CULTURA
Chega ao ciclo Sons da Diversidade Ana Moura, a nova estrela do fado
O sábado 26 hai unha nova cita con Sons da Diversidade, ciclo organizado pola Concellaría de Cultura. Será a partir das 21.00 horas da man da nova estrela do fado, Ana Moura. As entradas xa están á venda na web de Caixa Galicia e no despacho de billetes do Auditorio de Galicia. O prezo é de 15 euros, con descontos do 50% para menores de 25 anos e persoas xubiladas.
ALCALDÍA
O alcalde denuncia o maltrato da Consellería de Educación en relación á Escola Oficial de Idiomas e á Escola de Hostalería
O alcalde compostelán, Xosé A. Sánchez Bugallo, cualificou como "grave" a actual situación da Escola Oficial de Idiomas (EOI) e denunciou a falta de compromiso orzamentario da Consellería de Educación para a construción dun novo edificio para a mesma. Do mesmo xeito, lamentou o "maltrato" do mesmo organismo autonómico respecto ao recoñecemento da titulación oficial para a Escola de Hostalería.
ALCALDÍA
A Escola de Salgueiriños permitirá a Santiago superar os estándares europeos de escolarización infantil pública
O alcalde compostelán, Xosé A. Sánchez Bugallo, e a concelleira de Educación, Mercedes Rosón, visitaron as obras Escola Infantil Municipal de Salgueiriños, proxecto incluído no programa Urbana Santiago Norte, que conta cunha achega do Fondo Europeo de Desenvolvemento Rexional (FEDER).
MEDIO AMBIENTE
Santiago súmase á "Hora do Planeta" apagando o alumeado público en varias localizacións da cidade
A Concellería do Medio Ambiente e Desenvolvemento Sustentable fai un chamamento aos veciños de Santiago para que mañá sábado, 26 de marzo, ás 20:30 horas, se sumen á Hora do Planeta, unha iniciativa coa que quere amosar o compromiso local cun cambio global en beneficio do medio ambiente. No marco desta iniciativa, cidadanía, empresas, institucións e gobernos de todo o mundo apagarán as súas luces durante unha hora como chamada de acción na loita contra o cambio climático.
CIDADE HISTÓRICA
A OCiHR loce unha nova placa comemorativa do Premio Cidades Patrimonio da Humanidade 2010
A concelleira de Cidade Histórica e Rehabilitación, Olga Pedreira, destapou a placa conmemorativa do Premio Cidades Patrimonio da Humanidade 2010, convocado polo Ministerio de Cultura, e que foi instalada na entrada da Oficina da Cidade Histórica e Rehabilitación.
ALCALDÍA
Confortables escaleiras e sinxelas referencias lineais para San Clemente
A reurbanización da área de San Clemente supuxo un cambio total na súa topografía. Ademais, os veciños e visitantes atópanse agora cos restos da fonte do século XVI aparecida no lugar. A piques de rematar os traballos, o alcalde compostelán, Xosé A. Sánchez Bugallo, visitou o lugar acompañado pola concelleira de Cidade Histórica e Rehabilitación, Olga Pedreira.
ALCALDÍA
A compañía Jet Ready presenta o seu servizo de aerotaxis dende o aeroporto de Lavacolla aos empresarios composteláns
O alcalde compostelán, Xosé A. Sánchez Bugallo exerceu de anfitrión para os directivos da compañía Jet Ready na presentación da súa oferta de aerotaxis, que pretenden implantar en Lavacolla. Aínda que a compañía xa ten voado dende o aeroporto compostelán, a intención da empresa é ter un avión e persoal permanente en Santiago, decisión que dependerá dos contactos que manteñan con empresarios composteláns.
COMERCIO
A cidade homenaxeará a seis comercios familiares do casco histórico
O concelleiro de Promoción Económica, Emprego, Comercio e Turismo, Xosé Manuel Iglesias, deu a coñecer en rolda de prensa os nomes dos establecementos distinguidos dentro do programa Homenaxe ao Comercio Compostelán 2011: Confecciones Sánchez, Fotos Sandine, Electrodomésticos Muíños, Joyería Regueira, Calzados Valiño e Lencería Carol.
NORMALIZACIÓN LINGÜÍSTICA
Normalización Lingüística anima os escolares composteláns a participar na última sesión do obradoiro "Canta música!"
A Concellaría de Normalización Lingüística colabora coa Secretaría Xeral de Política Lingüística no desenvolvemento dos obradoiros de canto e xogos tradicionais denominados Canta música!, inseridos no programa Bocaberta, que promove o uso da lingua galega entre os máis novos a través de actividades relacionadas con diversas disciplinas. A últimas sesión da actividade, dunha hora de duración, terán lugar o sábado 26 de marzo, ás 12:00 horas, no Centro.../em>
CULTURA
A Banda Municipal ofrece dous concertos baixo o título "Hoxe toca vento metal"
A Banda Municipal de Música, dirixida por Xosé Carlos Seráns, dará dous concertos o venres 25 de marzo, baixo o nome Hoxe toca vento metal. Ás 11:00 horas, no Auditorio de Galicia será o primeiro dos concertos, nesta ocasión un didáctico, dirixido a rapaces e rapazas de 1º, 2º e 3º de Educación Secundaria. Xa pola tarde, ás 20:00 horas, a Banda trasladarase ao Local Sociocultural de Amio para dar, desta vez, un concerto aberto a todo o público.