EDUCACIÓN
En marcha a CiberCaixa de Roxos, programa educativo e lúdico de conciliación
Bota a andar de novo a CiberCaixa, instalada no CEIP Roxos Villestro grazas ao convenio de colaboración asinado pola Concellería de Educación coa Fundación La Caixa. Esta iniciativa satisfará as necesidades educativas e lúdicas de escolares de entre 3 e 12 anos, facilitando ademais a conciliación da vida familiar e laboral.
DEPORTES
Máis de 600 rapaces participarán nunha nova edición da Campaña de Minibásquet Memorial Lorenzo de la Torre
O Deportes, Adrián Varela, presentou unha nova edición da Campaña de Minibásquet Memorial Lorenzo de la Torre, que durante sete meses se desenvolverá en varios pavillóns deportivos da cidade. Participarán 625 escolares de entre 8 e 11 anos.
DEPORTES
A pista de xeo estará aberta durante dous meses na praza da Quintana
Nestes días estase procedendo á instalación dunha pista de xeo natural na praza da Quintana. O recinto estará aberto entre o 1 de decembro e o 31 de xaneiro, segundo anunciou o concelleiro de Deportes, Adrián Varela.
ALCALDÍA
Conde Roa: "Non imos tolerar que Santiago sexa lugar de ensaio de guerrillas urbanas"
O alcalde compostelán, Xerardo Conde Roa, condenou os actos violentos da noite do mércores, producidos horas despois do desaloxo da Sala Yago. "Non imos tolerar que Santiago se converta en ningún lugar de ensaio para grupos de guerrillas urbanas nin de creación de experimentos que sementen a intranquilidade á cidadanía e poñan en perigo a orde nesta cidade", indicou.
PLENO
Aposta unánime da Corporación polo derrubo da Casa da Xuventude
O derrubo da actual Casa da Xuventude é unha "decisión tomada", segundo asegurou o alcalde, Xerardo Conde Roa, na súa intervención no Pleno a propósito dunha proposición neste sentido presentada polo grupo municipal do Bloque Nacionalista Galego e que foi aprobada por unanimidade polos tres grupos.
ALCALDÍA
Roger Penrose recibiu o Premio Fonseca 2011
O físico matemático Roger Penrose (Inglaterra, 1931) recolleu o IV Premio Fonseca de divulgación científica que conceden o Programa ConCiencia da USC e o Consorcio de Santiago.
CENTROS SOCIOCULTURAIS E FAMILIA
Lecer e conciliación familiar durante as tardes do Nadal nos centros socioculturais e no pavillón do Restollal
Vive o Nadal é o título do amplo programa que a Concellería de Centros Socioculturais ten preparado para as tardes destas datas especiais. Son máis de 200 actividades, entre as que figura un campamento aberto para facilitar a conciliación laboral e familiar, con 100 prazas dispoñibles. E tamén con este fin, a Concellería de Familia leva ao pavillón do Restollal, tamén pola tarde, outro grupo de actividades.
REHABILITACIÓN
Ampliado o prazo de solicitude das axudas de rehabilitación para a ARI de Pontepedriña
A Xunta de Goberno aprobou nunha sesión extraordinaria a ampliación do prazo para a presentación de solicitudes de axudas á rehabilitación de edificios e vivendas na Área de Rehabilitación Integral de Pontepedriña (grupo de vivendas Compostela e Cardenal Quiroga). Tamén se ratificaron as bases para a convocatoria de axudas da 12ª fase da ARI do Casco Histórico.
MOBILIDADE
Concello e Cámara de Comercio pechan o Ciclo de Xornadas Aeroportuarias
O ciclo sobre os novos retos do aeroporto de Lavacolla, que promoveron a Cámara de Comercio e o Concello de Santiago tras a apertura da nova terminal, finaliza o xoves 24 coa conferencia do experto do Comité de Rutas de Barcelona Salvador Curcoll. Falará ás 20:00 horas, no salón de actos cameral, sobre o potencial do aeroporto de Lavacolla e a súa repercusión na conectividade aérea de Galicia.
MOBILIDADE
A tarifa de taxi ao aeroporto de Lavacolla manterase nos 20 euros en 2012
O concelleiro de Mobilidade, Albino Vázquez, presentou as novas tarifas de auto-taxi para 2012. A suba media é dun 2,45% e queda conxelada en 20 euros a tarifa ao aeroporto.