URBANISMO
O novo Rexistro Auxiliar de Urbanismo resolve as licenzas de obra menor nun prazo máximo de tres días
Dende a súa apertura o 1 de febreiro, o Rexistro Auxiliar de Urbanismo realizou 95 rexistros de entrada, outros 111 de saída e emitiu cartas de pago por importe de 7.444 euros. Estas cifras foron anunciadas pola concelleira de Urbanismo, María Pardo, quen destacou a redución producida nos prazos de tramitación de licenzas grazas este servizo, co que isto supón "para a eliminación de trámites burocráticos e a dinamización da actividade urbanística".
ALCALDÍA
Lembrando a Rosalía de Castro no 175 aniversario do seu nacemento
A praza de Vigo acolleu unha homenaxe a Rosalía de Castro con motivo do 175 aniversario do seu nacemento en Santiago de Compostela. O acto celebrouse a carón do monólito que lembra a casa do antigo Camiño Novo na que naceu a escritora na madrugada do 24 de febreiro de 1837.
TURISMO
Conferencia sobre a dieta atlántica no marco das actividades do Fórum Cidade
Seguen as actividades do Fórum Cidade. Así, o Hostal dos Reis Católicos acolleu unha conferencia dos profesores da USC Rafael Tojo e Rosaura Leis sobre a Dieta Atlántica: nutrición, gastronomía, saúde e calidade de vida. O alcalde compostelán, Xerardo Conde Roa, asistiu a esta charla.
URBANISMO
O Concello estuda co Consorcio de Santiago a apertura dunha liña de axudas para afrontar os gastos derivados da ITE
A concelleira de Urbanismo, María Pardo, explicou as liñas básicas da Ordenanza reguladora da inspección técnica de edificios (ITE), aprobada inicialmente no último Pleno. Ademais, anunciou que o Concello está a estudar co Consorcio de Santiago a apertura dunha liña de axudas para as comunidades de propietarios, a fin de que estas poidan afrontar a inspección e, fundamentalmente, as obras necesarias no caso de que a ITE resulte desfavorable.
BENESTAR SOCIAL
Obradoiro sobre familia e saúde na Casa das Asociacións de Benestar Social
A concelleira de Benestar Social, Paula Prado, visitou os participantes no Obradoiro de Familia e Saúde, que se está celebrando na Casa das Asociacións de Benestar Social no marco do Programa Municipal de Intervención Sociofamiliar.
CULTURA
Últimos días para asistir á mostra do Premio Auditorio de Galicia para Novos Artistas
A exposición do VII Premio para Novos Artistas pechará as súas portas o 4 de marzo no Auditorio de Galicia. Na mostra poden verse ademais da obra gañadora do Premio e os catro accésits, as outras obras que foron preseleccionadas polo xurado, en total 40. Ademais, os visitantes poderán votar pola súa obra favorita e a que máis votos teña levará o Premio do Público, valorado en 1.200 euros. A seguinte exposición, que se inaugurará o 14 de marzo será Ars Combinatoria, de Chema Madoz.
CULTURA
Leilía, novo concerto de Sons 2012
O ciclo Sons 2012 ofrécenos unha nova cita coa calidade e a diversidade. Así, o venres 24, a partir das 21:00 horas, poderemos escoitar ás Leilía, que presentan o seu último traballo, ConSentimento no Auditorio de Galicia.
MEDIO AMBIENTE
O Concello recibe o estudo de alternativas para a depuradora da Silvouta, que se decanta pola ubicación na zona do Souto
A concelleira de Medio Ambiente, Obras e Infraestruturas, María Castelao, anunciou en rolda de prensa que o Concello xa recibiu o estudo de alternativas para a futura estación depuradora de augas residuais (EDAR) da Silvouta, elaborado pola Consellería de Medio Ambiente, Territorio e Infraestruturas. Este documento decántase pola ubicación río abaixo, no lugar do Souto.
TRÁFICO
Novos semáforos para mellorar a circulación viaria e peonil no Ensanche
O alcalde compostelán, Xerardo Conde Roa, e o concelleiro de Tráfico, Albino Vázquez, asistiron á posta en marcha dos novos semáforos situados nas interseccións da rúa República do Salvador con Xeneral Pardiñas e Doutor Teixeiro.
EDUCACIÓN
Educación pon en marcha un programa de conciliación para a Semana Santa
O concelleiro de Educación, Ángel Currás, presentou o programa municipal de conciliación para esta Semana Santa 2012. Durante os días 2, 3, 4 e 9 de abril, as familias compostelás dispoñerán dun espazo no CEIP Raíña Fabiola e no CEIP Monte dos Postes para conciliar o seu horario laboral co lecer e a educación dos seus fillos. A inscrición poderá formalizarse entre o 24 de febreiro e o 7 de marzo.