ALCALDÍA
A asociación veciñal do Romaño expúxolle ao alcalde as principais demandas para o barrio
A asociación veciñal do Romaño foi recibida en Raxoi polo alcalde compostelán, Xerardo Conde Roa.
ALCALDÍA
Pausa nos partidos do Torneo Internacional de Squash para unha visita ao Concello
O alcalde compostelán, Xerardo Conde Roa, recibiu os participantes no Torneo Internacional PSA e WISPA "Camiño de Santiago" de squash, que se celebra do 17 ao 22 de outubro na pista de cristal instalada no centro comercial Área Central. Entre eles atopábase o compostelán Borja Golán, quen, na anterior fin de semana e na mesma pista, se proclamou por novena vez campión de España absoluto.
TURISMO
A empresa municipal Incolsa aforrará máis de 200.000 euros en alugueres
Incolsa aforrará 52.000 euros ao ano en alugueres despois de que o Consello de Administración da empresa municipal aprobase por unanimidade a modificación e cancelación dos diferentes contratos que mantiña. Isto supón un aforro en alugueres de máis de 200.000 euros nos vindeiros catro anos.
OBRAS E INFRAESTRUTURAS
A concelleira de Infraestruturas denuncia a aparición no seu departamento de facturas de obras sen tramitación previa
A concelleira de Medio Ambiente, Obras e Infraestruturas, María Castelao, denunciou en rolda de prensa a aparición dunha serie de facturas no seu departamento contratadas verbalmente polo anterior Goberno, así como doutra previa á tramitación mesma do contrato. A suma de todas estas facturas supera os 200.000 euros.
CIDADES PATRIMONIO
O Grupo de Cidades Patrimonio de España celebra en Mérida un curso para mandos intermedios de bombeiros
Dous mandos do Servizo de Extinción de Incendios de Santiago están a participar en Mérida nun curso para mandos intermedios de bombeiros organizado pola Comisión de Intervencións de Emerxencias do Grupo de Cidades Patrimonio da Humanidade de España. Esta comisión nacera a raíz da importante perda que supuxo o incendio na sede do Palacio Episcopal de La Laguna o 23 de xaneiro de 2006.
MEDIO RURAL
Un plan integral determinará os proxectos e servizos prioritarios para o rural
O concelleiro de Medio Rural, Luis Bello, explicou as liñas básicas de traballo do seu departamento, de nova creación nesta lexislatura. Anunciou a elaboración dun Plan de Desenvolvemento Rural (PDR), que "priorizará e secuenciará as obras, proxectos e servizos destinados ao rural compostelán". Confía en contar con algo máis de dous millóns de euros anuais para as diferentes actuacións nesta área.
ECONOMÍA
Santiago acolle o 10 e 11 de novembro as III Xornadas Internacionais de Coaching
A concelleira de Economía, Comercio, Turismo e Mercados, Reyes Leis, presentou a terceira edición das Xornadas Internacionais de Coaching, que se celebrarán os días 10 e 11 de novembro no edificio municipal Cersia. A concelleira estivo acompañada por un dos organizadores do evento, Daniel Álvarez, e Jacobo García, de Bic Galicia.
ALCALDÍA
Encontro do alcalde compostelán con responsables da Garda Civil de Galicia e da Comandancia Militar da Coruña
O alcalde compostelán, Xerardo Conde Roa, recibiu o coronel Manuel Luis Arjonilla Ortega, comandante militar da Coruña. Posteriormente, conversou co xeneral xefe da Garda Civil de Galicia, Faustino Álvarez Sola.
ALCALDÍA
Conde Roa recibiu 18 estudantes eslovacos gañadores dun concurso sobre o Camiño
O alcalde compostelán, Xerado Conde Roa, recibiu en Raxoi un grupo de 18 estudantes eslovacos, gañadores dun concurso no seu país sobre o Camiño de Santiago dentro do programa COMENIUS, no seu apartado eTwinning.
ALCALDÍA
O Fórum Gastronómico manterá o seu nivel de calidade na edición de 2012
A edición 2012 do Fórum Gastronómico, a terceira que se realizará en Santiago de Compostela, celebrarase os días 26, 27 e 28 de febreiro no Palacio de Congresos e Exposicións de Galicia. O certame manterá as súas liñas mestras e o seu nivel de calidade, malia a redución orzamentaria.