ESPAZOS CIDADÁNS
Aprobada a reparación da marquesiña de Xoán XXIII
O Goberno local aprobou hoxe un proxecto para reparar a marquesiña de Xoán XXIII, despois dos danos ocasionados polo temporal da semana pasada e ante o risco de que se produzan novas caídas de cristais.
CONSORCIO
A Real Filharmonía de Galicia celebra un novo concerto infantil e familiar
A Real Filharmonía de Galicia celebra esta semana dous concertos no Auditorio de Galicia. O primeiro será hoxe xoves, 9 de febreiro, ás 20:30 horas. O venres, ás 18:30 horas, parte do concerto repetirase para o público máis novo e para as familias, no marco do ciclo Descubre unha orquestra para ti, a túa!.
POLÍTICAS SOCIAIS
Santiago impulsa un Protocolo ante desafiuzamentos cos concellos de Ames e Teo e tres colexios profesionais
A concelleira de Políticas Sociais, Diversidade e Saúde, Concha Fernández, deu a coñecer esta mañá os detalles do Protocolo de actuación para a prevención de desafiuzamentos e a atención das persoas afectadas nos Concellos de Santiago, Ames e Teo. Na rolda estivo acompañada dos concelleiros de Servizos Sociais e de Benestar, respectivamente, destas dúas localidades, Luisa Feijóo e Xosé Ignacio Iglesias; da decana do Colexio de Psicoloxía de Galicia, María Rosa Álvarez e do...
FESTAS
Compostela vivirá o Entroido do 25 de febreiro ao 1 de marzo
A tenente de alcalde María Rozas presentou hoxe a programación coa que se vai celebrar o Entroido en Compostela, con actividades dende o 25 de febreiro ata o 1 de marzo. No calendario do Carnaval de Santiago haberá tres citas clave: o desfile do Meco e o pregón, o desfile do Martes de Entroido e a queima do Meco. Na rolda de prensa, María Rozas estivo acompañada por membros das dúas comparsas máis antigas da cidade, Os Conformistas de Conxo e A Ruliña de Laraño, e por José Manuel Méndez, o creador do Meco.
PATRIMONIO
As Cidades Patrimonio reforzan a súa presenza no mercado alemán na feira de turismo Reisen Hamburg
As Cidades Patrimonio da Humanidade continúan coas accións de promoción previstas no Plan Operativo 2017, desta vez cunha nova campaña internacional para a captación de viaxeiros na feira de turismo alemá Reisen Hamburg, na que España é este ano o país convidado. Esta invitación, que implica ademais unha potente promoción en medios de comunicación, redes sociais e na propia feira, chega nun momento clave para afianzar o liderado de España neste mercado xa que, segundo datos da OET, a demanda está...
POLÍTICAS SOCIAIS
Concha Fernández reúnese coa Mesa Estatal Pro-Referendum das Pensións
A concelleira de Políticas Sociais, Diversidade e Saúde, Concha Fernández, mantivo un encontro esta mañá coa Mesa Estatal Pro-Referendum das Pensións, unha entidade que naceu en 213 co obxectivo de promover unha reforma constitucional que inclúa a prohibición de que calquera goberno poida tocar ou privatizar o Sistema Público de Pensións.
LINGUA
O alcalde entrega material didáctico en galego na Escola Infantil de Fontiñas
O alcalde, Martiño Noriega, visitou esta mañá a Escola Infantil Municipal de Fontiñas para facer entrega de recursos educativos en galego, dentro do proxecto Apego, que pretende incentivar a transmisión da lingua ás novas xeracións.
POLÍTICAS SOCIAIS
Concha Fernández participa na entrega de diplomas dos cursos realizados por Cáritas durante o 2016
A concelleira de Políticas Sociais, Diversidades e Saúde, Concha Fernández, asistiu esta mañá á entrega de diplomas das accións formativas que Cáritas levou a cabo durante o pasado 2016 coa colaboración da Fundación Reale, da Xunta e do Concello de Santiago.
ALCALDÍA
O Concello colabora na homenaxe ao sociólogo Fermín Bouza Álvarez
Somos Ferministas é o título da homenaxe que o sociólogo compostelán Fermín Bouza Álvarez recibirá este próximo domingo, ás 12:00 horas, no Teatro Principal. O alcalde de Santiago, Martiño Noriega, presentou o acto acompañado de Xosé Manuel Pereiro, director da revista Luzes, coorganizadora do evento.
IGUALDADE
Minuto de silencio no Obradoiro pola última vítima da violencia machista
A praza do Obradoiro acolleu unha concentración para condenar o último asasinato machista, que deixou este martes unha vítima en Súria (Barcelona).