Noticias

Xa se coñecen os nomes das 15 persoas gañadoras dos convites dobres para presenciar, cos/coas seus/súas acompañantes, o espectáculo dos Fogos do Apóstolo dende un espazo habilitado a carón do Hostal dos Reis Católicos. Estas 30 persoas tamén poderán asistir ao concerto previo da Real Filharmonía de Galicia. Nesta edición recibíronse 1.410 formularios de participación.

A concelleira de Acción Cultural, Mercedes Rosón, participa este venres e mañá sábado en Coímbra (Portugal) no seminario "Europa das cidades. Europa da cultura", xunto con representantes das cidades de Aix-en-Provence e Poitiers (Francia), Esch-sur-Alzette (Luxemburgo) e Salamanca (España). O alcalde de Coímbra, Manuel Machado, recibiu as delegacións destas cinco urbes.

O concelleiro de Turismo, Sindo Guinarte, e a concelleira de Igualdade, Noa Díaz, presentaron tres accións que se desenvolverán durante as festas do Apóstolo co obxectivo de amosar o esforzo que fai o Concello de Santiago pola igualdade. Estas tres accións son complementarias ao programa de festas da cidade.

A praza do Obradoiro acolleu este mediodía un minuto de silencio para condenar o último asasinato machista, acontecido este mércores en Cortes de la Frontera (Málaga).

O alcalde de Santiago, Xosé Sánchez Bugallo, e a concelleira de Deportes, Esther Pedrosa, recibiron a delegación compostelá que participou na XIII edición dos Xogos do Eixo Atlántico.

As festas do Apóstolo arrincan este venres co pregón do actor Luis Zahera, dando paso a 13 días de actividades de balde para todos os públicos. Nesta xornada inicial, a música poñerana Budiño, Zalon Thompson e Kind of Soul.

O Festival Internacional de Cine de Santiago de Compostela anuncia os primeiros nomes da súa 16ª edición, que se celebrará entre o 28 de setembro e o 6 de outubro. Trátase do cineasta e teórico austríaco Peter Tscherkassky, a quen se lle dedicará unha retrospectiva; do fotógrafo e ensaísta Joan Fontcuberta, convidado a presentar unha Carta Branca e a dar unha clase maxistral; e da artista e cineasta franco-colombiana Laura Huertas Millán, que protagonizará a sección Púlsar....

A concelleira de Economía e Facenda, Persoal, Contratación e Modernización da Administración Local, Marta Abal, presentou esta tarde os orzamentos que se levarán a unha Xunta de Goberno extraordinaria convocada para mañá venres e que hoxe mesmo se lle entregaron ao resto dos grupos municipais. O obxectivo destas contas, indicou, é "atender as necesidades inaprazables que non poden ser cubertas con cargo aos orzamentos prorrogados de 2018, cuantificadas en máis de 8,6 millóns de euros".

Co obxectivo de facilitar a participación dos nenos e nenas con diversidade funcional nas atraccións feirais da Alameda, a Concellaría de Festas, en colaboración cos feirantes, vai facilitar un horario inclusivo sen ruído, de 17:00 a 19:00 horas, os días 23, 25, 27 e 30 de xullo.

O Concello de Santiago sortea este ano 15 convites dobres (agraciado/a e acompañante) para presenciar o espectáculo luminoso e pirotécnico da noite do 24 de xullo dende a zona habilitada para os e as convidadas.