CONSORCIO
O Consorcio de Santiago comeza as obras no beirado da fachada do convento de San Paio
O Consorcio de Santiago comezou as obras no beirado da fachada do convento de San Paio de Antealtares, co fin de eliminar as humidades no interior do inmoble e as pingueiras na rúa. Os traballos, que se van executar no prazo de tres meses, teñen un orzamento global de 18.059,17 euros.
CONSORCIO
A Real Filharmonía de Galicia acompaña esta semana ao coro de nenos da Catedral, que porá voz a obras de Nadal tan populares coma "O Crebanoces", de Chaikovski
A Real Filharmonía de Galicia celebra esta semana dous concertos no Auditorio de Galicia. O primeiro será este xoves, 10 de novembro, ás 21:00 horas. O venres, ás 18:30 horas, parte do concerto repetirase para o público máis novo e para as familias, no marco do ciclo Descobre unha orquestra para ti, a túa!, que busca achegar a RFG e a música clásica a novos públicos. Neste caso, as entradas custan 5 euros e cada menor de 14 anos recibirá dúas gratuítas se vai acompañado de dous adultos....
PLENO
O Pleno autoriza a dotación de novos vehículos para a Policía Local
O Pleno da corporación municipal autorizou este luns por unanimidade a dotación de nove novos vehículos para a Policía Local, a través do sistema de renting. A proposta da Concellaría de Medio Ambiente e Convivencia tivo que ser sometida ao ditame da Corporación municipal porque o regulamento así o sinala cando un pagamento se vai facer en máis de catro anualidades.
ACCIÓN CULTURAL
O alcalde recolle no Culturgal o Premio do Público ao festival Curtocircuíto
O alcalde compostelán foi o encargado de recoller esta tarde, no Pazo da Cultura de Pontevedra, o Premio do Público Culturgal 2015, que recaeu no festival Curtocircuíto. Martiño Noriega agradeceu o recoñecemento para o festival, "que nas súas doce edicións soubo medrar e consolidarse sen perder a súa vontade de darlle ao cinema en formato curto a importancia cultural que ten". O rexedor tamén gabou o traballo que fixeron o primeiro director de Curtocircuíto, Tim Redford, e o actual, Pela del Álamo.
COMERCIO
Cincuenta e oito expositores conforman o Mercado de Nadal, que este ano se traslada á nave cinco da Praza de Abastos
Un total de 58 expositores protagonizarán este ano o Mercado de Nadal, que se traslada á nave 5 da Praza de Abastos. Houbo ademais 73 solicitudes, dez máis que na pasada edición.
CAMIÑO DE SANTIAGO
A Federación Española de Asociacións de Amigos do Camiño visita o Concello
A Federación Española de Asociacións de Amigos do Camiño de Santiago foi recibida esta mañá no Pazo de Raxoi, nun acto que estivo presidido polo segundo tenente de alcalde e concelleiro de Espazos Cidadáns, Jorge Duarte. A directiva e outros membros da entidade están de visita en Compostela para facer entrega, no Hostal dos Reis Católicos, dos II Premios Trifinium, que a FEAACS convoca con carácter trienal.
ALCALDÍA
Os nenos e nenas do CEIP de Vite defenderon nun pleno infantil o seu programa de melloras para o colexio
Os nenos e nenas de 4ª de Primaria do CEIP de Vite I convertéronse por unhas horas en concelleiros e concelleiras nun pleno infantil monográfico sobre as melloras que precisa este centro escolar. O alcalde de Santiago, Martiño Noriega, pasou a saudar os rapaces e a explicarlles o funcionamento habitual do pleno antes de que estes comezaran o seu intenso debate programático.
COMERCIO
A primeira gran solta das Bolboretas do Nadal terá lugar este sábado en Conxo
O barrio de Conxo é o elixido para acoller a primeira das sete grandes soltas das Bolboretas do Nadal, onde os e as participantes poderán pillar valiosas bolboretas e trocalas alí mesmo por agasallos especiais.
XUNTA DE GOBERNO
O Concello duplica a contía das bolsas de comedor escolar para este curso
A Xunta de Goberno aprobou este venres o expediente de resolución definitiva da convocatoria para a concesión de bolsas de comedor escolar para o curso 2015/2016. A contía das axudas viuse incrementada sensiblemente con respecto a anos anteriores, e desta vez acada un total de 165.727,40 euros. Son 78.000 euros máis que no curso 2014/2015, e 96.000 euros máis que no curso 2013/2014.
CONSORCIO
O Consorcio de Santiago remata as obras na igrexa de San Fiz, centradas na limpeza da fachada e do campanario
O Consorcio de Santiago interveu na fachada e no campanario da igrexa de San Fiz de Solovio. A obra, que se executou no prazo dun mes, cun orzamento global de 16.520,75 euros, realizouna a empresa TECHNE Conservación y Restauración de Bienes Culturales.