FAMILIA E DEPORTES
Máis actividades deportivas e de conciliación para os máis pequenos durante o Nadal
Os concelleiros de Benestar Social, Paula Prado, e de Deportes, Adrián Varela, anunciaron máis actividades deportivas e de conciliación para os días de Nadal. Na praza da Constitución e en Fontiñas haberá unha ludoteca e, no pavillón do Restollal, cun completo programa de actividades deportivas.
CULTURA
Canción e arias de ópera en "Novas voces galegas", o segundo concerto de Todo Lírica
Co Nadal chegou de novo Todo Lírica, un ecléctico ciclo de concertos creado no 2001 co nome de Festival de Zarzuela de Santiago, que segue habitualmente o formato de recitais de voz e piano, e que cada ano vén ampliando os seus contidos a outros xéneros musicais. O ciclo, que se celebra ata o 3 de xaneiro con catro concertos continúa o luns 26 co concerto "Novas voces galegas" no que a soprano Gloria Amil estará acompañada ao piano por Julio Alexis Muñoz.
CULTURA
O Auditorio de Galicia abre a venda de abonos tipo C e D do 26 ao 30 de decembro
O luns, 26 de decembro ábrese o prazo para mercar abonos tipo C e tipo D, que son os que corresponden aos concertos de xaneiro a marzo e de abril-maio do programa de abono do Auditorio de Galicia. Todos os interesados en adquirilos teñen que achegarse á billeteira do Auditorio de Galicia dende o 26 ata o 30 de decembro, en horario de 11:00 a 14:00 horas.
TRÁFICO
O Concello terá acceso ao rexistro de condutores da Dirección Xeral de Tráfico
O alcalde compostelán, Xerardo Conde Roa, asinou un convenio co xefe provincial de tráfico, Pedro Pastor, coa presenza tamén do Asiste o concelleiro de Tráfico, Albino Vázquez. Este convenio fixa o marco básico de colaboración entre o Concello e a Dirección Xeral de Tráfico e permitirá a posta en marcha sucesiva de diversas iniciativas mediante engadidos ao propio acordo. Unha das consecuencias inmediatas será a posibilidade do acceso municipal ao rexistro de condutores da DXT.
COMERCIO
O comercio de Santiago celebra as súas Noites Abertas con premios e sorteos
A concellería de Economía, Comercio, Turismo e Mercados, Reyes Leis, presentou as Noites Abertas do comercio compostelán, que se integran dentro do programa municipal de actividades para Nadal e que contan coa colaboración das asociacións comercias da cidade, Acotés, Compostela Monumental e Santiago Centro.
CENTROS SOCIOCULTURAIS
Continúan as actividades de "Vive o Nadal" na rede de centros socioculturais
O alcalde compostelán, Xerardo Conde Roa, visitou xunto co concelleiro de Centros Socioculturais, Francisco Noya, o Centro Sociocultural do Ensanche, onde se están a desenvolver diferentes actividades no marco do programa Vive o Nadal.
CULTURA
Unha orixinal proposta de Nadal en clave de jazz con Ximo Tebar&IVAM Jazz Ensemble
Co Nadal chega de novo Todo Lírica, un ecléctico ciclo de concertos creado no 2001 co nome de Festival de Zarzuela de Santiago, que segue habitualmente o formato de recitais de voz e piano, e que cada ano vén ampliando os seus contidos a outros xéneros musicais. O ciclo, que se celebra ata o 3 de xaneiro con catro concertos comeza o venres 23 cunha orixinal celebración de Nadal na que Ximo Tebar e IVAM Jazz Ensemble nos presentan "Nadal de jazz arredor do mundo" ás 21:00 horas no Teatro Principal. No concerto poderemos escoitar as...
EDUCACIÓN
A CiberCaixa abre durante o Nadal
Dende o xoves 22 de decembro e ata o 5 de xaneiro abre as súas portas a CiberCaixa de Roxos Villestro con horario de 9:30 a 14:30 horas. Esta é outra das iniciativas que a Concellería de Educación promove para a conciliación familiar e laboral das familias de Santiago nestas vacacións de Nadal.
CULTURA
A Banda Municipal celebra o Concerto Extraordinario de Nadal
Como xa vén sendo habitual nestes últimos anos, a Banda Municipal de Música de Santiago de Compostela pecha o ano cun concerto extraordinario, dirixido nesta ocasión por Xosé Luis Represas Carrera. Desta maneira, a Banda súmase á programación especial de Nadal organizada polo Concello.
PLENO
O Goberno local cifra en 1,8 millóns de euros o aforro en asesores, dedicacións exclusivas e postos directivos en toda a lexislatura
Nunha sesión extraordinaria e urxente, o Pleno da Corporación aprobou inicialmente, cos votos favorables do grupo de Goberno e os negativos dos grupos da oposición, o Regulamento orgánico e de administración do Concello de Santiago, así como a modificación da plantilla do persoal municipal.