Noticias

Co obxectivo de concienciar a pais e nais sobre a importancia da seguridade infantil no coche, o departamento de Educación Viaria da Policía local porá en marcha unha campaña, a partir do día 9 de decembro e durante unha semana, para lembrar cando e como se usan os sistemas de retención infantil (SRI) e as consecuencias de non facelo.

A actividade terá lugar nos CEIPS Monte dos Postes, Quiroga Palacios e Roxos-Villestro durante os días 23, 24, 28, 29, 30 e 31 de decembro de 2020 e o 4, 5, e 7 de xaneiro de 2021 e a matrícula poderá formalizarse entre os días 8 e 14 dese mes. Foi un dos asuntos aprobados na sesión ordinaria da Xunta de Goberno local, na que tamén se deu luz verde á licenza para a fase 4 de despregamento de fibra óptica no Casco histórico, así como á adxudicación do contrato para a execución das obras do...

En Xunta de Goberno local extraordinaria, o Concello de Santiago vén de aprobar as bases que rexen as convocatorias das axudas aos sectores máis afectados polas medidas postas en marcha para conter a pandemia (o comercio, a hostalería e o sector da cultura), dentro do segundo plan de reactivación económica Compostela 2020.

O Concello de Santiago asinou esta semana cinco convenios con distintas entidades deportivas por un importe de 171.000 euros que se destinarán a subvencionar parte dos gastos derivados das competencións e das súas actividades durante o ano 2020. Os asinantes son: Club Sociedade Deportiva Compostela, Club Santiago Futsal, Club Triatlón Santiago, Club Arteal Tenis de Mesa e Club Atlétismo Santiago.

O Grupo de Cidades Patrimonio da Humanidade vén de participar en feiras virtuais de turismo dirixidas aos mercados estratéxicos do sudeste asiático e de Italia, organizadas polas Oficinas Españolas de Turismo, onde se presentaron os 15 destinos de España como cidades de cultura, nas que se poden gozar de contornas monumentais, gastronomía e actividades de natureza, con garantías de seguridade.

O 4 de decembro do ano 1985 a cidade de Santiago de Compostela era declarada Patrimonio da Humanidade pola Unesco. Hoxe mesmo cúmprese o 35º aniversario de tan transcendental efeméride. Para conmemoralo, o Consorcio de Santiago, presidido polo alcalde, Xosé Sánchez Bugallo, celebrou unha xornada no Palacio de Congresos e Exposicións de Galicia, que tamén se puido seguir de xeito online. É o cumio dunha serie de actividades que o organismo estivo a promover ao longo dos últimos meses para celebrar esta data coa cidadanía....

Arrancou o Nadal en Compostela co acendido das iluminación e a posta en marcha do programa de actividades pensado para todos os públicos, entre elas, o mercado de Carreira do Conde. O alcalde de Santiago, Xosé Sánchez Bugallo, acompañado por máis membros da Corporación deu o pistoletazo de saída ao Nadal máis atípico.

O Museo Centro Gaiás da Cidade da Cultura acolle este domingo, 6 de decembro, a partir das 12 horas, o espectáculo ‘Unha aventura singular: o gato con botas’, unha versión musicada do conto clásico na que participa a narradora Charo Pita e a Banda Municipal de Música de Santiago de Compostela coa dirección de Casiano Mouriño. Os convites para o evento pódense reservar en https://atlantica-gato-con-botas.eventbrite.es

En virtude do decreto do presidente da Xunta de Galicia e da orde da Consellería de Sanidade, publicadas no DOG do 3 de decembro de 2020, flexibilízanse as medidas restritivas vixentes en Santiago.

Un ano máis, o departamento de Comercio convoca o concurso de escaparatismo, no que se poderán inscribir os comercios da cidade dende o luns 7 de decembro ata o xoves 10 ás 15.00 horas.