CENTROS SOCIOCULTURAIS
Ábrese a web de "A memoria da xente", que recompila os documentos desta exposición
O Departamento de Centros Socioculturais puxo en marcha A memoria da xente, iniciativa que pretendía recompilar a través da memoria dos propios veciños e veciñas a intrahistoria de Compostela de 1900 a 1975. Agora, para completar este proxecto, ábrese a web www.santiagosociocultural.org/amemoriadaxente, na que se poderán ver todos os documentos que estiveron incluídos na exposición, ademais de poder enviar material novo para que sexa incorporado.
CONSORCIO
A Real Filharmonía pecha a temporada coa violinista Patricia Kopatchinskaja
O xoves 26 de maio péchase a temporada de concertos da Real Filharmonía no Auditorio de Galicia. Para a cita, preparouse un programa composto na primeira parte polo Concerto para violín de Sibelius e, na segunda parte, pola coñecida Sinfonía do Novo Mundo, de Dvorák.
TURISMO
Santiago(é)Tapas presenta o libro "mmm... máis de 100 receitas de tapas"
O concelleiro de Promoción Económica e Turismo en funcións, Xosé Manuel Iglesias, e o director de Meubook, Fernando Jiménez, presentaron na Libraría Couceiro mmm... máis de 100 receitas de tapas, o libro da IV edición de Santiago(é)Tapas, o concurso de tapas da cidade, organizado por Turismo de Santiago e enmarcado nesta ocasión nos actos do 800 aniversario da Catedral.
ELECCIÓNS MUNICIPAIS
Resultado das eleccións municipais en Santiago de Compostela: PP 13, PSOE 9, BNG 3
As eleccións municipais, celebradas o domingo 22 de maio, deixaron o seguinte resultado: PP, 13 concelleiros; PSOE, 9; e BNG, 3.
EDUCACIÓN
Clases e obradoiros lúdicos para mellorar o nivel de inglés durante o verán
A Concellería de Educación pon en marcha unha nova edición da Escola Municipal de Verán de Inglés (English Summer School), convertida xa nunha actividade clásica dos veráns en Compostela. Desenvolverase do 1 ao 29 de xullo, en horario de 9:00 a 14:00 horas, no IES Rosalía de Castro. Non obstante, a recepción farase diariamente dende as 8:15 horas.
BENESTAR SOCIAL
Concurso fotográfico para poñer en valor o traballo feminino cotián
A concelleira de Benestar Social e Igualdade, Mar Martín, presentou as bases do Concurso Fotográfico A corresponsabilidade de camiño. Os traballos que moven o mundo. Este certame enmárcase no programa Compostela Corresponsable e no Pacto Local pola Conciliación.
EDUCACIÓN
O Concello de Santiago colabora coa Asociación de Celíacos de Galicia na divulgación da enfermidade
A Concellería de Educación colabora coa Asociación de Celíacos de Galicia en dar a coñecer esta enfermidade. Así, e con motivo da celebración do Día Nacional do Celíaco o venres 27 de maio, realizarase unha campaña de divulgación nos colexios, co reparto de folletos informativos entre os alumnos de 6º de Primaria dos centros escolares da cidade. O Concello colabora tamén con outras iniciativas, como o concurso Santiago(é)Tapas ou unha campaña nos medios de comunicación.
CULTURA
Aldo Ciccolini clausura o III Ciclo de Piano Ángel Brage no Auditorio de Galicia
O III Ciclo de Piano Ángel Brage chega ao seu fin o domingo 22 cun concerto do pianista Aldo Ciccolini. Este ciclo enmárcase dentro do Programa de Abono do Auditorio de Galicia, organizado pola Concellaría de Cultura. Anteriormente pasaron polo Auditorio de Galicia a xermano-xaponesa Alice Sara Ott e o ruso Arcadi Volodos. Ciccolini presenta un programa con obras de Fréderic Chopin e Franz Lizst.
TURISMO
Todo listo para o primeiro (é)tapasmóbil
Santiago(é)Tapas, evento enmarcado no 800 Aniversario da Consagración da Catedral, estreou nesta edición o Tapasporte virtual, unha aplicación para terminais móbiles que ten toda a información do èm]Tapasporte, ademais das vantaxes destas novas tecnoloxías, como a xeolocalización do establecementos participantes e das rutas do concurso. Esta ferramenta electrónica ten o mesmo valor que o Tapasporte físico e permite optar aos mesmos premios. Entre o 13 e o 18 houbo 294 descargas da.../em>
CONSORCIO
Música medieval nunha nova xornada do Compostela Organum Festival
A quinta xornada do Compostela Organum Festival, organizado polo Consorcio da Cidade de Santiago, acollerá o sábado 21 de maio, ás 20:30 horas, na igrexa da Universidade, un concerto que trasladará ao público ao medievo a través dun repertorio de época.