagonizan unha exposición fotográfica sobre as peregrinacións
Turismo de Santiago inaugurou no Museo das Peregrinacións e de Santiago, na praza das Praterías, unha exposición fotográfica titulada Santiago-Kumano, rutas de peregrinación Patrimonio da Humanidade, que foi presentada polo alcalde de Santiago, Ángel Currás, e a concelleira de Turismo, Reyes Leis. Esta acción enmárcase na celebración do Ano Dual España-Xapón 2013-2014.
NORMALIZACIÓN LINGÜÍSTICA
O Premio Manuel Beiras cumpre a súa XIV edición recoñecendo o esforzo normalizador de empresas compostelás no uso do galego
A concelleira de Normalización Lingüística, Rebeca Domínguez, e o presidente da Cámara de Comercio, Jesús Asorey, presentaron a XIV edición do Premio Manuel Beiras. O certame, organizado nesta ocasión pola Cámara de Comercio, recoñece o esforzo que realizan as empresas e institucións do municipio no proceso de normalización do uso da lingua galega.
BENESTAR SOCIAL
Máis de 30 entidades sociais participan no xa constituído Consello Sectorial de Familia, Benestar Social e Igualdade
A concelleira de Benestar Social, María Castelao, presidiu a constitución formal do Consello Sectorial de Familia, Benestar Social e Igualdade nunha reunión celebrada na Casa das Asociacións de Benestar Social, en Salgueiriños.
CULTURA
Rober Bodegas e Alberto Casado presentan "Entremeses (sketches en directo)" na Zona C
O ciclo Falabaratos ofrece unha nova proposta de humor para esta fin de semana. Así, chegan á cidade Rober Bodegas e Alberto Casado cos seus Entremeses (sketches en directo), que poderemos ver na Zona C este xoves 31, así como venres, día 1 de novembro e sábado día 2 a partir das 20:30 horas. As entradas, a 8 euros anticipada, e 10 euros o día do evento, poden mercarse na billeteira do Principal (no horario habitual de 18:00 a 21:00 horas) e na propia Zona C os días de evento dende as 19:00 horas.
CULTURA
Scout Niblett cancela o seu concerto no triCiclo por motivos de saúde
O TriCiclo 4 celebrarase este xoves 31 no Centro Galego de Arte Contemporánea e nel actuarán, tal e como estaba previsto, Ainara LeGardon e Fantasmage. Non estará, como se anunciou inicialmente, a británica Scout Niblett, que vén de cancelar varios concertos da súa xira por mor dunha enfermidade. O concerto continúa adiante coas outras dúas propostas e completarase máis adiante co concerto de Niblett tan pronto a saúde e a axenda llo permitan.