ALCALDÍA
O alcalde agarda que a construción da nova EDAR se licite este mesmo ano
Despois das conversas mantidas esta semana coa ministra de Medio Ambiente, Elena Espinosa e con outros responsables do Ministerio, o alcalde compostelán, Xosé A. Sánchez Bugallo, obtivo o compromiso de que a obra da futura estación depuradora de augas residuais (EDAR) se vai sacar a licitación. Despéxase así a incógnita que sobre este proxecto existía á vista dos recortes dos investimentos anunciados polo Goberno central.
EXTINCIÓN DE INCENDIOS
Os Bombeiros realizaron un simulacro de intervención nun accidente de tráfico
Os Bombeiros de Santiago realizaron un simulacro de excarceración e intervención nun accidente de tráfico, como práctica final dun curso con especialistas na materia no que participaron esta semana. Nesta experiencia, nunha parcela na Costa Vella, levaron a cabo os protocolos previstos para estes casos
CULTURA
A semana oficial da VII edición de Curtocircuíto remata coa entrega de premios
Curtocircuíto, o Festival Internacional de Curtametraxes de Santiago chega ó seu fin. Tras seis xornadas de proxeccións, na noite do sábado coñeceranse as curtas elixidas polo xurado e o público. 123 curtametraxes participaron este ano en Curtocircuíto, de 26 países diferentes, algúns como Malí, China, Corea do Sur, Polonia ou Irán, entre outros.
MERCADOS E FESTAS
A Feira Medieval reforza a orientación histórica e pedagóxica na súa terceira edición
Os días 4, 5 e 6 de xuño, celebrarase nas rúas da Cidade Histórica a III Feira Medieval. Nesta ocasión, o evento pretende reforzar a súa singularidade cunha representación histórica da coroación de Alfonso Raimúndez como rei de Galicia. A cidade engalanarase para esta Feira, á que están convidados a participar activamente todos os cidadáns.