BENESTAR SOCIAL
O Concello súmase á conmemoración do Día da Infancia coa celebración dun pleno infantil
Un grupo de alumnos e alumnas dos CEIP López Ferreiro e Lamas de Abade convertéronse en concelleiros e concelleiras por un día e celebraron un pleno municipal con motivo do Día Mundial da Infancia, que se conmemora o 20 de novembro. Con eles estiveron o alcalde de Santiago, Xosé Sánchez Bugallo, e os concelleiros Mila Castro, Rubén Prol, José Antonio Constenla, Jorge Duarte e Navia Rivas.
ACCIÓN CULTURAL
"Circo a escena e D10!" trai a Santiago sete espectáculos circenses, distintas actividades de formación e un espazo para a reflexión
Do 23 de novembro ao 3 de decembro Compostela convértese no referente circense estatal, ofrecendo actividades de exhibición, formación, e un espazo de reflexión, dirixidas a públicos xerais e profesionais. E faino mediante a suma de forzas da programación "Circo a Escena co D10!, encontro en formación e innovación en circo". O programa, que tamén contempla sete espectáculos, foi presentado hoxe pola concelleira de Acción Cultural, Mercedes Rosón; Xaquín López, director-xerente do...
IGUALDADE
Case 3.500 persoas, entre alumnado e profesorado de ensino medio, participará na Semana escolar contra a violencia de xénero organizada polo Concello
A concelleira de Políticas de Igualdade, Mercedes Rosón, presentou hoxe a "Semana escolar contra a violencia de xénero", que se desenvolverá entre o 22 e o 26 de novembro, e na que se inscribiron 3.454 persoas, entre alumnado e profesorado de 2º, 3º e 4º da ESO; e primeiro de Bacharelato dos IES de Santiago de Compostela. A acitividade está coordinada por Diego Lago, presente tamén na rolda de prensa.
XUNTA DE GOBERNO
A Xunta de Goberno Local aproba a ampliación, ata o 10 de decembro, do prazo de xustificación das subvencións para o fomento do deporte federado
A Xunta de Goberno Local, reunida hoxe en sesión extraordinaria, aprobou a ampliación do prazo de xustificación establecido nas bases da "Convocatoria de subvencións para o fomento do deporte federado", definindo como nova data límite o 10 de decembro.
MEDIO AMBIENTE
Mila Castro destaca, nas xornadas "Axenda, producción e consumo responsable", a aposta do Concello polo fomento de prácticas sostibles e de responsabilidade social e medioambiental
A concelleira de Políticas Sociais e Saúde, e de Medio Ambiente, Mila Castro, inaugurou hoxe a xornada "Axenda, producción e consumo responsable", organizada por Radio Galicia-Cadena SER. A concelleira recordou que ese é "un dos obxectivos máis transversais da Axenda 2030, xa que persegue o tránsito dos modelos produtivos e de consumo clásicos cara outros máis sostibles que nos levarían incluso a poder conseguir o obxectivo un, que non é outro que o fin da pobreza".
EMPREGO
O alcalde de Santiago reivindica o valor do talento e da innovación na inauguración do Foro Talentia Summit 2021
O edificio Fontán da Cidade da Cultura acolleu esta mañá o Foro Talentia Summit 2021, que inauguraron o presidente da Xunta, Alberto Núñez Feijóo; a ministra de Educación e Formación Profesional, Pilar Alegría; e o alcalde de Santiago, Xosé Sánchez Bugallo. Nesta edición de Talentia Summit combínanse os formatos presencial, para o Foro, e online, para a Feira, que se desenvolve paralelamente do 15 ao 26 de novembro.
EDUCACIÓN
Marina Gibert recolle o premio Compostela para álbums ilustrados, nun acto celebrado no Pazo de Raxoi no que se destacou a "brillantez e orixinalidade" de "Selva"
A ilustradora catalá Marina Gibert recibiu hoxe, nun acto celebrado no Pazo de Raxoi, o "Premio internacional Compostela para álbums Ilustrados 2021", convocado polo Concello de Santiago en colaboración coa editorial Kalandraka; e dotado con 9.000 euros. Foi pola súa primeira obra, "Selva", que o xurado cualificou como "unha metáfora da memoria, unha "obra brillante e orixinal, de gran riqueza cromática".
IGUALDADE
Compostela en Negro centra a campaña deste 25N nas violencias cotiás que non se ven
A concelleira de Igualdade, Mercedes Rosón, presentou hoxe as accións de Compostela en Negro de cara ao Día Internacional para a Eliminación da Violencia contra a Muller. Supoñen un traballo de concienciación a través da imaxe dun iceberg contra as violencias, de ‘performances’ e un documental que inciden na idea de visibilizar violencias machistas do día a día que son máis difíciles de detectar.
ALCALDÍA
Visita institucional da ministra de Educación, Pilar Alegría
A ministra de Educación e Formación Profesional, Pilar Alegría, visitou esta tarde o Concello de Santiago, onde foi recibida polo alcalde de Compostela, Xosé Sánchez Bugallo, e polos voceiros dos grupos municipais socialialista, Sindo Guinarte, e do BNG, Goretti Sanmartín, así como polos concelleiros Ramón Quiroga (PP) e María Rozas (CA). Tamén estivo presente o delegado do Goberno en Galicia, José Miñones.
EMPREGO
O Foro Talentia Summit ‘21 encherá mañá a Cidade da Cultura de talento e creatividade
O auditorio do Edificio Fontán da Cidade da Cultura acollerá mañá xoves, 18 de novembro, o Foro Talentia Summit ‘21 de 09.00 h a 13.30 h. Yolanda Vázquez será a condutora dun acto que contará coa presenza de Alberto Núñez Feijóo - presidente da Xunta de Galicia-, Pilar Alegría - ministra de Educación e Formación Profesional- e Xosé S. Bugallo - alcalde de Santiago de Compostela, e coa participación de 8 conferenciantes de prestixio.
