Noticias

A alcaldesa de Santiago, Goretti Sanmartín, acompañada da tenente da alcaldesa, María Rozas, e do concelleiro de Facenda, Manuel César, recibiu este martes o presidente da Confederación de Empresarios de Galicia (CEG), Luis Vieites, no marco das relacións institucionais con todas as entidades da capital galega. Durante a xuntanza, ambas entidades amosaron a seu compromiso para avanzar conxuntamente en temas como o da implantación da taxa turística, a mellora da diversificación económica ou a aposta polo desenvolvemento...

O concelleiro de Mobilidade, Convivencia e Centros Socioculturais presidiu a primeira xuntanza da mesa de traballo da Praza de Abastos, creada para reflexionar sobre o futuro e as mellores necesarias no mercado. Xan Duro explicou que "a de onte foi a primeira toma de contacto, e xa para setembro comezaremos a traballar tanto nas medidas de carácter máis inmediato como nas estratexias a medio e longo prazo para revitalizar a Praza de Abastos, e que siga sendo referente da alimentación e o produto fresco en Santiago".

APERTURA DOS PRAZOS DE MATRÍCULA NOS SERVIZOS DE COMEDOR E DE MADRUGADORES NA REDE DE CENTROS PÚBLICOS DE EDUCACIÓN INFANTIL E PRIMARIA DO CONCELLO DE SANTIAGO DE COMPOSTELA PARA O CURSO 2024-2025

O Concello de Santiago de Compostela vén de aprobar os prazos de matrícula nos servizos de comedores e madrugadores nos seguintes centros de ensino públicos: Apostólo Santiago, Quiroga Palacios, As Fontiñas, Roxos-Villestro, Vite, Mestre Rodríguez Xixirei (Lavacolla), Monte dos Postes, Raíña Fabiola,...

A praza do Obradoiro acolleu este mediodía un minuto de silencio polas cinco mulleres asasinadas esta fin de semana, vítimas de violencia de xénero.

A Xunta de Goberno Local acordou aprobar esta mañá os prazos e procedementos de admisión nos servizos de comedor e de madrugadores na rede de centros públicos de educación infantil e primaria do Concello de Santiago, para o curso 2024-2025. Divídese en dúas modalidades: as novas incorporacións, que teñen de prazo do día 16 de xullo ata o día 31 de agosto (ambos incluídos) para formalizar a inscrición; e as familias que durante o curso pasado fixeron uso do servizo, que teñen que reactivalo na...

A alcaldesa de Santiago, Goretti Sanmartín, e a concelleira de Festas, Pilar Lueiro, desvelaron esta mañá a identidade da pregoeira das Festas do Apóstolo, que este ano estará a cargo da cociñeira compostelá Lucía Freitas, que tamén estivo presente á rolda de prensa. Desde o Concello tamén se fixo un chamamento a toda a veciñanza para unirse á gran foliada que terá lugar na praza do Obradoiro o vindeiro 19 de xullo para amenizar o pregón.

O Consello Asesor de Condecoracións do Concello de Santiago vén de elixir por unanimidade as catro persoas que serán recoñecidas no acto "Alba de Compostela" polas súas respectivas traxectorias persoais e profesionais que traballan de xeito continuado por Compostela. Son a presidenta do Padroado do Museo do Pobo Galego, Concha Losada, o comerciante Xaquín Mato, a catedrática en Farmacoloxía Mabel Loza, e o presidente do Foro Galego de Inmigración, Miguel Fernández.

O concelleiro de Facenda, Manuel César Vila, fixo este venres balance do primeiro semestre orzamentario no que vai de ano. En primeiro lugar, lembrou que este goberno conseguiu pechar un acordo con PSdeG-PSOE para sacar as contas do ano 2024, despois dun exercicio, o de 2023, no que as contas estaba prorrogadas. Sobre este pacto, volveu agradecer aos socialistas a altura de miras para sacar adiante unas contas que teñen como obxectivo mellorar a calidade de vida da veciñanza.

A alcaldesa de Santiago, Goretti Sanmartín, o conselleiro de Sanidade, Antonio Gómez Caamaño e a titular de Vivenda e Planificación de Infraestruturas, María Martínez Allegue, pecharon o acordo para mellorar a accesibilidade na contorna do hospital Clínico Universitario de Santiago de Compostela e a construción dun aparcadoiro.

O Goberno local sacará a licitación o novo servizo de mantemento e conservación dos sistemas de control, regulación e xestión do tráfico e do túnel do Hórreo, cun orzamento de 4,2 millóns de euros para os próximos 3 anos. O concelleiro de Mobilidade, Convivencia e Centros Socioculturais, Xan Duro, indicou que o novo contrato "practicamente duplica o importe do que está en vigor, froito tanto da actualización dos prezos como da incorporación de diferentes melloras coas que pretendemos garantir o...