EDUCACIÓN
Ábrese o prazo de preinscrición de novo alumnado para o curso 2023-2024 da Escola Municipal de Música
Tras a publicación da lista de prazas vacantes para o vindeiro curso, as persoas interesadas poderán presentar a súa solicitude de preinscrición na EMM, desde hoxe, 5 de maio, ata o 25 de maio.
EDUCACIÓN
O barrio de Santa Marta acolle este sábado o concerto da EMM para a veciñanza, adiado por mor da meteoroloxía
O Departamento de Educación e a Escola Municipal de Música organizan un ano máis, e xa van vinte, un novo 'Concerto para a veciñanza'. Esta cita coa música, no que participarán diferentes agrupacións musicais do centro, está pensado para dar a coñecer o traballo realizado pola comunidade educativa da EMM e dinamizar a vida local e cultural dos barrios procurando descentralizar e achegar a música a todos os sectores de poboación.
TURISMO
Turismo de Santiago promociónase en Seúl co obxectivo de reactivar o mercado coreano
Corea do Sur é un mercado estratéxico para a cidade por ser o país cun maior gasto medio diario en España, 378 euros por persoa.
FESTAS
Preséntase o programa definitivo da IV Festa do Banquete de Conxo que se celebrará o 12, 13 e 14 de maio
O alcalde de Santiago, Xosé Sánchez Bugallo, acompañado de Cecilia Carballido, coordinadora do evento, presentou esta mañá non CSC de Conxo o programa definitivo de actividades da cuarta edición da Festa do Banquete . O día grande da Festa será o domingo 14 de maio, cos desfiles teatralizados, o pregón e a posterior romaría popular na carballeira que estará amenizada por distintas actuacións musicais. O alcalde fixo un chamamento a toda a veciñanza para achegarse a Conxo e participar nas diferentes...
COMERCIO
O Concello homenaxea os establecementos composteláns con máis de 50 anos de historia
O Espazo Apego acollerá está tarde ás 19:30 un acto de homenaxe aos comerciantes locais que levan 50 anos ou máis ofrecendo os seus produtos e servizos na cidade. Ao acto acudirá o alcalde Xosé Sánchez Bugallo que entregará un diploma e un distintivo a todos estes establecementos a modo de recoñecemento polo seu peso e contribución ao tecido comercial da cidade.
MEDIO AMBIENTE
O Concello ofrece un paseo nocturno pola cidade no marco do programa Slowlight
O vindeiro 15 de maio o Concello de Santiago súmase á celebración do Día Internacional da Luz cun paseo nocturno para que a cidadanía poida reflexionar sobre o impacto da iluminación na paisaxe nocturna da vila. O prazo de inscrición permanecerá aberto ata o 10 de maio.
XUNTA DE GOBERNO
A Xunta de Goberno Local aproba a licitación da dirección facultativa das actuacións de mellora de eficienca enerxética do alumeado público
A Xunta de Goberno local, reunida en sesión extraordinaria, deu luz verde ao procedemento aberto de adxudicación da "Dirección facultativa e coordinación de seguridade e saúde das actuacións de mellora de eficiencia enerxética do alumeado público exterior do Concello de Santiago de Compostela", que conta cun orzamento base de licitación de 337.312,50 euros para os anos 2023 e 2024.
COMERCIO
A festa do comercio local Prima 23 arranca mañá con cambios no programa por mor da previsión metereolóxica
Tras a cancelación da programación prevista para o xoves 4 por mor da choiva, a cuarta edición da festa do comercio local Prima 23 desenvolverase finalmente mañá venres 5 e o sábado 6 de maio nos barrios máis comerciais da cidade: a Zona Vella, Ensanche, San Pedro, Concheiros, As Fontiñas e Conxo. Debido á previsión metereolóxica para estes días, o programa de actividades poderá sufrir algunhas modificacións.
DEPORTES
Máis de 150 deportistas participarán este sábado na I Copa Galega e no I Open Cidade de Santiago de Marcha Nórdica
Este sábado 6 de maio terá lugar a I Copa Galega Xunta de Galicia e o II Open Cidade de Santiago de Marca Nórdica, dúas probas organizadas pola sección de Marcha Nórdica do Club Vía Láctea en colaboración do Concello de Santiago, e a Federación Galega de Montañismo. Será un evento benéfico xa que se destinará unha parte do importe da inscripción á Cruz Vermella.
EMPREGO
O Concello de Santiago incorpora na sede electrónica a solicitude do servizo gratuíto para a limpieza de pintadas
Desde hoxe, todas as persoas que o precisen poderán solicitar a limpeza de pintadas e graffiti a través da sede electrónica da web do Concello de Santiago. Este servizo municipal, que xa realizou máis de 300 actuacións desde a súa posta en marcha en 2021, reforza o seu equipo con 3 novas incorporacións grazas ao financiamento do Programa de Emprego Local da Deputación da Coruña.