ALCALDÍA
Sánchez Bugallo amosa a súa satisfacción pola licitación do Orbital
O Consello de Ministros vén de dar luz verde á licitación do contrato de obras da nova ligazón Orbital de Santiago de Compostela entre a AP-9 (PK 64+500) coa A-54 (ligazón de San Marcos PK 91) e o aeroporto de Lavacolla.
ALCALDÍA
O Concello recorrerá ante o Supremo a sentenza da Audiencia Provincial de Madrid sobre as estatuas do Mestre Mateo
Así o anunciou hoxe o alcalde da cidade tras falar co director da asesoría xurídica, Manuel Cutrín, e o avogado que está a representar ao Concello de Santiago neste proceso, Xaquín Monteagudo. A entidade municipal interporá antes do 20 de xaneiro, data na que remata o prazo, un recurso de casación ante o Tribunal Supremo ao considerar que hai "causa e caso".
SEGURIDADE CIDADÁ
Cinco novos axentes incorpóranse á Policía Local
Hoxe pola mañá foron recibidos no Pazo de Raxoi polo alcalde da cidade, Xosé Sánchez Bugallo, o concelleiro de Mobilidade e Seguridade Cidadá, Gonzalo Muíños, e o xefe da Policía Local, José Ramón Silva.
DEPORTES
O pavillón municipal do Restollal acolle este sábado a XXXVII edición da Copa Galicia Feminina de Voleibol
O concelleiro accidental de Deportes, Gonzalo Muíños, e o presidente da Federación Galega de Voleibol, José Ángel Luna, presentaron este xoves a XXXVII edición da Copa Galicia Feminina de Voleibol, que se celebrará este sábado, 4 de xaneiro, no pavillón municipal do Restollal. O Concello colabora coa FGV e co Club Voleibol Santiago na organización desta festa do voleibol galego. A entrada é de balde.
EDUCACIÓN
Continúa aberta a convocatoria da VII edición do programa pedagóxico "Aula de Patrimonio"
O Grupo de Cidades Patrimonio da Humanidade de España mantén aberta a convocatoria da sétima edición do programa pedagóxico Aula de Patrimonio, no marco do curso escolar 2019-2020, destinado a estudantes das 15 cidades membros da rede. A Concellaría de Educación de Santiago xa fixo chegar a convocatoria aos centros da cidade.
