DEPORTE
Preto de 100 atletas participarán na XV edición do Duatlón Cidade de Santiago
A Concellaría de Deporte colabora un ano máis na organización do Duatlón Cidade de Santiago, que alcanza xa á súa XV edición. Desta vez celebrarase o vindeiro sábado, 18 de marzo, nun circuíto no Polígono da Costa Vella.
POLÍTICAS SOCIAIS
O programa "Muralismo en Compostela" finaliza con tres intervencións artísticas feitas coa técnica do graffiti
A concelleira de Políticas Sociais, Diversidade e Saúde, Concha Fernández, achegouse este martes ao CEIP das Fontiñas para ver o resultado final dunha das tres intervencións artísticas que se levaron a cabo na cidade ao abeiro do programa Muralismo en Compostela.
MEDIO AMBIENTE
Meixonfrío contará cunha nova área de xogos infantís
O concelleiro de Medio Ambiente e Convivencia, Xan Duro, presentou este martes o proxecto do novo parque infantil de Meixonfrío, que estará situado na rúa Ofelia Nieto. A súa instalación foille adxudicada na última Xunta de Goberno á empresa Lappset España, por un importe de 58.073,39 euros, IVE incluído.
CONSORCIO
O violinista francés Amaury Coeytaux e o trompista estadounidense Eric Terwilliger formarán a músicos galegos
A Escola de Altos Estudos Musicais (EAEM) dispón dun programa de formación permanente dirixido a intérpretes novos. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. A vindeira semana contarase coa presenza do trompista estadounidense Eric Terwilliger e do violinista francés Amaury Coeytaux, que ofrecerá ademais un concerto en Santiago acompañado da Real Filharmonía de Galicia. Xunto aos alumnos/as da Escola, tamén poden...
CONSORCIO
Últimos días para visitar na Casa do Cabido a mostra de retratos realizados por Carlos Maside a personaxes contemporáneos seus
Baixo o título Rostros, o Consorcio de Santiago promoveu unha exposición de retratos realizados polo pintor Carlos Maside a personaxes contemporáneos seus durante os anos 20 e 30 do pasado século. A mostra exhíbese na Casa do Cabido, na praza das Praterías, dende o pasado 15 de decembro. Ao longo destes tres meses visitaron a mostra máis de 3.000 persoas. O último día para percorrela é o vindeiro domingo, día 19.
ACCIÓN CULTURAL
Voadora presenta a súa versión do "Soño dunha noite de verán", de Shakespeare
A compañía de Teatro Voadora representa a súa versión do Soño dunha noite de verán, de William Shakespeare, esta semana dentro do ciclo Teatro & Danza da Concellaría de Acción Cultural. Será con catro funcións de mércores a sábado, ás 20:30 horas, no Teatro Principal. Presentáronas esta mañá a primeira tenente de alcalde, María Rozas, e dous membros da compañía: Hugo Torres, actor e compositor, e José Díaz, tamén actor e...
EDUCACIÓN E CIDADANÍA
O Concello reforma a zona de xogo infantil do Colexio López Ferreiro
O concelleiro de Educación e Cidadanía, Manuel Dios, acudiu hoxe ao CEIP López Ferreiro para inaugurar a nova zona de xogo infantil do centro. Estivo acompañado polo seu director e por un grupo de alumnos e alumnas de primeiro curso de Educación Infantil.
ALCALDÍA
Recoñecemento municipal a Borja Golán tras o seu décimo quinto título de campión de España
O Concello de Santiago volveu recoñecer hoxe a traxectoria de Borja Golán, que vén de conseguir o seu décimo quinto título de campión de España de squash. Foi cunha recepción que presidiu o alcalde, Martiño Noriega, e á que tamén asistiron a concelleira de Deporte, Noa Morales, e os voceiros de PP e BNG, Agustín Hernández e Rubén Cela.
SAÚDE
Recepción a participantes e relatores no CIMQ'17
A concelleira de Políticas Sociais, Diversidade e Saúde, Concha Fernández, acompañada dos concelleiros Rubén Cela (BNG) e Alejandro Sánchez-Brunete (PP) recibiu unha representación dos e das participantes Congreso Internacional Médico-Quirúrxico (CIMQ'17), que se celebra ata o mércores 15 de marzo na Facultade de Medicina. Preto de 350 congresistas participan no evento.
OBRAS
Comezan as obras de reparación de pavimentos no barrio de Conxo
Este luns comezaron as obras de reparación de pavimentos en Conxo, vinculadas ao gran contrato de mantemento licitado polo Goberno local. Os traballos afectaranlle á maior parte dos viarios do barrio, moitos deles en mal estado por mor dos desvíos de tráfico das obras do paso inferior. As obras arrancaron polo contorno do hospital psiquiátrico e da escola infantil, e está previsto que se prolonguen por dúas semanas, en función das condicións meteorolóxicas.