CENTROS SOCIOCULTURAIS
O CSC de Conxo acolle un curso de iniciación de Dj durante maio e xuño
A concelleira de Acción Cultural, Branca Novoneyra, presentou este venres un curso de iniciación de Dj que se celebrará durante os venres de maio e xuño no Centro Sociocultural de Conxo. Esta actividade pretende ser o xerme dunha futura Escola de Dj.
CONVIVENCIA
Case 13.000 vehículos foron controlados nas estradas da cidade durante a última campaña de vixilancia da velocidade
Durante os sete días (do 18 ao 24 de abril) que durou a última campaña de vixilancia e control de velocidade nas estradas de Santiago, impulsada pola Dirección Xeral de Tráfico e posta en marcha pola Policía Local, foron inspeccionados 12.908 vehículos. Deles derivaron 118 infraccións por exceso de velocidade, o que representa o 2,82% del total.
DESENVOLVEMENTO ECONÓMICO
O Concello organiza unhas xornadas para analizar a situación laboral no sector da hostalería en Compostela
A concelleira de Igualdade, Desenvolvemento Económico e Turismo, Marta Lois, presentou esta mañá as Xornadas de diálogos polo emprego no ámbito local. O mercado de traballo no sector da hostalería, que organiza o Departamento de Emprego.
ALCALDÍA
Borja Golán visitou o Pazo de Raxoi
O alcalde de Santiago, Martiño Noriega, acompañado pola concelleira de Deporte, Noa Morales, recibiron o xogador de squash Borja Golán. No encontro tamén participaron representantes dos diferentes grupos municipais.
ESPAZOS CIDADÁNS E MOBILIDADE
Adif comprométese a presentar en 15 días o anteproxecto da intermodal
O Administrador de Infraestruturas Ferroviarias presentará o anteproxecto da intermodal nun prazo de quince días, segundo o compromiso que adquiriu na reunión celebrada onte en Madrid, á que asistiu o concelleiro de Espazos Cidadáns, Dereito á Vivenda e Mobilidade. Jorge Duarte explicou que na xuntanza analizouse un primeiro proxecto, que será revisado para tratar de introducir algunhas demandas do Concello de Santiago.
ACCIÓN CULTURAL
Tres solos de danza de compañías galegas para celebrar o 175 aniversario do Principal
A concelleira de Acción Cultural, Branca Novoneyra, presentou esta mañá os tres solos de danza de compañías galegas cos que o Concello celebra o 175 aniversario do Teatro Principal. Véñense unir ao Rinconete y Cortadillo de Alberto Conejero que puidemos ver o martes desta semana, día propio do aniversario. Os catro espectáculos recóllense nunha publicación que a Concellaría preparou con motivo do aniversario e no que tamén se inclúen dous artigos de Pablo Tomé, arquitecto do...
PLENO
Aprobada por unanimidade da Corporación a Ordenanza de Transparencia
O Pleno da Corporación aprobou hoxe, por unanimidade, a Ordenanza de transparencia, acceso á información pública e reutilización de datos da Administración do Concello de Santiago. O texto adapta ás especificidades de Compostela a Lei 19/2013, coñecida como Lei de Transparencia, que entrou en vigor en decembro pasado para os concellos e as comunidades autónomas.
PLENO
O Pleno dá o visto bo definitivo aos orzamentos municipais de 2016
O Pleno da Corporación deulle hoxe o visto bo definitivo aos orzamentos municipais de 2016, que entrarán en vigor ao día seguinte da súa publicación no Boletín Oficial da Provincia. Os orzamentos deste ano ascenden a 99.400.897,44 euros. O orzamento consolidado, o que incorpora as contas do Auditorio, Incolsa e Tussa, sobe aos 102 millóns de euros.