TURISMO
O botafumeiro poderá verse todos os venres na "Homenaxe ao Peregrino"
Os peregrinos, visitantes e composteláns poderán ver en funcionamento o botafumeiro todos os venres do ano ás 19:30 horas, salvo o Venres Santo, grazas ao acordo asinado entre o Turismo de Santiago, a Asociación Hostalería Compostela, a Catedral de Santiago e a Cámara de Comercio.
DESENVOLVEMENTO URBANO SOSTIBLE
Un punto limpo móbil percorrerá os barrios da cidade para facilitar a xestión de residuos non voluminosos e a recollida selectiva
A Concellería de Desenvolvemento Urbano Sostible, a través da empresa Urbaser, concesionaria do servizo de recollida e do tratamento de residuos, pon en marcha un Punto Limpo Móbil, co obxectivo de dar a coñecer e facilitar a xestión de residuos non voluminosos e a reciclaxe mediante a recollida selectiva. Este punto limpo móbil estará cada sábado nun punto da cidade ou do rural.
SERVIZOS SOCIAIS
Entrega de diplomas aos participantes noutra edición do programa de emprego Acceder
A concelleira de Servizos Sociais, María Corral, clausurou o acto de entrega de diplomas do programa Acceder, celebrado na sede compostelá da Fundación Secretariado Xitano. Trinta persoas recibiron a credencial pola súa formación teórica e práctica en Dependente de comercio, Controlador de accesos, Acompañante de transporte escolar, Auxiliar de estética e Camareiro de sala e banquetes.
ALCALDÍA
Agustín Hernández destaca o papel fundamental do Camiño para "entender o desenvolvemento e a historia non só de Galicia, senón tamén de España e de Europa"
O alcalde de Santiago, Agustín Hernández, asistiu no Museo Centro Gaiás, xunto co presidente da Xunta, Alberto Núñez Feijóo, á inauguración de "Camiño. A Orixe", unha exposición que, segundo dixo, "vai dirixida á mesma raíz onde todo parte, onde todo medra e frutifica".
CONSORCIO
O Consorcio finaliza as obras na igrexa de Santa Mariña de Verdía, centradas na restauración do retablo e na eliminación de humidades no templo
Dentro das actuacións que o Consorcio de Santiago leva a cabo fóra da cidade histórica, acaban de rematar varias intervencións na igrexa de Santa Mariña de Verdía, localizada na parroquia do mesmo nome, a uns dez quilómetros ao norte da cidade. Trátase, por un lado, da restauración do retablo maior, de orixe barroca, cun orzamento de 19.178,50 euros. Ademais, mellorouse a cuberta e as revocaduras exteriores e interiores do templo para resolver os problemas de humidade que afectaban ao inmoble, traballos que alcanzaron os 40.140...
PATRIMONIO
Santiago albergará o 16 de maio un concerto do II Ciclo de Música de Cámara nas Cidades Patrimonio da Humanidade de España
A Raíña Dona Sofía presidiu en Alcalá de Henares o concerto con que se inaugurou o II Ciclo Música de Cámara nas Cidades Patrimonio da Humanidade de España, organizado polo Grupo de Cidades Patrimonio da Humanidade de España en colaboración coa Fundación Albéniz e coa Escola Superior de Música Reina Sofía. Este ciclo chegará a Santiago de Compostela o sábado 16 de maio, cun concerto do Cuarteto Medelssohn de BP, ás 20:00 horas, na igrexa da Compañía.
CULTURA
Teatro, música, contos e humor na programación cultural da fin de semana
Esta fin de semana, completa programación cultural, con sete citas citas de teatro, música, contos e humor. A xornada de sábado comezará no Auditorio de Galicia ás 18:00 horas, co violinista Ara Malikian dentro do ciclo Infantil & Familiar. Despois, ás 20:30 horas, no Teatro Principal, vez para o ciclo Sons’15, que nos ofrece a presentación do novo disco de Coanhadeira, Bicos con luvas. Á mesma hora, no Salón Teatro, estrea absoluta de Xardín suspenso dentro do Bono de Teatro Galego, e xa ás.../em>
ECONOMÍA
Os afeccionados ás caravanas teñen unha cita esta fin de semana en Área Central
O Concello de Santiago colabora coa II Feira Caravana Compostela, que se celebra dende este venres 13 ata o domingo 15 en Área Central. A titular de Economía, Reyes Leis, presentou este evento, que reunirá na Praza de Europa uns cincuenta vehículos, entre caravanas, autocaravanas e carros-tenda, das empresas máis importantes e das marcas principais do sector da caravana de Galicia. O seu horario será de 11:00 a 20:00 horas durante os tres días.
CULTURA
Compostela acolle este sábado os XXIV Premios Irmandade do Libro
A Federación de Librarías de Galicia celebra este sábado 14 de marzo, ás 18:00 horas, na Cidade da Cultura, a súa tradicional festa de entrega dos Premios Irmandade do Libro. A XXIV edición deste evento foi presentada en Raxoi nunha rolda de prensa na que se deu a coñecer o nome da gañadora do premio na categoría Autor: Yolanda Castaño.
CONSORCIO
Expertos europeos avanzan en Santiago na creación dunha ferramenta de mellora da sustentabilidade enerxética dos barrios
O Consorcio de Santiago participa no proxecto europeo FASUDIR (Friendly and Affordable Sustainable Urban District Retrofitting), centrado en lograr a eficiencia enerxética dos edificios e barrios das cidades de Europa. No marco desta iniciativa, estes días reúnense en Santiago os socios do proxecto, dende o mércores ata este venres, no Centro de Estudos Avanzados. A cidade compostelá intervén neste programa como caso de estudo.