Noticias

O concelleiro de Relacións Institucionais e Turismo, Sindo Guinarte, participou esta mañá na inauguración, vía telemática, do curso "Patrimonio cultural dixital: retos e oportunidades", organizado pola UIMP (Universidade Internacional Menéndez Pelayo), coa participación, entre outras entidades, do Concello de Santiago, a Deputación da Coruña ou a USC.

A Coordinadora Galega de ONGD e o Concello de Santiago poñen en marcha a V edición de Compostela + Solidaria, un programa de sensibilización e divulgación que terá lugar do 14 de setembro ao 5 de outubro en distintos espazos da cidades.

O alcalde de Santiago, Xosé Sánchez Bugallo, deu conta hoxe da marcha dos puntos recollidos no acordo do Foro Cívico, nunha xuntanza na que tamén participaron, ademais de representantes do Foro, os voceiros do grupos municipais no Concello Alejandro Sánchez-Brunete, Marta Lois e Goretti Sanmartín.

O Ciclo Lied, organizado polo Concello de Santiago coa dirección da Asociación de Amigos da Ópera de Santiago de Compostela e co apoio da Deputación da Coruña, celebra neste 2020 a súa vixésima primeira edición. Baixo o título A beleza da melancolía, o programa deste ano trazará un percorrido pola estreita relación que se establece no xénero entre a poesía e a música, así como as emocións que se debullan nestas composicións de carácter intimista e evocador....

A praza do Obradoiro acolleu este mediodía un minuto de silencio polas mulleres asasinadas en Cádiz e Asturias, vítimas da violencia machista.

A Xunta de Goberno local, en sesión ordinaria, deu conta do informe interno no que se detalla ese gasto extra, así coma doutro informe, neste caso elaborado pola Deputación da Coruña a petición de varios concellos – o de Santiago de Compostela entre eles – no que se conclúe que debe ser a Xunta a que compense ás administración locais polo custo do servizo de desinfección nos centros educativos de titularidade autonómica. O concelleiro secretario do Xunta de Goberno, Sindo Guinarte, informou en rolda de prensa dos asuntos...

O Consorcio de Santiago vai destinar 120.000 euros á adecuación dos locais comerciais da cidade histórica compostelá como apoio á recuperación económica trala COVID-19. Os interesados en beneficiarse desta convocatoria de axudas deberán presentar as solicitudes e a documentación requirida no rexistro do Consorcio, situado no número 59 da Rúa do Vilar, ou en calquera outro rexistro. O prazo remata o vindeiro 28 de setembro.

Sánchez Bugallo fixo extensivo este agradecemento aos departamentos municipais implicados, ás empresas concesionarias e ás contratas, porque nas condicións marcadas pola COVID conseguiuse que "o 100% dos servizos estivesen atendidos en tempo e forma", o que supón, en palabras do rexedor "unha capacidade e unha profesionalidade extraordinaria".

O alcalde de Santiago, Xosé Sánchez Bugallo, acompañado pola concelleira de Políticas Sociais, Mila Castro, asinou os convenios de colaboración para o 2020 coas entidades Fundación Down Compostela, Colexio de Avogados, Cáritas, Cociña Económica e Fundación Secretariado Xitano.

O concelleiro de Turismo, Sindo Guinarte, presentou o "Plan de Sostibilidade Turística en destinos 2021-2023", que concurrirá á convocatoria da Secretaría de Estado de Turismo, e que hoxe se vai remitir á Xunta de Galicia para a súa avaliación. Guinarte sinalou que este plan, dividido en cinco eixos de actuación, e que prevé actuacións por importe de 4 millóns de euros, "é unha magnífica oportunidade para Santiago de Compostela e para Galicia".