Noticias

Hoxe xoves, ás 19:00 horas, terá lugar na Facultade de Historia da Universidade de Santiago a primeira charla da campaña Xunt@s Facemos Compostela, que organiza o Concello de Santiago xunto coa Asemblea de Cooperación pola Paz.

O alcalde de Santiago, Martiño Noriega, recibiu a asociación de veciños Amigos de San Pedro, presidida por Regina Quiñoy.

A Concellaría de Educación e Cidadanía ten previsto realizar un programa de conciliación laboral e familiar no período das vacacións de Nadal 2015 (21, 22, 23, 24, 28, 29, 30 e 31 de decembro 2015; e 4 e 5 de xaneiro de 2016). Este programa comprende un conxunto de actividades, a desenvolver nas instalacións do CEIP As Fontiñas e do CEIP Raiña Fabiola, destinadas á poboación escolarizada en Educación Infantil e Primaria do municipio de Santiago.

Hoxe xoves deu comezo a campaña Compostela en Negro, organizada pola Concellería de Igualdade do Concello de Santiago e coa colaboración da deseñadora Uqui Permui, encargada de levar a cabo a campaña.

O Teatro Principal acollerá ás 20:00 horas deste venres ao recente gañador do SEFF (Festival de Cine Europeo de Sevilla), José Luis Guerín, e a estrea de La academia de las musas, primeiro filme español galardoado co Giraldillo de Ouro.

A sede da Federación Española de Municipios e Provincias (FEMP) acolleu este xoves a xuntanza da Comisión de Turismo do Grupo de Cidades Patrimonio da Humanidade de España. A concelleira de Turismo, Marta Lois, participou na reunión xunto con edís das outras 14 cidades da rede: Alcalá de Henares, Ávila, Baeza, Cáceres, Córdoba, Cuenca, Ibiza/Eivissa, Mérida, Salamanca, San Cristóbal de la Laguna, Segovia, Tarragona, Toledo e Úbeda.

O Grupo de Cidades Patrimonio da Humanidade de España, entre elas Santiago de Compostela, está a participar nas Xornadas de apoio á comercialización organizadas por Turespaña en California, que teñen lugar no Condado de Napa, xunto a San Francisco, e que consistiron nunha presentación e nun workshop con turoperadores de todo Estados Unidos. Neste caso trátase dunha acción orientada a operadores especializados en turismo cultural e enogastronómico.

Mañá xoves, ás 20:30 horas, no Teatro Principal, entregaráselle o Premio Cineuropa ao cineasta mexicano Arturo Ripstein. Tras a cerimonia proxectarase Profundo Carmesí, película dirixida por Ripstein en 1996. Á parte do premiado, contaremos coa presenza de Marisa Paredes, unha das actrices do filme. Ripstein foi recibido esta mañá na Casa do Concello polo alcalde da cidade.

O alcalde presentou hoxe unha nova edición, a número XVI, do Premio Manuel Beiras de recoñecemento ao uso do galego no sector empresarial. O certame, convocado polo Concello e a Cámara de Comercio, cumpre un dobre papel: salientar o esforzo das empresas na normalización lingüística, e lembrar a figura de Manuel Beiras, un histórico comerciante compostelán e destacado loitador en prol da nosa lingua e a nosa cultura. Na presentación, Martiño Noriega estivo acompañado polo vicepresidente da Cámara de...

O Concello de Santiago participou na Asemblea anual da Rede Española de Cidades Intelixentes (RECI), que reuniu este mércores na Fira de Barcelona a representantes dos seus 65 municipios. Na reunión deuse conta do resultado do evento startup4cities 2015, celebrado o martes no marco do Smart City Expo World Congress. Nel, 18 emprendedores españois e portugueses presentaron os seus proxectos innovadores para mellorar a xestión e a calidade de vida da cidade, e varias cidades ofrecéronse para converterse en laboratorios urbanos onde...