AXENDA URBANA 2030
Evolución positiva do emprego en Santiago, cun mercado laboral diferenciado que presenta mellores indicadores que a media galega
Na última xuntaza do Consello Económico e Social, celebrada esta semana e presidida polo alcalde, Xosé Sánchez Bugallo, deuse conta dos avances na Axenda Urbana 2030 e informouse sobre o comportamento do mercado laboral en Santiago, que segundo o investigador e profesor da USC, Melchor Fernández, presenta unha tendencia positiva en indicadores como reducción do desemprego, e dimunución das fendas de empregabilidade por idade e por sexo, onde tamén se está reducindo a brecha salarial entre homes e mulleres.
PARQUES E XARDÍNS
Restaurada e iluminada, a auga volve correr na fonte de Vite
A fonte situada na zona verde entre a rúa de Alexandre Bóveda e a Avenida do Burgo das Nacións en Vite, e que xa estivera con anterioridade na Praza Roxa, volve a levar auga tras unha profunda restauración pola que se recolocaron as pedras, impermeabilizouse a superficie, substituíuse o equipo de bombeo e instaláronse focos leds para a súa iluminación nocturna
ALCALDÍA
A modificación puntual do PXOM para o antigo Peleteiro recolle unha gran praza pública de 1.395 metros cadrados
O mércores someterase a votación plenaria a modificación puntual do PXOM para desbloquear a operación Peleteiro, coa que se abre un prazo de exposición pública do documento, e se suspende de xeito temporal a concesión de licenzas. Na proposta do Concello recóllese unha gran paza pública a un único nivel, como reclamaban os axentes sociais, orientada cara San Pedro de Mezonzo e cunha conexión con República Arxentina de 20 metros de apertura, converténdose esta na rúa máis ancha do Ensanche.
ACCIÓN CULTURAL
Lembranza a Ánxel Casal cunha escultura que é "homenaxe, xustiza e democracia"
Fronte a biblioteca que ten o seu mesmo nome, na Avenida de Xoan XXIII, Ánxel Casal, o que fora alcalde de Santiago de Compostela en 1936 volve a erguerse cunha escultura de bronce de 2 metros da artista arxentina Cristina Rommel. No acto de inauguración, a concelleira de Acción Cultural, Mercedes Rosón, quixo ratificar o compromiso do Concello coa memoria democrática.
DEPUTACIÓN
Saen a licitación as obras da senda peonil que mellorará a conexión entre Figueiras e Carme de Abaixo
Con dous quilómetros e medio de percorrido, a senda contará cun investimento de case un millón de euros e un prazo de execución de nove meses. Trátase dunha "antiga demanda da veciñanza", segundo explicou o concelleiro de Medio Rural, coa que "se mellora a seguridade para os peóns nesta zona de Santiago, ao tempo que se promove unha mobilidade máis sostible e se axilizan as comunicacións peonís entre o centro da cidade e o rural".
CIDADES PATRIMONIO
O GCPHE reforza o certame ‘Aula Patrimonio’ cunha nova liña que incorpora a linguaxe audiovisual
Nesta IX edición, os alumnos de ESO e FP das 15 cidades do Grupo poderán participar no concurso de fotografía en Instagram ‘A túa cidade, o teu patrimonio en Rede’, con premios de 500 euros para as mellores fotos de cada un dos municipios do Grupo. Os alumnos de 5º de Primaria teñen dispoñible a liña tradicional do certame, que consiste na elaboración de proxectos sobre outra cidade patrimonio do Grupo coa que resulten emparellados. Os quince gañadores desta sección poderán coñecer persoalmente a cidade...
CONSORCIO
O Consorcio de Santiago executará as obras do Centro Loxístico de Provisión e Distribución de Mercadorías do Casco Histórico por un importe de 4,5 millóns de euros
O investimento no tecido residencial será de 900.000€, o que triplica o investimento previsto no 2020. Esta partida irá destinada ao mantemento das envolventes exteriores e á rehabilitación das carpinterías de madeira e reixas dos edificios privados. Os máis de 9,6 millóns de euros orzamentados para o vindeiro ano incluirán tamén partidas destinadas ao mantemento de lousados; á difusión de publicacións e exposicións vencelladas á Cidade Histórica e á dinamización cultural e...
TURISMO
O proxecto Bodah certifica que o Casco Histórico de Santiago non está masificado
Turismo de Santiago é o lider deste proxecto europeo no que participan oito entidades de España, Portugal, Francia, Irlanda, Escocia e Gales. O concelleiro de Turismo, Sindo Guinarte, clausurou o seminario final desta iniciativa, que se celebrou hoxe pola mañá no Auditorio de Galicia.
TURISMO
Os beléns de San Fiz recibiron xa máis de 11.000 visitas
O alcalde de Santiago, Xosé Sánchez Bugallo, acompañado dos concelleiros de Acción Cultural e Centros Socioculturais, Mercedes Rosón; e de Turimo, Sindo Guinarte, visitou hoxe os beléns de San Fiz de Solovio; o montado por José Uzal e o realizado polas persoas usuarias da rede de CSC. Nos seus primeiros trece días de apertura, entre o 2 e o 12 de decembro, recibiron a visita de 11.366 persoas. Esta cifra supón o mellor dato de visitantes dende que Turismo de Santiago asumiu por primeira vez a instalación do belén...
COMERCIO
Ábrese o prazo de inscrición para os concursos de decoración de escaparates e de vivendas particulares
A partir de mañá todos aqueles establecementos que o desexen poderán presentar os seus escaparates decorados con motivos de Nadal a este concurso e optar por un dos seis premios económicos. Con esta iniciativa preténdese atraer a atención da clientela e aumentar así o consumo e as ventas durante este período vacacional. Tamén arranca mañá o prazo de inscrición no I Concurso de Decoración de Nadal Veciñal que recompensará as vivendas particulares coas fachadas, balcóns e...