Noticias

A Xunta de Goberno Local aprobou hoxe a tarifa de prezo público para a Festa dos Maiores 2022, que se celebrará o 28 de maio no recinto feiral de Amio. Cada unha das persoas que desexe asistir, deberá aboar 7,5 euros. O obxectivo desta celebración, organizada polo Concello de Santiago a través das concellarías de Festas e de Servizos Sociais, é fomentar a participación e interacción das persoas maiores de distintas parroquias e lugares do termo municipal, celebrando un día especial nun espazo de encontro no que se sintan...

No marco do Plan de Obras e Servizos (POS+) da Deputación da Coruña correspondente ao ano 2020, o Concello dotará a oito Centros Socioculturais do ámbito rural compostelán con 45 equipamentos informáticos para o seu uso público.

Este domingo 8 de maio terá lugar o I Open Cidade de Santiago de Marca Nórdica, unha proba organizada pola sección de Marcha Nórdica do Club Vía Láctea coa colaboración do Concello de Santiago e da Federación Galega de Montañismo. O evento coincide co Día Mundial da Cruz Vermella, polo que unha parte do importe da inscripción será destinado a este organismo.

Este domingo 8 de maio darase inicio a unha serie de actos no marco da sinatura do Protocolo de Irmandamento entre as cidades de Santiago e de Braga que terá lugar o próximo luns no Pazo de Raxoi. O documento, que será asinado polo alcalde de Santiago, Xosé Sánchez Bugallo, e o presidente da Câmara Municipal de Braga, Ricardo Río, pretende fortalecer as relacións económicas, turísticas e culturais entre as dúas cidades.

Hoxe abriron ao público os baños da dársena de Xoán XXIII, despois do acondicionamento que levou a cabo o Concello de Santiago; polo que xa están a disposición da veciñanza, dos usuarios do aparcamento, e das persoas que visitan Compostela.

O alcalde de Santiago, Xosé Sánchez Bugallo; e a concelleira de Urbanismo, Mercedes Rosón; visitaron hoxe a finca do Espiño, onde se está procedendo á rehabilitación do palacete modernista, construído polo arquitecto Jesús López de Rego arredor do ano 1910. Nesta remodelación, que conta cun orzamento de execución de 1.425.922,9 euros, respectarase a estrutura orixinal do edificio.

O alcalde de Santiago, Xosé Sánchez Bugallo, asistiu esta tarde, no Centro Sociocultural José Saramago, ao acto de presentación de Vite Arquiva. Trátase dun proxecto de investigación, baseado na metodoloxía colaborativa, promovido polo Instituto de Ciencias do Patrimonio (Incipit), pertencente ao Consello Superior de Investigacións Científicas, o CSIC.

Un ano máis, a rede de bibliotecas dos Centros Socioculturais de Santiago presenta unha programación específica baixo o título "Maio das Letras 2022", adicada este ano ao poeta, editor, activista cultural e abogado Florencio Delgado Gurriarán, a quen se rende homenaxe con motivo do Día das Letras Galegas como unha das figuras clave da nosa cultura no exilio. Arredor desta celebración, proponse unha ampla oferta de actividades dirixidas tanto á animación da lectura, como ao fomento da creatividade e á actividade...

As Escolas Infantís Municipais de Conxo, As Fontiñas e Meixonfrío-Salgueiriños, ofertan para este verán un total de 45 prazas dirixidas a nenos e nenas con idades comprendidas entre 3 e 8 anos. Os Obradoiros de verán convértense así un ano máis nunha proposta lúdica de calidade para os máis pequenos da casa, ao tempo que se favorece a conciliación da vida familiar, laboral e persoal das familias nos períodos extraescolares.

O Concello de Santiago realizou actuacións de mantemento, entre o 1 de xaneiro e o 20 de abril, sobre 69 beirarrúas de distintos barrios da cidade. Son datos aportados polo concelleiro de Barrios e Obras, Javier Fernández, quen anunciou que a próxima semana está previsto que comecen os traballos de pavimentación de rúas. Explicou ademais, que xa comezou a roza de viarios municipais e que está en licitación o contrato de desbroce de parcelas municipais que, como en anos anteriores, se lle adxudicará a centros especiais de...