Noticias

O alcalde de Santiago, Xosé Sánchez Bugallo, e a concelleira de Políticas Sociais, Mila Castro, reuníronse esta mañá na Casa do Concello coa Fundación Secretariado Xitano, para coñecer o programa do XVII Encontro Institucional da devandita entidade, que se celebrará na Hospedería de San Martiño Pinario os días 10, 11 e 12 de marzo.

O Salón Verde da Casa do Concello acolleu a sesión constitutiva da devandita comisión, que busca pór en valor un sector de gran tradición en Compostela.

A concelleira de Acción Cultural, Mercedes Rosón, participou hoxe, na Cidade da Cultura, na presentación das actividades organizadas por distintos concellos con motivo do Ano de Ricardo Carvalho Calero, a quen se lle adica este ano o Día das Letras Galegas.

O alcalde de Santiago de Compostela, Xosé Sánchez Bugallo, destacou hoxe, no acto homenaxe a Domingo García-Sabell, o "seu compromiso con Galicia, con Europa, coa liberade e coa democracia". Foi durante a IX Asemblea Xeral da Irmandade da Sanidade Galega, celebrada no Pazo de Fonseca, minutos despois de descubrir unha estatuta cunha placa na memoria do insigne galeguista.

O alcalde de Santiago, Xosé Sánchez Bugallo, reuniuse co presidente da Federación Galega de Municipios e Provincias (Fegamp), Alberto Varela. Foi a primeira visita deste ao Pazo de Raxoi tras a súa elección como titular da Fegamp o pasado mes de novembro, e unha oportunidade para repasar asuntos que preocupan aos concellos como o financiamento ou a asunción de competencias impropias.

O alcalde de Santiago, Xosé Sánchez Bugallo, anunciou que o proxecto de orzamento municipal será levado a unha Xunta de Goberno Local extraordinaria prevista para o vindeiro luns, 17 de febreiro, ás 10:30 horas. De acordo cos prazos legais previstos, sinalou, o documento someteríase ao ditame da comisión informativa de Facenda o 26 de febreiro e levado para a súa aprobación inicial a un pleno extraordinario o 2 de marzo.

O alcalde de Santiago, Xosé Sánchez Bugallo, reuniuse este xoves co co alcalde de Oroso, Manuel Mirás. Na xuntanza abordaron cuestións como a da circunvalación de Sigueiro, a Vía Verde ou o transporte metropolitano.

A Casa do Cabido acolle a exposición Des_facendo o xénero (a través da arte). É unha mostra colectiva e interdisciplinar, artellada sobre a idea das identidades de xénero como construción social e sobre os mecanismos que pode aportar a creación artística para romper con elas.

O Consorcio de Santiago acaba de licitar o servizo de mantemento e reparación dos pavimentos do recinto intramuros da cidade histórica para os vindeiros doces meses por un importe global de 187.095 euros. As empresas interesadas teñen de prazo ata o vindeiro 9 de marzo para presentar as súas propostas.

O concelleiro de Mobilidade e Seguridade Cidadá, Gonzalo Muíños, reuniuse este xoves, na Agrupación de Voluntarios de Protección Civil, co director xeral de Emerxencias, Santiago Villanueva; e co subdirector xeral de Planificación e Protección Civil, José Antonio Grandes. O obxectivo do encontro é lograr unha mellor optimización dos recursos humanos e materiais con vistas ao Ano Santo.