ACCIÓN CULTURAL
Antón Reixa recibe o III Premio Plataforma á súa traxectoria artística
O artista vigués recibe o III Premio Plataforma entregado pola concelleira de Acción Cultural en funcións, Mercedes Rosón, no marco do festival Plataforma, organizado pola Cooperativa Performa, nun acto no que tamén participaron distintos membros da Corporación Municipal. O premio é unha peza cerámica realizada pola artista e artesá Verónica Moar.
XUNTA DE GOBERNO
O Concello e a Deputación da Coruña programan, a través de Rede Cultural 2023, 30 espectáculos en centros socioculturais no segundo semestre do ano
A Xunta de Goberno Local tomou coñecemento dos espectáculos solicitados á Deputación da Coruña, que forman parte da programación da "Rede Cultural 2023", que ten por obxecto contribuír á difusión da música, o teatro, a danza o cine e demais manifestacións artísticas nos concellos da provincia. Son un total de 30 eventos os programados entre xuño e decembro, en distintos centros socioculturais e espazos da cidade.
CIDADES PATRIMONIO
As Cidades Patrimonio reforzan en La Laguna o seu compromiso coa protección dos seus centros históricos e a súa promoción internacional
O alcalde de Santiago en funcións, Xosé Sánchez Bugallo, asistiu este sábado en La Laguna á Asemblea do Grupo de Cidades Patrimonio da Humanidade de España (GCPHE), a entidade que reúne as 15 cidades recoñecidas pola Unesco polos seus valores universais excepcionais. Tras a protocolaria foto de familia, que tivo lugar na praza do Adelantado, o salón de plenos do Concello acolleu a que é a última asemblea antes da constitución das corporacións locais tras as pasadas eleccións municipais.
SEGURIDADE
A V Gala pola Seguridade Viaria pecha as actividades de Educación Viaria cos escolares de Compostela
Preto de 500 nenos e nenas dos centros escolares de Compostela participaron esta mañá no Auditorio de Galicia na V Gala pola Seguridade Viaria, a gran festa coa que remata o programa de formación dirixido ao alumnado compostelán de 4º de primaria que o departamento de Educación Viaria da Policía Local desenvolveu ao longo do curso. Nesta edición, o programa de actividades foi seguido por arredor de 900 nenos e nenas de 24 colexios de Santiago.
CIDADES PATRIMONIO
San Cristóbal de la Laguna acolle a celebración da Asemblea do Grupo de Cidades Patrimonio da Humanidade este sábado 3 de xuño
O alcalde de Santiago en funcións, Xosé Sanchez Bugallo, asiste mañá en San Cristóbal de La Laguna á Asemblea Xeral do Grupo de Cidades Patrimonio da Humanidade de España, na que se aprobará, entre outros asuntos, o programa de actividades con motivo do 30 aniversario do grupo. O rexedor compostelán participará esta tarde na Comisión Executiva do grupo.
RELACIÓNS INSTITUCIONAIS
San Marino amosa o seu interese en establecer relacións de cooperación turística con Santiago
O concelleiro de Relacións Institucionais en funcións, Sindo Guinarte, reuniuse hoxe con Giovanni Francesco Ugolini, quen foi Capitán Rexente de San Marino nos semestres do 1 de abril ao 1 de outubro de 2002; e durante o semestre do 1 de outubro de 2010 ao 1 de abril de 2011. No encontro, Ugolini amosou o seu interese en establecer relacións de cooperación turística entre os departamentos de turismo de Compostela e de San Marino. Tamén asistiu Andrea Paesini, embaixador do Camiño de San Marino.
EMPREGO
Marta Abal destaca na clausura das xornadas "Descubre o talento" a aposta do Concello polas empresas de inserción
A concelleira de Economía, Facenda, Contratación, Persoal e Modernización da Administración Local en funcións, Marta Abal, destacou hoxe na clausura das xornadas "Descubre o Talento", a aposta do Concello de Santiago polos centros especiais de emprego e as empresas de inserción.
OBRAS
Aberto ata o 15 de xuño o prazo para presentar ofertas á licitación para a restauración do entorno dos ríos Sarela, Sar e Vilar
Esta actuación, cofinanciado polo FEDER 2014-2020 (EDUSI - REVIVE COMPOSTELA), prevé o acondicionamento de 12.050 metros cuadrados, dos que 10.000 corresponden ao ámbito sur, ríos Sar e Vilar; e 2.050 metros cadrados, ao ámbito norte, río Sarela. O obxectivo fundamental desta operación é a recuperación deste espazo natural e a súa rehabilitación para o uso e desfrute da cidadanía.